2 कुरिन्थि 11:6 - Garhwali

⁶ अर भले ही मि बोन्‍न मा एक भलु नेता नि छौं, मगर मि पिता परमेस्वर का रैबार का बारा मा खूब अच्छे से जणदु। अर तुमरा बीच मा रै के मिन जु कुछ भि कैरी अर सिखै, वेका मुताबिक मिन हरेक बात तैं तुम खुणि साफ-साफ कैरी।

गढवली नयो नियम

⁶ जु मि खुल्ला रूप मा बुल्ण मा ज्ञानी नि छो, तब भि मसीह अर शुभ संदेश का बारा मा मि तैं जानकारी छै च; जबकि मिल अपड़ो ज्ञान ऊं सभि बातों मा प्रदर्शित कैरी जु मिल सिखैनी।

2 कुरिन्थि 11:6 Referans Kwoze

इफिसुस 3:4

अर जब तुम ईं चिठ्‍ठी तैं पढिल्या, त तुम समझि सकिल्या कि मितैं वीं योजना का बारा मा कथगा अच्छे से पता होलु, ज्वा कि पैलि छिपी छै अर पिता परमेस्वर न यीशु मसीह का बारा मा बणईं छै।

2 कुरिन्थि 4:2

अर हमुन इन ठाणियालि कि हम इन्द्रयो कुछ भि नि करुला ज्यां से कि हमतै सरम अऽ। अर हमुन कभि भि चालाकी चलि के तुमतै धोखा देण की कोसिस नि कैरी, जन कि कुछ लोग करदिन। अर ना ही हम परमेस्वर का वचन मा मिलावट करद्‍यां, बल्किन मा हम त सच्‍चै से सिखौन्द्‍यां अर उ भि इन जाणि के कि परमेस्वर हमतै दिखणु च। अर यू सब हम इलै करद्‍यां, ताकि हम सब लोगु खुणि एक उदारण बणि जां।

1 कुरिन्थि 1:17

किलैकि मसीह न मितैं बपतिस्मा देणु खुणि ना, बल्किन मा शुभ समाचार सुनौणु खुणि भेज्यूं च। अर ये शुभ समाचार तैं सुनौणु खुणि मि सरल भाषा को इस्तेमाल करदु, ताकि यीशु मसीह की ज्वा मौत क्रूस पर ह्‍वे वा बेकार नि जौ।

1 कुरिन्थि 1:21

अर सच्‍चि मा पिता परमेस्वर ज्ञानी च। अर वेन अपणा ज्ञान का मुताबिक इन कैरी, अब चै मनखि कथगा भि ज्ञानी किलै नि हो, मगर उ अपणा ज्ञान से पिता परमेस्वर तैं नि पछ्याणी सकदु। इलै जब हम यीशु मसीह का बारा मा परचार करद्‍यां, त बिस्वास करण वळा लोगु तैं बचौण पिता परमेस्वर तैं अच्छु लगदु। अर जु लोग पिता परमेस्वर तैं नि पछ्याणदिन वु लोग ये वचन खुणि बेकार की बुल्दिन।

2 कुरिन्थि 12:12

किलैकि मेरा द्‍वारा भि भौत सा चिन्‍न, चमत्कार अर सामर्थ का काम किये गैनी, अर यू सब काम इन साबित करदिन कि मि भि यीशु मसीह को एक खास चेला छौं। अर यू सब कुछ मिन तुमरा दगड़ा मा रै के कैरी अर वु भि बड़ु सबर रखी के।

2 कुरिन्थि 10:10

किलैकि कुछ लोग इन बुल्दिन कि, “पौलुस की चिठ्‍ठी त गम्भीर अर असरदार छिन, मगर जब उ बिस्वासी लोगु का बीच मा रौन्दु तब उ बिल्कुल कमजोर लगदु अर वेका भासण बेकार होनदिन।”

2 कुरिन्थि 5:11

अर हम जणदा छां कि पिता परमेस्वर पर अपणी पूरि सरदा रखण को मतलब क्या च, इलै ही हम लोगु तैं सच्‍चै का बारा मा बतौन्द्‍यां ताकि वु भि सच्‍चै तैं स्वीकार कैरी सैका। अर परमेस्वर ईं बात का बारा मा जणदु च, अर मितैं पूरि उम्मीद च कि तुम भि वांका बारा मा खूब अच्छे से जणद्‍यां।

1 कुरिन्थि 2:13

इलै जब हम यों सब बातों तैं बतौन्द्‍यां त मनखि का ज्ञान का मुताबिक ना, बल्किन मा पवित्र आत्मा का द्‍वारा दियां ज्ञान का मुताबिक ही परमेस्वर का राज की बातों का बारा मा बिंगौन्द्‍यां।

2 कुरिन्थि 7:2

हे मेरा दगड़्यों, हमतै अपणा दिलों मा जगा द्‍या किलैकि हमुन कै का दगड़ा मा कुछ बुरु नि कैरी, अर ना ही कै को कुछ बिगाड़ि। अर ना ही हमुन कै को फैदा उठे।

1 कुरिन्थि 12:8

जन कि कुछ लोगु तैं पवित्र आत्मा का द्‍वारा ज्ञान कि बात करण को बरदान मिल्यूं च, त कुछ लोगु तैं पवित्र आत्मा बटि समझौणु खुणि अकल मिली च।

2 कुरिन्थि 6:6

अर हम पवित्र जीवन जीण की कोसिस करद्‍यां, अर विरोध होण का बाद भि सबर अर समझ रखी के एक-दुसरा पर दया करद्‍यां। अर पवित्र आत्मा का द्‍वारा सब लोगु से सच्‍चु प्यार करद्‍यां,