2 कुरिन्थि 13:11 - Garhwali

¹¹ हे मेरा भै-बैंणो, अब मि आखिरी मा तुमकु इन बोन्‍न चान्दु कि तुम खुश रा, अर अपणा-अपणा चाल-चलन मा हरेक दिन सुधार ला, अर जु-जु काम करणु कू मिन तुमकु बोलि ऊंतैं पूरु कैरा। अर एक-दुसरे की बात तैं स्वीकार कैरा अर एकजुट ह्‍वेके रा, अर एक-दुसरा का दगड़ा मा शान्ति से रा। अर पिता परमेस्वर तुमतै एक-दुसरा का दगड़ा प्यार करण मा, अर शान्ति से जीवन जीण मा पूरि मदद करलु।

गढवली नयो नियम

¹¹ हे विश्वासी भयों, खुश रावा; सिद्ध बणदी जावा; मेरी सलाह सूंणा; एक ही मन रावा; मेल से रावा, अर प्रेम अर शान्ति कु दाता पिता परमेश्वर तुम दगड़ी होलो।

2 कुरिन्थि 13:11 Referans Kwoze

इब्रानी 12:14

अब तुम सब लोगु का दगड़ा मा मेल-जोल बणै के रखा अर पवित्र ह्‍वे जा, किलैकि वु लोग ही प्रभु तैं देख सकदिन जु पवित्र छिन।

1 कुरिन्थि 1:10

हे मेरा भै-बैंणो, अब मि तुम से प्रभु यीशु मसीह को नौ लेके बिन्ती करदु, कि तुम सब एकमत ह्‍वेके रा, अर तुमरा बीच मा फूट नि पोड़ो, बल्किन मा तुम सब एक मन ह्‍वेके रा, अर तुम सभ्यों को एक ही मकसद हो।

रोमियों 12:16

अर अपणा आपस मा मेल-जोल से रा अर बड़ु मोन नि कैरा, बल्किन मा ऊं लोगु का दगड़ा मा मेल-जोल कैरा, जौं तैं लोग अकसर कुछ नि समझदिन। अर खुद तैं जादा होसियार समझि के बड़ु मोन नि कैरा।

रोमियों 15:33

मि तुम सभ्यों खुणि इन प्रार्थना करदु कि शान्ति देण वळु परमेस्वर तुम सभ्यों का दगड़ा मा रौ। आमीन।

रोमियों 12:18

जख तक ह्‍वे सैको, तुम सभ्यों का दगड़ा मा शान्ति से जीवन जीण की कोसिस कैरा।

मरकुस 9:50

“लूण त अच्छु च, पर अगर जु लूण को स्वाद ही खतम ह्‍वे जौ, त फिर वेतैं कनकै लूणयां किये जै सकदु? इलै अपणा जीवनों तैं लूण जन शुद्ध रखा, अर एक-दुसरा का दगड़ा मा शान्ति से रा।”

1 पतरस 3:11

अर बुरै करण से दूर रौ, अर भलै का काम कैरो, अर शान्ति को जीवन जीणु खुणि वां की खोज कैरो, अर वेका मुताबिक चलु।

2 कुरिन्थि 13:14

अर मि तुम सभ्यों खुणि इन प्रार्थना करदु, कि प्रभु यीशु मसीह की महान किरपा अर परमेस्वर को प्यार अर वेकी पवित्र आत्मा को साथ तुम सभ्यों का दगड़ा मा रौ। आमीन।

2 कुरिन्थि 13:9

अर भले ही हम कमजोर छां मगर हमतै खुशी च कि तुम बिस्वास मा मजबूत छाँ। अर हम पिता परमेस्वर बटि इन्‍नि प्रार्थना करद्‍यां, कि तुम और भि जादा मजबूत होन्दी जा।

