2 कुरिन्थि 10:6 - Garhwali

⁶ अर अगर तुम मा बटि कुई यीशु की बात तैं स्वीकार नि करदु, त इन्द्रया लोगु तैं सजा देणु खुणि हम तयार छां। मगर फिर भि हम इन चन्द्‍यां कि तुम सभ्या का सभि वेकी बात को पालन पूरि तरौं से कैरा।

गढवली नयो नियम

⁶ अर तैयार रौंदो कि जब तुम पूरा ढंग से मसीह का बुल्युं मनणवला हवे जा, त हर एक ढंग से बुल्युं नि मनणवला वे आदिम तैं दण्ड द्या।

2 कुरिन्थि 10:6 Referans Kwoze

2 कुरिन्थि 2:9

अर जब मिन तुमकु पैलि चिठ्‍ठी लिखी छै त वामा मिन ईं बात का बारा मा इलै लिखी छौ, ताकि मितैं पता चलु कि तुम सब बातों मा आज्ञा को पालन करदा छाँ, कि ना।

2 कुरिन्थि 7:15

अर तुम कथगा आज्ञा को पालन करण वळा छाँ अर तुमुन कनकै डऽरदी-डऽरदी अर कौंपदी-कौंपदी वेको स्वागत कैरी, जब तीतुस यों सब बातों तैं याद करदु त वेको प्यार तुम खुणि और भि जादा बढी जान्दु।

2 कुरिन्थि 13:2

अर अभि त मि तुम से दूर छौं पर तुमतै याद होलु, जब मि तुमरा पास दुसरि दौं ऐ छौ त मिन ऊं लोगु तैं चितै छौ कि वु पाप नि कर्यां, अर अब तुम लोगु जु कि वे बगत ऊंमा सामिल नि छा मि तुमतै भि चितै देन्दु, कि जब मि तिसरी दौं तुमरा पास औलु, त वे पाप करण से क्या सजा मिलदी मि तुमतै बतौलु।

2 कुरिन्थि 13:10

अर यू सब कुछ मि तुम खुणि इलै लिखणु छौं, किलैकि अभि मि तुम से दूर छौं, अर जब मि तुमरा पास औलु त कखि मितैं अपणा अधिकार को इस्तेमाल सख्‍तै से नि करण पोड़ो। अर हमरा प्रभु यीशु न मितैं यू अधिकार दियूं च कि मि तुम खुणि बिस्वास मा आसीस की वजा बणु, ना कि उतेडु़ को।

3 यूहन्ना 1:10

अर अब वु हमरा बारा बुरी बात फैलाणु च, अर वेतैं इथगा मा भि चैन नि मिली, इख तक कि वेन भै-बैंणो तैं स्वीकार करण से भि इनकार कैरियाली। अर जु लोग ऊ भै-बैंणो तैं स्वीकार करण चाणा छिन वु ऊं खुणि मना कनु च अर ऊंतैं बिस्वासी समुदाय बटि भैर निकळणु च। इलै जब मि औलु, त यां का बारा मा मि वेसे बात करलु।

1 तीमुथियुस 1:20

अर ऊं मदि हुमिनयुस अर सिकन्दर ही इन्द्रया लोग छिन। अर मिन ऊंतैं शैतान का हाथ मा सौंप्याली। ताकि वु परमेस्वर को अपमान करण को पाठ सिखी सैका।

1 कुरिन्थि 4:21

अब मितैं इन बता कि तुम क्या चन्द्‍यां? क्या मि तुमरा पास जांठु लेके औंऽऽ? या फिर प्यार अर नमर सभौ रखी के?

रोमियों 2:23

तुम अपणा नियम-कानून का खातिर बड़ु मोन करद्‍यां, मगर ऊं ही नियम-कानून तैं नि माणी के परमेस्वर को अपमान भि करद्‍यां।