2 कुरिन्थि 2:2 - Garhwali

² अर पैलि मिन तुमतै परेसान कैरी, अर अब केवल तुम ही त छाँ जु कि मेरी जिकुड़ी तैं खुश कैरी सकद्‍यां।

गढवली नयो नियम

² किलैकि जु मि तुम तैं दुःखी कैरू, त तुम्हरा अलावा मि तैं खुशी दींण वलो और कुई नि च, भस तुम ही छा जै तैं मिल दुखी कैरी।

2 कुरिन्थि 2:2 Referans Kwoze

2 कुरिन्थि 7:8

हालांकि, मेरी पैलि चिठ्‍ठी मा लिखीं बातों न तुमतै दुखी कैरी, पर मितैं वे बगत ईं बात पर कुई अफसोस नि छौ। अर बाद मा मितैं अफसोस ह्‍वे किलैकि चिठ्‍ठी मा लिखी कुछ बातों न तुमतै उदास कैरी दिनी।

2 कुरिन्थि 1:14

अर मितैं इन भि यकीन च कि तुम लोग मेरा बारा मा थुड़ा भौत जाणि ग्यां, अर पूरि तरौं से जाणि के बड़ु मोन करिल्या। अर जब हमरु प्रभु यीशु मसीह वापस आलु, त वे दिन पर हम तुमतै देखि के बड़ु मोन कैरी सकद्‍यां।

1 कुरिन्थि 12:26

अर जब सरील को एक अंग तैं दुख मिलदु, त हमरा पूरा सरील तैं तकलीफ होन्दी। ठिक उन्‍नि अगर एक तैं इज्‍जत मिलदी, त सरील का दुसरा अंग वेका दगड़ा-दगड़ि खुश होनदिन।

रोमियों 12:15

अर खुशी मनौण वळो का दगड़ा मा तुम भि खुशी मणा, अर जु दुख मा रुंणा छिन तुम भि ऊंका दगड़ा मा रुवा।

2 कुरिन्थि 11:29

अर जब मि ऊं लोगु का बारा मा सुणदु जु कि बिस्वास मा मजबूत नि छिन त मि ऊंका दगड़ा मा जादा सख्‍तै नि दिखान्दु, पर ऊंकी मदद करण की पूरि कोसिस करदु। अर जब कुई मनखि कै बिस्वासी भै-बैंण तैं पाप मा फंसै देन्दु त मितैं वे देखि के भौत गुस्सा औन्दु।

मत्ती 19:22

पर ईं बात तैं सुणी के वु ज्वान मनखि भौत उदास ह्‍वेके उख बटि चलि गै, किलैकि उ भौत बड़ु सेठ छौ।