2 कुरिन्थि 5:12 - Garhwali

¹² अर हम लोग इन नि बोन्‍ना छां कि तुम फिर से खुद तैं साबित कैरा, पर हम त सिरफ तुमतै अपणा बारा मा बतौणा छां ताकि तुम हमरा खातिर बड़ु मोन कैरी सैका। अर तब तुम ऊं लोगु तैं जबाब दे सकद्‍यां जु मनखियों का मनों तैं देखि के ना, बल्किन मा सकल तैं देखि के बड़ु मोन करदिन।

गढवली नयो नियम

¹² हम फिर भि अपड़ी बड़ै तुम्हरा संमणी नि करदा पर हम अपड़ा बारा मा तुम तैं घमण्ड कनु कु मौका दींदयां, कि तुम ऊं तैं जवाब दे साका, जु मन मा न, पर भैरा का दिखावा पर घमण्ड करदींनि।

2 कुरिन्थि 5:12 Referans Kwoze

2 कुरिन्थि 3:1

हे मेरा भै-बैंणो, क्या हमतै एक बार फिर से अपणा बारा मा बतौण पोड़लु कि हम कु छां? अर क्या अब हमतै एक-दुसरा की सिपारिस खुणि चिठ्‍ठी लिखण पोड़लि, जन कि ईं दुनियां मा लोग करदिन।

2 कुरिन्थि 1:14

अर मितैं इन भि यकीन च कि तुम लोग मेरा बारा मा थुड़ा भौत जाणि ग्यां, अर पूरि तरौं से जाणि के बड़ु मोन करिल्या। अर जब हमरु प्रभु यीशु मसीह वापस आलु, त वे दिन पर हम तुमतै देखि के बड़ु मोन कैरी सकद्‍यां।

2 कुरिन्थि 10:18

किलैकि जु कुई अपणी तारीफ खुद करदु वेतैं स्वीकार नि किये जान्दु, मगर जैकी बडै प्रभु कि तरफा बटि किये जान्दी वेकी बात स्वीकार किये जान्दी।

2 कुरिन्थि 12:11

मि तुमरि खातिर नासमझ बणि ग्यों, मगर वां खुणि भि तुमुन ही मितैं मजबूर कैरी, जब तुमतै मेरी तरफा बटि बुलण चयेणु, तब तुम इन नि करद्‍यां। अर भले ही मि लोगु कि नजर मा कुछ नि छौं, मगर फिर मि यीशु मसीह का खास चेलों मा बटि कम भि नि छौं।

2 कुरिन्थि 10:12

हे मेरा भै-बैंणो, तुमरा बीच मा कुछ लोग इन छिन जु कि अपणी बातों पर भौत बड़ु मोन करदिन, मगर हम इन नि करद्‍यां। अर जब वु अपणी तुलना कै दुसरा का दगड़ा मा करदिन त वु इन दिखौन्दिन कि वु भौत सच्‍चा छिन मगर सच्‍चै त या च कि इन्द्रया लोग मूरख छिन।

2 कुरिन्थि 10:8

अर कुछ हद तक मि वे अधिकार पर बड़ु मोन कैरी सकदु छौं, जु कि प्रभु यीशु न मितैं तुमरा फैदा का खातिर दियूं च, अर उ तुमरा नुकसान खुणि नि च। इलै मि वे अधिकार को इस्तेमाल करणु खुणि कभि पिछनै नि हटलु अर ना ही सरम मैसूस करलु।

2 कुरिन्थि 6:4

मगर हम हरेक बगत इन दिखौन्द्‍यां कि हम लोग बड़ी इमानदारी से पिता परमेस्वर कि सेवा करद्‍यां, अर चै कन्दरि भि बात किलै नि ह्‍वे जौ, या दुख-तकलीफ को बगत हो या बगत बड़ु कठिन हो, या मुस्किल पर मुस्किल औणी हो, पर फिर भि सबर रखी के सेवा का काम मा लग्यां रौन्द्‍यां।

2 कुरिन्थि 10:7

अर तुमरि आंख्यों का समणि जु चीज छिन तुम ऊंतैं स्वीकार करद्‍यां। अर अगर कैतैं पूरु यकीन च कि वु यीशु मसीह को चेला च, त फिर उ इन भि जाणि ल्यो कि जन उ मनखि यीशु मसीह को च ठिक उन्‍नि हम भि वेका छां।

फिलिप्पी 1:26

अर जब मि तुमरा बीच मा फिर से रौलु, त तुम लोग मेरा बानो यीशु मसीह पर और भि जादा बड़ु मोन करिल्या।