2 कुरिन्थि 11:1 - Garhwali

¹ हे मेरा दगड़्यों, जन तुम दुसरा लोगु तैं स्वीकार करद्‍यां जु कि अपणी ही बातों पर बड़ु मोन करदिन, कास, उन्‍नि तुम मितैं भि स्वीकार करदा जब कि मि तुमरि नजर मा एक मूरख मनखि का जन बरतौ करदु।

गढवली नयो नियम

¹ जु तुम वे तैं स्वीकार कैरी लींदियां जु अपड़ी तारीफ अफ ही करद अर इलै मि तैं आस च कि जु मि जरा मूर्खतापूर्ण बरतौ कैरो त वे तैं तुम सै लिला।

2 कुरिन्थि 11:1 Referans Kwoze

2 कुरिन्थि 11:4

अर मि तुमतै चितै देन्दु कि तुमरा बीच मा कुछ इन्द्रया लोग ऐ गैनी, जु कि यीशु मसीह का बारा मा कुछ अलग ही शिक्षा देणा छिन, ज्वा कि हमरि दिईं शिक्षा से बिल्कुल अलग च। अर वे बगत मा तुमुन हमरा द्‍वारा शुभ समाचार तैं सुणी अर पवित्र आत्मा तैं पै, मगर अब तुम कै दुसरा ही रैबार तैं सुनणु खुणि अर कै दुसरा ही आत्मा तैं पौणु खुणि तयार होयां छाँ।

1 कुरिन्थि 1:21

अर सच्‍चि मा पिता परमेस्वर ज्ञानी च। अर वेन अपणा ज्ञान का मुताबिक इन कैरी, अब चै मनखि कथगा भि ज्ञानी किलै नि हो, मगर उ अपणा ज्ञान से पिता परमेस्वर तैं नि पछ्याणी सकदु। इलै जब हम यीशु मसीह का बारा मा परचार करद्‍यां, त बिस्वास करण वळा लोगु तैं बचौण पिता परमेस्वर तैं अच्छु लगदु। अर जु लोग पिता परमेस्वर तैं नि पछ्याणदिन वु लोग ये वचन खुणि बेकार की बुल्दिन।

2 कुरिन्थि 11:21

मगर हमुन त तुमरा दगड़ा मा इन कुछ भि नि कैरी, त क्या इलै ही तुम हमतै कमजोर समझद्‍यां? अर अगर ऊंका पास हिम्मत रखी के बड़ु मोन करण की कुई बात च, त मि भि नासमझ मनखि की तरौं हिम्मत रखी के बड़ु मोन करलु। अर जब तुम झूठ्‍ठा लोगु की सुणी सकद्‍यां त अब मेरी भि सुणा,

2 कुरिन्थि 11:19

अर जु तुम खुद तैं भौत समझदार समझद्‍यां, त फिर तुम झूठ्‍ठा लोगु की शिक्षा तैं बड़ी खुशी से किलै स्वीकार करद्‍यां?

2 कुरिन्थि 5:13

अर अगर जु हमतै अपणी सुद-बुद नि च त यू सब पिता परमेस्वर खुणि च, अर अगर जु हम चेत मा छां त वां से तुमतै ही फैदा च।

इब्रानी 5:2

अर जब परमेस्वर की मनसा लोगु का बिंगण मा नि औन्दी अर ना ही ऊ इन समझदिन कि जु कुछ भि वु कना छिन उ गळत च, तब महा पुरोहित इन्द्रया लोगु का खातिर दया दिखान्दु, किलैकि उ खुद भि एक कमजोर मनखि च।

2 कुरिन्थि 12:11

मि तुमरि खातिर नासमझ बणि ग्यों, मगर वां खुणि भि तुमुन ही मितैं मजबूर कैरी, जब तुमतै मेरी तरफा बटि बुलण चयेणु, तब तुम इन नि करद्‍यां। अर भले ही मि लोगु कि नजर मा कुछ नि छौं, मगर फिर मि यीशु मसीह का खास चेलों मा बटि कम भि नि छौं।

1 कुरिन्थि 4:10

अर यीशु मसीह को परचार करण की वजै से हम लोगु की नजर मा मूरख मणै जणद्‍यां, मगर तुम यीशु मसीह का दगड़ा मा एक ह्‍वे ग्यां, त ईं वजै से तुम खुद तैं भौत अकलमन्द समझणा छाँ। तुम खुद तैं ताकतबर समझद्‍यां अर हमतै कमजोर, इलै हमरु कुई आदर-सम्मान नि च मगर तुम त खुद दुसरो से आदर-सम्मान पौणा छाँ।

1 कुरिन्थि 4:8

अरे, तुम मा त बिजांम च अर तुम मा ह्‍वे गैनी छक रुपया, मगर तुम त हमरा बगैर ही राज करण लगि ग्यां। कास, या बात सच्‍चि होन्दी, कि तुम राजा बणि के राज कना रौन्दा, अर हम भि तुमरा दगड़ा मा राज करदा।

1 कुरिन्थि 3:18

हे मेरा दगड़्यों, धोखा मा नि रयां, अगर तुम मा बटि कुई इन सोचदु कि उ ये जमना मा ज्ञानी च, त सबसे पैलि उ परमेस्वर की बात माणी के सच्‍चि मा ज्ञानी बणि जौ, तब चै लोग वेतैं मूरख ही किलै नि समझा।

खास चेलों 26:29

वेन बोलि, “मि परमेस्वर से प्रार्थना करदु कि थुड़ा बगत हो या जादा, सिरफ तुम ही ना बल्किन मा जथगा भि लोग मेरी यों बातों तैं सुनणा छिन, सब मि जन मसीह बणि जा अर मेरी इच्छा इन भि च कि ऊ मि जन कैदी नि बणा।”

खास चेलों 18:14

मगर जन्‍नि पौलुस कुछ बुलण वळु छौ, कि वेसे पैलि गवर्नर गल्‍लियो न यहूदियों कू बोलि, “हे यहूदियों, अगर यू मनखि कुछ गळत काम या कुई भि खतरनाक अपराध करदु, त मि खुणि या बात भौत जरुरी छै कि मि तुमरि बात मणदु।

मत्ती 17:17

तब यीशु न जबाब देई, “हे बिस्वास नि करण वळो अर भ्रष्‍ट पीढ़ी का लोगु, आखिर मा मि कब तक तुमरा दगड़ा मा रौलु, अर कब तक तुमरि सौलु? जा, अपणा नौना तैं इनै लेके अऽ।”