1 पतरस 5:10

इलै अब जु दुख-तकलीफ तुम कुछ देर खुणि सौणा छाँ, वे कष्‍ट बटि पिता परमेस्वर तुमतै भैर निकळळु, अर तुमरा बिस्वास की बुनियाद तैं और भि जादा मजबूत अर पक्‍कु करलु, किलैकि पिता परमेस्वर ही च, जु कि अपणी पूरि किरपा करदु अर वेन ही तुमतै यीशु मसीह का द्‍वारा मिलण वळा आदर-सम्मान मा अपणा पास बुलयूं च, जु कि सदनि को च।

1 पतरस 3:8

कुछ और भि बात छिन जु कि मि तुम सभ्यों तैं बतौण चाणु छौं, तुम सभ्या का सभि एक मन ह्‍वेके रा, अर नेक दिल बणा, एक-दुसरा का दगड़ा मा प्यार से रा, अर एक-दुसरा पर दया कैरा, अर दीन सभौ को बणा।

याकूब 1:4

अर सबर रखण की ईं भावना तैं अपणु पूरु काम अच्छी तरौं से करण द्‍या, ताकि तुम हरेक बात मा समझदार अर मजबूत ह्‍वे जा, अर तुम मा कै भि बात कि कमी नि रौ।

2 थिस्सलुनीकी 2:16

हमरु पिता परमेस्वर हम बटि प्यार करदु, अर वेन हमतै सदनि तक रौण वळी दिलासा अर सबसे अच्छी आस दिईं च।

1 थिस्सलुनीकी 4:1

हे मेरा भै-बैंणो, कुछ और भि बात छिन जु की मि तुमतै बतौण चाणु छौं। परमेस्वर तैं खुश करणु खुणि मनखि को चाल चलण कन्द्रयो होण चयेणु, ईं बात की शिक्षा हमुन तुमतै दियाली, अर वेका मुताबिक तुम चलणा भि छाँ। अब हम तुम बटि प्रभु यीशु का नौ से बिन्ती करद्‍यां, कि तुम अगनै भि इन्‍नि चलणा रा।

फिलिप्पी 4:9

अर जु बात तुमुन मि बटि सिखी के स्वीकार करिनी, अर जु बात तुमुन मि बटि सुणिनी या मि मा दिखिनी, ऊं ही बातों को पालन कना रा, तब शान्ति देण वळु परमेस्वर तुमरा दगड़ा मा रालु।

फिलिप्पी 1:27

बस ईं बात को ध्यान रखा कि तुमरो चाल-चलन यीशु मसीह का शुभ समाचार का मुताबिक हो। अर अब चै मि तुम बटि ऐके मिलु या तुम से दूर रौ, मि तुमरा बारा मा बस इन्‍नि सुनण चान्दु कि तुम सभ्या का सभि एक ही दिल-दिमाग का ह्‍वे ग्यां। अर एक मन ह्‍वेके शुभ समाचार पर रख्यां बिस्वास तैं और जादा मजबूत करणु खुणि कड़ी मेनत कना छाँ।

रोमियों 16:20

अर शान्ति देण वळु परमेस्वर जल्द ही शैतान तैं तुमरा खुटा का तौळ कैरी दयालु। अर मि इन प्रार्थना करदु, कि हमरा प्रभु यीशु मसीह की किरपा तुमरा दगड़ा मा बणि रौ।

रोमियों 15:13

अर मेरी प्रार्थना च कि परमेस्वर जु की आसा देण वळु च, तुमरा बिस्वास करण की वजै से तुमतै पूरि खुशी अर शान्ति से भरपूर कैरी द्‍यो, ताकि पवित्र आत्मा की ताकत से तुमरि आस वे पर बणि रौ।

दिब्य दरस 22:21

प्रभु यीशु की किरपा तुम पर हो। आमीन।

इब्रानी 13:20

हे मेरा भै-बैंणो, प्रभु यीशु हम खुणि एक चरवाह का जन च, अर उ हम खुणि बलिदान ह्‍वे गै, मगर परमेस्वर न वेतैं मुरदो मा बटि ज्यून्द कैरी अर इन कैरिके वेका ल्वे का द्‍वारा वु करार पूरु कैरी जु कि सदनि तक रौण वळु च। अर मि इन प्रार्थना करदु कि पिता परमेस्वर अपणी शान्ति तुमतै द्‍यो, अर तुमरि हरेक जरुरत तैं पूरु कैरो। अर मि इन भि प्रार्थना करदु कि तुम पिता परमेस्वर की इच्छा तैं जाणि जा, अर यीशु मसीह तुमरा जीवनों मा वु काम कैरो ज्यां से कि परमेस्वर खुश होन्दु, हमरा प्रभु परमेस्वर की बडै सदनि तक होणी रौ। आमीन।

