2 कुरिन्थि 3:7 - Garhwali

⁷ अर मौत तैं लेके औण वळा कानून त ढुंगो की पाटि पर लिखे गै छा, जु कि परमेस्वर का दिब्य तेज का द्‍वारा हमरा पितर मूसा तैं दिये गैनी। अर वे बगत परमेस्वर का रैबर्या मूसा को मुख भि वेका तेज से चमकदु छौ, अर भले ही वा चमक जरा-जरा कैरिके खतम ह्‍वे गै मगर फिर भि इस्राएली लोग वीं चमक की वजै से पितर मूसा का मुख जनै देखि नि सकिनी।

गढवली नयो नियम

^7-8 जब मूसा की व्यवस्था ज्वा ढुंगा की पठालों पर लिखीं छै, दिये गै, वे बगत पिता परमेश्वर की महिमा दिखै द्ये; इस्राएल का लोग लंबा बगत तक मूसा का मुक तैं नि देखि सकिनि किलैकि उ चमकणु छो, जबकि य चमक जादा लम्बा बगत तक नि रै; इलै जु मूसा की व्यवस्था पर जुड़ीं सेवकाई मौत का तरपां लिजांदी त, जै की य महिमा च त वेकी आत्मा सेवकाई की महिमा बट्टी और जादा होली।

2 कुरिन्थि 3:7 Referans Kwoze

1 कुरिन्थि 13:10

मगर जब प्रभु यीशु आलु, त जु कुछ भि अधा च वु सब खतम ह्‍वे जालु।

रोमियों 10:4

अर यीशु मसीह त वु च जैन पिता परमेस्वर का सब नियम-कानूनों को पालन कैरिके पवित्रशास्‍त्र मा लिखी सब बातों तैं पूरु कैरी। इलै आज का बगत मा जु भि मनखि वे पर बिस्वास करदु, उ पिता परमेस्वर की नजर मा धरमी साबित ह्‍वे गै।

2 कुरिन्थि 3:6

अर या बात सच्‍च च कि परमेस्वर न हमतै ये काबिल बणै, कि हम नया कानून का सेवक बणा। अर नयू कानून कै लिख्यां कानून का रुप मा ना, बल्किन मा पवित्र आत्मा का द्‍वारा पूरु होन्दु। किलैकि लिख्यां कानून का द्‍वारा मौत की सजा औन्दी, मगर पवित्र आत्मा का द्‍वारा हमतै सदनि को जीवन मिलदु।

2 कुरिन्थि 3:3

अर या बात सच्‍च च कि तुम लोगु का जीवन बदलि गैनी, इलै अब से तुम लोग यीशु मसीह की एक चिठ्‍ठी की तरौं छाँ जौं तैं हमरा द्‍वारा बंटे गै। अर तुमतै कै कलम या स्याई का द्‍वारा ढुंगो की पाटि पर नि लिखे गै, बल्किन मा तुमतै त पवित्र आत्मा का द्‍वारा लिखे गै जु कि तुमरा दिलों मा च।

रोमियों 4:15

मगर सच्‍चै त या च कि नियम-कानूनों से लोगु तैं दण्ड मिलदु, किलैकि लोग नियम-कानून को पालन पूरि तरौं से नि कैरी सकदिन। अगर नियम-कानून नि होन्दा, त लोग भि नियम-कानून का खिलाप मा जैके दोषी नि ठैरदा।

रोमियों 7:10

अर वा आज्ञा ज्वा की मेरा हमेसा का जीवन खुणि छै, वा ही मि खुणि मौत की वजा बणि गै।

खास चेलों 6:15

तब न्याय समिति का सब लोगु न स्तिफनुस का मुख जनै एक-टक ह्‍वेके देखि, त ऊंतैं वेकी मुखडी स्वर्गदूत का जन दिखै।

रोमियों 7:22

किलैकि मि पिता परमेस्वर का नियम-कानून की वजै से अपणा जमीर मा भौत खुश होन्दु।

रोमियों 5:20

अर परमेस्वर न नियम-कानून इलै दिनी, ताकि सब लोगु तैं ईं बात का बारा मा पता चलि जौ कि ऊ भौत बड़ा पापि छिन, मगर वेका दगड़ा-दगड़ि पिता परमेस्वर की किरपा भि ऊं लोगु खुणि और भि जादा बढदी गै।

रोमियों 7:5

इलै जब हम ईं दुनियां की रीति-रिवाजों का मुताबिक जीवन जीणा छा त हम पाप पर पाप करदी जाणा छा, अर परमेस्वर का नियम-कानूनों का द्‍वारा ही हमतै पता चलि कि पाप हमरा जीवनों मा काम करदु, अर वेको नतीजा मौत च।

2 कुरिन्थि 3:8

हे मेरा भै-बैंणो, त अब इन सोचा कि पवित्र आत्मा का द्‍वारा मिलण वळा कानून की दिब्य चमक कथगा जादा होलि?

गलातियों 3:10

पर जु लोग खुद तैं धरमी साबित करणु खुणि केवल नियम-कानून का ही सरा पर टिक्यां छिन, वु सब लोग असगार का अधीन मा छिन। किलैकि पवित्रशास्‍त्र मा यू साफ-साफ लिख्यूं च कि, “जु कुई नियम-कानूनों की किताब मा लिखीं सब बातों का मुताबिक नि करदु, ऊं लोगु पर पिता परमेस्वर को असगार पोड़लु।”

गलातियों 3:21

अर तुम क्या सोचद्‍यां कि नियम-कानून परमेस्वर का करारों को विरोध करदिन? ना इन बिल्कुल भि नि च, किलैकि अगर इन्द्रयो नियम-कानून दियूं होन्दु, जु हमतै सदनि को जीवन देन्दु, त नियम-कानून को पालन करण से ही हम लोग धरमी ठैरैये जान्दा।

इब्रानी 3:3

अर जन एक घौर से जादा वेका मालिक तैं बड़ु आदर-सम्मान मिलदु, ठिक उन्‍नि मूसा रैबर्या से जादा आदर-सम्मान का लैख यीशु मसीह तैं समझै गै।

इब्रानी 12:18

अर जब पिता परमेस्वर न इस्राएली लोगु तैं सीनै नौ का पाड़ पर आज्ञा दे छै, त उख खतरनाक आग जगणी छै अर काळु अन्धेरु होयुं छौ अर आंधी-तूफान चलणु छौ,