2 कुरिन्थि 10:8 - Garhwali

⁸ अर कुछ हद तक मि वे अधिकार पर बड़ु मोन कैरी सकदु छौं, जु कि प्रभु यीशु न मितैं तुमरा फैदा का खातिर दियूं च, अर उ तुमरा नुकसान खुणि नि च। इलै मि वे अधिकार को इस्तेमाल करणु खुणि कभि पिछनै नि हटलु अर ना ही सरम मैसूस करलु।

गढवली नयो नियम

⁸ किलैकि जु मि वे अधिकार का बारा मा और भि घमण्ड दिखौ, जु प्रभु ल तुम्हरा विश्वास तैं नाश कनु कु न पर तुम्हरा विश्वास तैं बढौंण मा मदद कनु कु हम तैं द्ये, त यु काम कनु कु लज्जित नि हुलु।

2 कुरिन्थि 10:8 Referans Kwoze

2 कुरिन्थि 13:10

अर यू सब कुछ मि तुम खुणि इलै लिखणु छौं, किलैकि अभि मि तुम से दूर छौं, अर जब मि तुमरा पास औलु त कखि मितैं अपणा अधिकार को इस्तेमाल सख्‍तै से नि करण पोड़ो। अर हमरा प्रभु यीशु न मितैं यू अधिकार दियूं च कि मि तुम खुणि बिस्वास मा आसीस की वजा बणु, ना कि उतेडु़ को।

2 तीमुथियुस 1:12

इलै मि दुख सौन्दु छौं, अर ईं बात मा मितैं कुई सरम नि औन्दी, किलैकि मिन यीशु पर बिस्वास कैरी अर वेका बारा मि जणदु छौं। अर मितैं पूरु यकीन च कि जु शुभ समाचार पिता परमेस्वर न मि मा सौंपी, वेतैं आखिरी का दिन तक समाळि के रखण मा उ ताकतबर च।

गलातियों 1:1

हे मेरा भै-बैंणो, मि पौलुस अर वु सब बिस्वासी भै-बैंणा जु कि मेरा दगड़ा मा छिन, मि या चिठ्‍ठी गलाति मुलक मा रौण वळा बिस्वासी समुदाय का लोगु खुणि लिखणु छौं। मेरा दगड़्यों, मितैं नऽ त कै खास मनखि न, अर ना ही लोगु द्‍वारा खास चेला का रुप मा चुणै गै, बल्किन मा मितैं त यीशु मसीह अर पिता परमेस्वर न खास चेला का रुप मा चुणी, हाँ, वे ही पिता परमेस्वर न जैन यीशु मसीह तैं मुरदो मा बटि ज्यून्द कैरी, अर वेन ही खुद यू काम कैरी।

2 कुरिन्थि 13:8

अर हम सच्‍चै का खिलाप मा कुछ नि करद्‍यां, अर हम जु कुछ भि करद्‍यां वु सब कुछ सच्‍चै खुणि ही च।

2 कुरिन्थि 12:6

उन त मि बड़ु मोन कैरी सकदु छौं अर मितैं मूरख भि नि समझै जालु किलैकि मि सच्‍च बुल्दु, मगर मि खुद तैं बड़ु मोन करण से रुकदु छौं, किलैकि मि चान्दु कि जु कुछ भि मेरा दगड़ा मा ह्‍वे वेकी वजै से लोग मितैं महान नि समझा, मगर मि त बस इथगा ही चान्दु कि लोग मेरा बारा मा वेका मुताबिक ही जाणा अर समझा, जु कुछ भि बुल्दु अर करदु छौं।

2 कुरिन्थि 1:24

अर हम लोगु को मतलब यू नि च कि हम ही तुमरा मालिक छां, अरे हम त केवल तुमरा आनन्द मा साझी छां अर हमरि पूरि कोसिस च कि तुम यीशु मसीह पर अपणु पूरु बिस्वास बणै के रखा।

2 कुरिन्थि 7:4

अर मितैं तुम पर पूरु यकीन च, अर तुमतै देखि के मेरु मोन बड़ु ह्‍वे जान्दु। अर तुमरा द्‍वारा मेरा मन तैं बड़ी दिलासा मिलदी, अर हरेक किसम की परेसानी मा भि हमतै बड़ी खुशी मिलदी।

2 कुरिन्थि 10:4

अर जन एक सिपै लड़ै करण का बगत मा हथियारों को इस्तेमाल करदु, ठिक उन्‍नि मि भि विरोध करण वळा लोगु का दगड़ा मा परमेस्वर की ताकत को इस्तेमाल करदु अर वेका वचन से ऊंका झूठ्‍ठा विचारों को नास कैरी देन्दु।

2 कुरिन्थि 10:9

हे मेरा दगड़्यों, मि या चिठ्‍ठी तुम खुणि इलै नि लिखणु, कि तुम यों तैं पैढी के डौऽरी जा।

2 कुरिन्थि 12:19

हे मेरा प्यारा भै-बैंणो, अर तुम अभि तक इन समझणा ह्‍वेल्या कि हम अपणी सफै देणा छां, पर मि यू सब बात इमानदारी से बुलणु छौं, किलैकि मेरु रिश्ता प्रभु यीशु मसीह का दगड़ा मा च अर पिता परमेस्वर मेरी सब बातों तैं सुनणु च। इलै जु कुछ भि मि बुल्दु या करदु छौं वु सब कुछ तुमरा फैदा खुणि ही च, ताकि तुमरो बिस्वास मजबूत ह्‍वे जौ।