2 तीमुथियुस 2:22

हे तीमुथियुस, इलै तू ज्वानी की बुरी इच्छाओं बटि बचि के रौ, अर पिता परमेस्वर की नजर मा एक धरमी जीवन जीण सीख, अर भरोसा का काबिल बण, अर एक-दुसरा का दगड़ा मा मेल-जोल अर प्यार से रौ। अर ऊं लोगु का दगड़ा मा रौ जु साफ मन से प्रभु को नौ लिनदिन, अर वे पर बिस्वास करदिन।

2 थिस्सलुनीकी 3:16

अब हम इन प्रार्थना करद्‍यां, कि शान्ति देण वळु प्रभु हरेक बात मा तुमतै शान्ति द्‍यो अर तुमरा दगड़ा मा रौ।

1 थिस्सलुनीकी 5:23

हम तुम खुणि प्रार्थना करद्‍यां, कि तुमरि आत्मा, पराण, अर तुमरो सरील हमरा प्रभु यीशु मसीह का औण का दिन तक पूरु निरदोष अर हरेक बुरी बात से बचि के रौ। अर शान्ति देण वळु परमेस्वर तुमतै पूरि तरौं से पवित्र कैरो।

1 थिस्सलुनीकी 5:16

अर हमेसा खुश रा।

1 थिस्सलुनीकी 5:13

अर ऊंकी ईं मेनत की वजै से तुम ऊं बटि भौत प्यार कैरा, अर ऊंतैं भौत आदर-सम्मान द्‍या। अर एक-दुसरा का दगड़ा मा मेल-जोल से रा।

1 थिस्सलुनीकी 4:18

इलै यों बातों से एक-दुसरे की हिम्मत बढणा रा।

फिलिप्पी 4:4

हे मेरा दगड़्यों, प्रभु मा हमेसा आनन्दित रा, अर मि फिर से बोन्‍नु छौं कि आनन्दित रा।

फिलिप्पी 4:2

अर मि यूओदिया अर सुन्तुखे दुई बैंणो बटि इन बिन्ती करदु कि तुम दुई प्रभु मा एक जन सोच-विचार बणै के रखा।

फिलिप्पी 3:16

इलै आज हम जख तक पौंछी ग्यां, वेका मुताबिक अगनै भि चलण रौला।

इफिसुस 6:23

अर मि इन प्रार्थना करदु, कि पिता परमेस्वर अर प्रभु यीशु मसीह की तरफा बटि तुमतै शान्ति मिलु। अर तुम सब एक-दुसरा से प्यार करण मा अर बिस्वास मा हरेक दिन बढदी जा।

2 कुरिन्थि 1:4

अर जब दुख-तकलीफ हमरा जीवन मा औन्दिन, त प्रभु हमतै दिलासा देन्दु। अर इन उ इलै करदु, ताकि हम भि ऊंतैं दिलासा दे सैका जु लोग दुख-तकलीफो मा छिन।

खास चेलों 23:30

अर जब मितैं इन खबर मिली, कि वु लोग ये मनखि तैं जान से मरण की फिराक मा जाळसाजि बणौणा छिन, त मिन येतैं तुरन्त तुमरा पास भेज दिनी। अर दोष लगौण वळा लोगु तैं इन आदेस देई कि वु तुमरा समणि ऐके ही ये मनखि पर लग्यां इळजामो का बारा मा बता।”

