2 कुरिन्थि 2:12 - Garhwali

¹² हे मेरा दगड़्यों, जब मि यीशु मसीह का बारा मा शुभ समाचार सुनौणु कू त्रोआस नगर मा पौंछु, त मिन देखि कि प्रभु न उख अपणु काम करणु खुणि पैलि बटि लोगु तैं तयार कैरिके रख्युं च, अर मितैं एक अवसर अच्छु मिली कि मि ऊंतैं शुभ समाचार सुणौ।

गढवली नयो नियम

¹² अर जब मि मसीह कु शुभ सन्देश तैं, सुनांणु कु त्रोआस शहर मा अयुं, अर पिता परमेश्वर ल मि तैं शुभ संदेश प्रचार कनु कु महान मौका दींनि।

2 कुरिन्थि 2:12 Referans Kwoze

खास चेलों 16:8

इलै ऊ मूसिया मुलक बटि ह्‍वेके त्रोआस नगर मा ऐनी।

खास चेलों 14:27

अर अन्ताकिया नगर मा औण का बाद ऊंन बिस्वासी समुदाय का लोगु तैं इकट्‍ठा कैरी अर ऊंतैं हरेक बात का बारा मा बतै, कि परमेस्वर न ऊंका द्‍वारा महान-महान काम करवैनी, अर ऊंतैं इन भि बतै कि बिस्वास करणु खुणि परमेस्वर न ऊं खुणि बाटु खोलियालि।

कुलुसी 4:3

अर येका दगड़ा-दगड़ि हम खुणि इन प्रार्थना कैरा, ताकि हमतै इन मौका मिलु कि हम पिता परमेस्वर का वचन तैं लोगु का बीच मा और भि जादा फैले सैका। अर हम यीशु मसीह का वे राज का बारा मा बतै सैका, जैका खातिर आज मि कैद मा छौं,

1 कुरिन्थि 16:9

किलैकि विरोध करण वळा उख भौत छिन, पर फिर भि शुभ समाचार को परचार करण को एक बड़ु अवसर मिल्यूं च।

रोमियों 1:1

हे मेरा भै-बैंणो, मि प्रभु यीशु मसीह को सेवक पौलुस छौं अर मि या चिठ्‍ठी इलै लिखणु छौं, किलैकि पिता परमेस्वर न मितैं यीशु मसीह को खास चेला होणु खुणि अर वेका शुभ समाचार तैं लोगु तैं सुनौण खुणि अलग कर्युं च।

खास चेलों 20:8

अर हम सब तीमंजिल मा इकट्‍ठा होयां छा अर उख भौत सा द्‍यू बळयां छा।

खास चेलों 16:11

इलै हम त्रोआस नगर बटि पाणि का जाज मा बैठि के सीदा सुमात्राके टापू मा पौंछयां, अर दुसरा दिन उख बटि नियापुलिस नगर कू ग्यां।

1 कुरिन्थि 9:12

अर जब दुसरा लोग तुम पर इन हक जतै सकदिन, त क्या हमरु तुम पर और भि जादा हक नि बणदु? पर फिर भि हमुन इन नि कैरी। अर इन हमुन इलै कैरी, ताकि हम मसीह का शुभ समाचार का परचार मा कुई रुकावट नि बणा, इलै हम हरेक दुख तैं सौणा छां।

1 कुरिन्थि 9:14

ये ही ढंग से प्रभु न भि ठैरै कि जु लोग शुभ समाचार सुणौन्दिन, ऊंकी कमै शुभ समाचार का द्‍वारा ही हो।

1 कुरिन्थि 9:16

अर जु शुभ समाचार मि सुणौन्दु, वीं बात पर मिन बड़ु मोन नि कैरी, किलैकि यू काम मेरु अपणु च। अगर जु मि शुभ समाचार नि सुणौलु, त मि पर हाय च।

2 कुरिन्थि 4:3

अर जु लोग ये शुभ समाचार तैं स्वीकार नि करदिन वु विणास का बाटा पर चलणा छिन, किलैकि ऊ लोग इन नि मणदिन कि जै शुभ समाचार को परचार हम करद्‍यां वेमा ऊंकी ही भलै च।

2 कुरिन्थि 4:4

अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।

2 कुरिन्थि 8:18

अर मि तीतुस भै का दगड़ा मा एक और बिस्वासी भै तैं भेजणु छौं। अर यू उ च जैन शुभ समाचार तैं फैलाण मा जै तरीके से काम कैरी, वां खुणि बिस्वासी समुदाय का लोग वेकी बड़ी तारीफ करदिन।

2 कुरिन्थि 9:13

अर दुसरा लोगु की मदद खुणि जु दान तुम देणा छाँ वेकी वजै से बिस्वासी लोग पिता परमेस्वर की बडै करदिन, किलैकि इन कैरिके तुमुन यीशु मसीह का शुभ समाचार की बात तैं पूरु कैरी। अर ऊ ईं बात खुणि पिता परमेस्वर को धन्यवाद करला कि तुमुन दिल खोली के दिनी अर वां से दुसरा लोगु को भलु ही ह्‍वे।

2 कुरिन्थि 10:14

अर जथगा बड़ु मोन हमतै करण चयेणु हम फिर भि वेका मुताबिक नि करद्‍यां, किलैकि जब हम तुमरा पास यीशु मसीह का शुभ समाचार तैं लेके ऐ छा, त हम वे ही सभौ का मुताबिक अभि तक चलणा छां।

2 कुरिन्थि 11:4

अर मि तुमतै चितै देन्दु कि तुमरा बीच मा कुछ इन्द्रया लोग ऐ गैनी, जु कि यीशु मसीह का बारा मा कुछ अलग ही शिक्षा देणा छिन, ज्वा कि हमरि दिईं शिक्षा से बिल्कुल अलग च। अर वे बगत मा तुमुन हमरा द्‍वारा शुभ समाचार तैं सुणी अर पवित्र आत्मा तैं पै, मगर अब तुम कै दुसरा ही रैबार तैं सुनणु खुणि अर कै दुसरा ही आत्मा तैं पौणु खुणि तयार होयां छाँ।

2 कुरिन्थि 11:7

अर मिन तुमतै पिता परमेस्वर को शुभ समाचार सुणै अर वेका बदला मा मिन तुम से रुपया नि लिनी। अर अब मितैं इन बता कि क्या मिन कुछ गळत कैरी? अरे, मिन तुमरा खातिर खुद तैं छुटो बणै दिनी, ताकि तुमतै पूरु आदर-सम्मान मिली सैको।