2 कुरिन्थि 3:5 - Garhwali

⁵ अर मि इन नि बोन्‍नु छौं कि यू सब कुछ हम अपणी ताकत से करद्‍यां, बल्किन मा यू त पिता परमेस्वर ही च जु की हमतै ताकत देन्दु कि हम यू काम कैरी सैका।

गढवली नयो नियम

⁵ हम यु नि बुल्दियां कि हम मा खुद ही सब कुछ कने की क्षमता च; पर पिता परमेश्वर हम तैं यु क्षमता दींद।

2 कुरिन्थि 3:5 Referans Kwoze

2 कुरिन्थि 12:9

पर प्रभु न मिकू बोलि, “पौलुस, मेरी किरपा ही त्वे खुणि काफी च, किलैकि जब तू कमजोर होन्दी तब मेरी ताकत पूरि तरौं से काम करदी।” इलै प्रभु न मिकू जु कुछ बोलि मि वीं बात की वजै से बड़ी खुशी मणौन्दु अर अपणी ईं कमजोरी पर बड़ु मोन करदु, ताकि लोगु तैं इन पता लगि सैको कि यू यीशु मसीह ही च जु कि मितैं अपणी सेवा करण की ताकत देन्दु।

फिलिप्पी 4:13

किलैकि जु मितैं ताकत देन्दु वेका द्‍वारा मि सब कुछ कैरी सकदु छौं।

1 कुरिन्थि 15:10

बल्किन मा पिता परमेस्वर न मि पर अपणी किरपा कैरी, इलै आज मि भि एक खास चेला छौं। अर ज्वा किरपा वेन मि पर कैरी वा बेकार नि गै, किलैकि मिन दुसरा खास चेलों से जादा मेनत कैरी। अर सच्‍चै त या च कि या मेनत पिता परमेस्वर की वीं किरपा न कैरी ज्वा कि मेरा दगड़ा मा च।

फिलिप्पी 2:13

किलैकि परमेस्वर ही च जु कि अपणी मनसा का मुताबिक तुमरा जीवनों मा काम कनु च, अर उ ही च जु की इन इच्छा पैदा करदु कि तुम वेका मुताबिक चलि सैका।

यूहन्ना 15:5

“मि अंगूरों की बेल छौं, अर तुम फौंकि छाँ। अर जु मि मा बणयां रौनदिन अर जौं मा मि बणयूं रौन्दु उई जादा फल लनदिन, किलैकि मि बटि अलग ह्‍वेके तुम कुछ भि नि कैरी सकद्‍यां।

याकूब 1:17

किलैकि हरेक अच्छु अर उत्तम दान-बरदान स्वर्ग बटि औन्दु अर पिता परमेस्वर की तरफा बटि मिलदु च। अर वेन ही आसमान मा चमकण वळी ज्योतियों तैं बणै। अर उ कभि भि नि बदल्दु। अर चै कुई भि अदळौ-बदळौ ह्‍वे जौ, पर वेमा कुई अन्धेरु नि पोड़दु।

1 कुरिन्थि 3:6

मिन सिरफ सच्‍चि शिक्षा की पौद लगै, त अपुल्‍लोस न वीं पौद की देख-रेख कैरी, मगर परमेस्वर ही च जु कि वीं पौद तैं बढौन्दु,

लूका 21:15

किलैकि मि तुमतै इन्दरि अकल अर बुलणु खुणि इन शब्द द्‍यूलु, कि तुमरा सब बैरी तुमरि बातों को मुकाबला नि कैरी सकला, अर ना ही तुमरि बात को विरोध कैरी सकला।

2 कुरिन्थि 4:7

हे मेरा भै-बैंणो, हम लोग माटा का भाँडो की तरौं छां, जौं मा यू उज्याळु एक खजाना की तरौं च। अर यां से इन पता चलदु कि या ताकत मनखियों कि ना, बल्किन मा परमेस्वर की तरफा बटि च जु कि हमरु अपणु नि च।

1 कुरिन्थि 3:10

अर मि वे जानकार मिस्‍त्री का जन छौं, जु कि मजबूत घौर बणौन्दु अर बुनियाद का डांग तैं बड़ी मजबूती से रखदु, अर यू दान मितैं पिता परमेस्वर न देई। अर इन्‍नि और लोग भि छिन, जु कि मेरी रखी बुनियाद पर घौर बणौण को काम कना छिन, मगर जरुरी बात त या च कि हरेक मिस्‍त्री अच्छी चिणैं कनु च।

लूका 24:49

अर सुणा, पिता का वे करार का मुताबिक मि वेतैं तुम पास भेजलु, अर जबरि तक वा ताकत तुमतै स्वर्ग बटि नि मिली जौ, तबरि तक तुम यरूशलेम नगर मा ही रयां।”

रोमियों 15:18

पर यू सब कुछ मिन अपणी ताकत से नि कैरी, किलैकि यू सब कुछ करण वळु त पिता परमेस्वर च। मेरु त बस यू ही काम च कि मि जाति-जाति का लोगु का बीच मा जौं, अर ऊंतैं पिता परमेस्वर को वचन बतै के वेका पास लेके औंऽऽ।

2 तीमुथियुस 2:2

अर जु बात तिन भौत सरा लोगु का समणि मि बटि सुणी छिन, ऊं बातों तैं तू ऊं लोगु का हाथों मा सौंप दे जु बिस्वास करण का लैख छिन अर वु दुसरो तैं भि सिखौण वळा हो।