2 कुरिन्थि 2:3 - Garhwali

³ अर मिन या चिठ्‍ठी तुमकु ईं बात का खातिर लिखी, कि जब मि औलु त कखि इन नि हो कि जौं लोगु से मितैं खुशी मिलण चयेणी ऊंकी वजै से मि उदास ह्‍वे जौं, किलैकि मितैं ईं बात पर यकीन च कि जौं बातों से तुमतै खुशी मिलदी, ऊं ही बातों से मितैं भि खुशी मिलदी।

गढवली नयो नियम

³ अर मिल यु ही बात तुम तैं इलै लिखीं, कि कखी इन नि हो, कि मेरा आंण पर जौं मा मि तैं खुशी मिलण चयणी च, मि वेमा दुखी नि हवे जौं; किलैकि मि तैं तुम सभियूं पर ईं बात कु विश्वास च कि जु मेरी खुशी च, व ही तुम सभियूं की भि खुशी च।

2 कुरिन्थि 2:3 Referans Kwoze

गलातियों 5:10

पर मितैं तुम पर पूरु यकीन च तुम जु प्रभु पर बिस्वास करद्‍यां, मि जणदु छौं कि अगर कुई तुमतै इन्दरि शिक्षा द्‍यालु, त तुम लोग ऊं बातों पर बिस्वास नि करिल्या। अर जु कुई तुमतै इन्द्रया विचारों से भरमै द्‍यालु, त परमेस्वर ऊंतैं जरुर दण्ड द्‍यालु।

2 कुरिन्थि 8:22

अर येका दगड़ा-दगड़ि हम एक और बिस्वासी भै तैं ऊंका दगड़ा मा भेजणा छां। अर मिन कई बार प्रभु खुणि ये मनखि का काम तैं देखि, अर मितैं वेका बारा मा पता च कि उ प्रभु कि सेवा मा मदद करणु खुणि हमेसा तयार रौन्दु। अर उ भि ईं बात तैं जणदु च कि तुम लोग ये दान तैं दुसरा बिस्वासी लोगु का समणि देण चाणा छाँ, अर यू आदिम यों दुई भैयों का दगड़ा मा औणु खुणि भौत खुश च।

फिलेमोन 1:21

अर मि या चिठ्‍ठी ये यकीन से लिखणु छौं, कि तू मेरी बात तैं जरुर मणिली। अर मि यू भि जणदु छौं, कि जु कुछ भि मि लिखणु छौं तू वेसे भि जादा बढी के करली।

2 कुरिन्थि 7:12

अर ज्वा चिठ्‍ठी मिन पैलि भेजि वा मिन वे आदिम की वजै से नि भेजि छै जैन बुरु काम कैरी छौ, अर ना ही वेकी वजै से लिखी जैका दगड़ा मा अन्यो ह्‍वे छौ। बल्किन मा मिन इलै लिखी छै ताकि परमेस्वर का समणि यू साबित ह्‍वे जौ कि तुम हमरि बात को पालन करणु खुणि कन्दरि इच्छा रखद्‍यां।

2 थिस्सलुनीकी 3:4

अर तुम लोगु का बारा मा हमतै परमेस्वर पर पूरु बिस्वास च, कि जु कुछ भि हम लोगु न तुमतै सिखै, वु सब बात तुम मनणा छाँ अर हमेसा मनणा रैल्या।

2 कुरिन्थि 12:21

अर मितैं ईं बात कि चिन्ता च कि जब मि तुमरा पास फिर से औलु, अर अगर जु तुमरा बीच मा भौत सा लोग अभि भि अपणा पुरणा पापों मा ही फंस्यां छिन, अर अपणा मनों मा गळत विचार रखदिन, या सरील का गळत सम्बन्ध रखणा छिन, जौन अपणा यों पापों से पस्ताप नि कैरी त मितैं तुमरि खातिर दीन होण पोड़लु, अर पिता परमेस्वर का समणि रुंण पोड़लु।

2 कुरिन्थि 12:11

मि तुमरि खातिर नासमझ बणि ग्यों, मगर वां खुणि भि तुमुन ही मितैं मजबूर कैरी, जब तुमतै मेरी तरफा बटि बुलण चयेणु, तब तुम इन नि करद्‍यां। अर भले ही मि लोगु कि नजर मा कुछ नि छौं, मगर फिर मि यीशु मसीह का खास चेलों मा बटि कम भि नि छौं।

2 कुरिन्थि 7:8

हालांकि, मेरी पैलि चिठ्‍ठी मा लिखीं बातों न तुमतै दुखी कैरी, पर मितैं वे बगत ईं बात पर कुई अफसोस नि छौ। अर बाद मा मितैं अफसोस ह्‍वे किलैकि चिठ्‍ठी मा लिखी कुछ बातों न तुमतै उदास कैरी दिनी।

2 कुरिन्थि 7:6

मगर परेसान होयां लोगु तैं दिलासा देण वळु परमेस्वर च। अर वेन ठिक बगत पर तीतुस भै तैं हमरा पास भेजि, अर वेका द्‍वारा हमतै दिलासा दिये गै।

2 कुरिन्थि 1:15

अर मितैं ईं बात को पूरु यकीन छौ, इलै मिन पैलि तुमरा पास औण कि सोची, ताकि पिता परमेस्वर बटि तुमतै कुई ना कुई आसिरबाद मिली सैको।

1 कुरिन्थि 4:21

अब मितैं इन बता कि तुम क्या चन्द्‍यां? क्या मि तुमरा पास जांठु लेके औंऽऽ? या फिर प्यार अर नमर सभौ रखी के?

2 कुरिन्थि 1:23

अर मि तुमतै बतै देन्दु कि मि तुमरा पास कुरिन्थि नगर मा इलै नि औंऽऽ, ताकि तुम मेरी फटकार से बचि जा, अर या बात सच्‍च च अर यां को गवा पिता परमेस्वर च।

2 कुरिन्थि 2:9

अर जब मिन तुमकु पैलि चिठ्‍ठी लिखी छै त वामा मिन ईं बात का बारा मा इलै लिखी छौ, ताकि मितैं पता चलु कि तुम सब बातों मा आज्ञा को पालन करदा छाँ, कि ना।

2 कुरिन्थि 7:16

मि खुश छौं किलैकि हरेक बात खुणि मितैं तुम पर पूरु भरोसा च।

2 कुरिन्थि 13:10

अर यू सब कुछ मि तुम खुणि इलै लिखणु छौं, किलैकि अभि मि तुम से दूर छौं, अर जब मि तुमरा पास औलु त कखि मितैं अपणा अधिकार को इस्तेमाल सख्‍तै से नि करण पोड़ो। अर हमरा प्रभु यीशु न मितैं यू अधिकार दियूं च कि मि तुम खुणि बिस्वास मा आसीस की वजा बणु, ना कि उतेडु़ को।