2 कुरिन्थि 4:2 - Garhwali

² अर हमुन इन ठाणियालि कि हम इन्द्रयो कुछ भि नि करुला ज्यां से कि हमतै सरम अऽ। अर हमुन कभि भि चालाकी चलि के तुमतै धोखा देण की कोसिस नि कैरी, जन कि कुछ लोग करदिन। अर ना ही हम परमेस्वर का वचन मा मिलावट करद्‍यां, बल्किन मा हम त सच्‍चै से सिखौन्द्‍यां अर उ भि इन जाणि के कि परमेस्वर हमतै दिखणु च। अर यू सब हम इलै करद्‍यां, ताकि हम सब लोगु खुणि एक उदारण बणि जां।

गढवली नयो नियम

² पर हम ल शर्मनाक अर गुप्त कामों तैं छोड़ी येले, अर न चालाकी ल चलद्यां, अर न पिता परमेश्वर का वचन मा कुछ मिलावट करदा, पर हम पिता परमेश्वर का संमणी भस सच सिखौदियां, अर हर कुई आदिम गव्है दे सकद कि य बात सच च।

2 कुरिन्थि 4:2 Referans Kwoze

2 कुरिन्थि 2:17

अर हम ऊं ठगों की तरौं नि छां जु कि अपणा फैदा खुणि परचार को काम करदिन, पर हम त शुभ समाचार तैं बड़ी इमानदारी से सुणौन्द्‍यां, अर यीशु मसीह का द्‍वारा दियां अधिकार से परमेस्वर का वचन को परचार करद्‍यां। अर यू सब हम इन जाणि के करद्‍यां कि पिता परमेस्वर हमतै दिखणु च।

2 कुरिन्थि 5:11

अर हम जणदा छां कि पिता परमेस्वर पर अपणी पूरि सरदा रखण को मतलब क्या च, इलै ही हम लोगु तैं सच्‍चै का बारा मा बतौन्द्‍यां ताकि वु भि सच्‍चै तैं स्वीकार कैरी सैका। अर परमेस्वर ईं बात का बारा मा जणदु च, अर मितैं पूरि उम्मीद च कि तुम भि वांका बारा मा खूब अच्छे से जणद्‍यां।

1 कुरिन्थि 4:5

इलै जबरि तक न्याय को बगत नि ऐ जान्दु, तबरि तक कै का दगड़ा मा कुई गळत काम नि कैरा। अर जब हमरु प्रभु यीशु आलु, त उई ईं बात को न्याय करलु, अर लोगु तैं ऊंका भला-बुरा कामों का बारा मा बतालु, जु ऊंन लुकि-छिपी के करिनी। अर उ इन भि बतालु, कि ऊंका मनों मा क्या च। तब पिता परमेस्वर ऊं लोगु की तारीफ करलु, जु वेका काम खुणि वफादार छिन।

2 कुरिन्थि 11:3

मगर मितैं ईं बात की बड़ी चिन्ता च कि जन शैतान न गुरौ का द्‍वारा बड़ी चालाकी से हवा तैं अपणा छल मा फंसै दिनी, ठिक उन्‍नि कखि इन नि हो कि झूठ्‍ठा लोग अपणी गळत शिक्षा का द्‍वारा तुमरा पवित्र जीवन तैं जु कि यीशु मसीह का दगड़ा मा च वेतैं बिगाड़ि नि द्‍या।

इफिसुस 5:12

किलैकि वु लोग ऊं कामों तैं लुकि-छिपी के करदिन, अर ऊं कामों का बारा मा बात करण से भि सरम औन्दी।

रोमियों 1:16

अर मि शुभ समाचार को परचार करण मा नि सरमान्दु, किलैकि ये परचार मा परमेस्वर की ताकत च अर पैलि यू शुभ समाचार केवल यहूदी जाति का लोगु खुणि छौ, मगर अब यू परचार ऊं लोगु खुणि भि ह्‍वे गै जु यहूदी जाति का नि छिन। अर हरेक वु मनखि जु कि बिस्वास करलु वेतैं छुटकारा मिललु।

इफिसुस 4:14

अर औण वळा बगत मा हम बच्‍चों का जन नि रा, जु कि झूठ्‍ठा गुरु लोगु की चालाकी अर धोखा देण वळी बातों तैं सच्‍च समझदिन, अर अपणा जीवन मा स्वीकार कैरिके वेका मुताबिक चलदिन। मेरा दगड़्यों, इन्द्रया लोगु को बिस्वास समुन्दर की लैरों का जन च, जु कि इनै-उनै होणी रौनदिन।

2 कुरिन्थि 11:6

अर भले ही मि बोन्‍न मा एक भलु नेता नि छौं, मगर मि पिता परमेस्वर का रैबार का बारा मा खूब अच्छे से जणदु। अर तुमरा बीच मा रै के मिन जु कुछ भि कैरी अर सिखै, वेका मुताबिक मिन हरेक बात तैं तुम खुणि साफ-साफ कैरी।

2 कुरिन्थि 1:12

अर हमतै ईं बात पर गर्व च अर हमरु जमीर भि ईं बात की गवै देन्दु, कि ईं दुनियां मा खास कैरिके तुमरा बीच मा हमरु सभौ पिता परमेस्वर का लैख पवित्र अर सच्‍चु छौ। अर यू सब हमुन ईं दुनियां से मिलण वळा ज्ञान का मुताबिक नि कैरी, बल्किन मा पिता परमेस्वर की किरपा पर भरोसा रखी के कैरी।

रोमियों 6:21

अर जौं कामों का खातिर आज तुमतै सरम औन्दी, जब तुम ऊं कामों तैं कना छा त तुमतै वे बगत मा क्या-क्या फैदा ह्‍वे? अरे, इन्दरि बातों को कुई फैदा नि च यों को नतीजा त केवल मौत ही च।

2 कुरिन्थि 6:8

अर कुछ लोग इन छिन जु कि हमतै इज्‍जत देन्दिन, मगर कुछ हम पर इळजाम लगौन्दिन। कुछ हमरि बुरै ही करदिन, मगर कुछ हम खुणि भली-भली बात बुल्दिन। अर कुछ लोग इन्द्रया भि छिन जु कि हमतै झूठ्‍ठु साबित कन चनदिन, मगर कुछ हमरि सच्‍चै तैं बतौन्दिन।