खास चेलों 18:21

अर जब पौलुस उख बटि जाण लगि गै, त वेन इन बोलि के ऊं बटि विदै ले कि, “अगर जु परमेस्वर की इच्छा होलि, त मि तुम लोगु का पास फिर औलु।” तब पौलुस न इफिसुस नगर बटि पाणि का जाज से अपणी यात्रा शुरु कैरी।

खास चेलों 15:29

बस तुम लोग इन कैरा कि, मूरत का अगनै चड़ये जाण वळी चीजों से, ल्वे खाण-पीण से, अर गौळा दबै के मुरयां जानबरों की सिकार से, अर दुसरा का दगड़ा मा गळत सम्बन्ध बणौण से, इन्दरि सब बातों से तुम दूर रा, अर जब तुम यों सब बातों से दूर रैल्या, त तुमरो भलु ही होलु। “‘अच्छा त फिर सलाम, प्रभु तुमतै आसीस द्‍यो।’”

यूहन्ना 17:23

अर तुम मि मा छाँ अर मि ऊंमा छौं, ताकि वु पूरि तरौं से एक ह्‍वे जा। अर यू देखि के दुनियां का लोग जाणि जाला, कि तुमुन ही मितैं भेजि च, अर जन तुमुन मि बटि प्यार कैरी, ठिक उन्‍नि प्यार ऊं बटि कैरी।

लूका 9:61

तब एक और मनखि न यीशु कू बोलि, “प्रभु मि तुमरा पिछनै औलु, पर पैलि मितैं इजाजत द्‍या, ताकि मि पैलि अपणा घौर वळो बटि विदै ले ल्यूं।”

मरकुस 10:49

तब यीशु रुकी गै अर वेन बोलि, “वेतैं इख बुला।” अर लोगु न वेतैं जैके बुलै अर वे अन्धा मनखि कू बोलि, “हिम्मत रख, अर खड़ु हो किलैकि यीशु त्वेतै बुलाणु च।”

मत्ती 5:48

इलै तुम खरु मनखि बणा, जन स्वर्ग मा रौण वळु तुमरो पिता परमेस्वर खरु च।”

मत्ती 1:23

अर उ वचन इन च कि, “सुणा, एक कुंवारी नौनि गरवति होलि अर एक नौना तैं जनम द्‍याली, अर वेको नौ इम्मानुएल रखै जालु,” जैको मतलब च कि “परमेस्वर हमरा दगड़ा मा च।”

इफिसुस 4:3

अर पवित्र आत्मा का द्‍वारा एकजुट होण को जु दान तुमतै मिली वेका मुताबिक तुम एक-दुसरा का दगड़ा मा शान्ति से रौण की पूरि कोसिस कैरा।

रोमियों 14:19

इलै हम ऊं बातों तैं पूरु करण मा लग्यां रा, जौं बातों से मेल-जोल होन्दु, अर जु बात एक-दुसरा का बिस्वास तैं मजबूत बणौण मा काम औन्दिन।

इफिसुस 4:12

अर इन वेन इलै कैरी, ताकि बिस्वासी लोगु तैं सेवा का काम का लैख बणयै जौ अर यीशु मसीह को बिस्वासी समुदाय और भि जादा तरक्‍की कैरो।

1 थिस्सलुनीकी 3:10

अर हम दिन-रात परमेस्वर बटि तुम खुणि भौत प्रार्थना करद्‍यां, कि तुम बटि मिली सैका, अर अगर तुमरा बिस्वास मा कै भि बात की कमी रै गै होलि त हम वींतैं पूरि कैरी द्‍यूला।

2 थिस्सलुनीकी 3:1

हे मेरा भै-बैंणो, आखिरी मा हम तुमकु इन भि बुल्द्‍यां, कि हम खुणि प्रार्थना कर्यां ताकि जन तुम लोगु का बीच मा परमेस्वर को वचन फैली, ठिक उन्‍नि दुसरा लोगु का बीच मा भि परमेस्वर को वचन जल्दी-जल्दी परचार किये जौ। अर वे वचन तैं सुनण वळा बड़ा आदर-सम्मान बटि वेतैं स्वीकार कैरा।