2 कुरिन्थि 10:14 - Garhwali

¹⁴ अर जथगा बड़ु मोन हमतै करण चयेणु हम फिर भि वेका मुताबिक नि करद्‍यां, किलैकि जब हम तुमरा पास यीशु मसीह का शुभ समाचार तैं लेके ऐ छा, त हम वे ही सभौ का मुताबिक अभि तक चलणा छां।

गढवली नयो नियम

¹⁴ किलैकि हम अपड़ी सीमा बट्टी भैर अपड़ा आप तैं बढौंण नि चनदियां, जन कि तुम तक न पौछणै की दशा मा हूंद, पर तुम तैं मसीह का शुभ सन्देश सुनांणु कु कुरिन्थुस तक यात्रा कन वला हम पैला आदिम छा।

2 कुरिन्थि 10:14 Referans Kwoze

1 तीमुथियुस 1:11

अर या अच्छी शिक्षा वे शुभ समाचार बटि औन्दी, जु आसीस तैं देण वळा महान परमेस्वर को च। अर मितैं वेको परचार करण की जबाबदारी दिईं च।

1 कुरिन्थि 4:15

हालांकि, सच्‍चै का बाटा पर चलौणु खुणि तुमरा पास सिखौण वळा हजारों गुरु ह्‍वे सकदिन, मगर तुमरा भौत बुबा नि छिन। ठिक उन्‍नि मि भि तुम खुणि एक बुबा का जन बणि ग्यों, किलैकि मिन ही तुमतै शुभ समाचार का बारा बतै, अर मेरा द्‍वारा ही तुमुन प्रभु यीशु मसीह पर बिस्वास कैरी।

रोमियों 1:16

अर मि शुभ समाचार को परचार करण मा नि सरमान्दु, किलैकि ये परचार मा परमेस्वर की ताकत च अर पैलि यू शुभ समाचार केवल यहूदी जाति का लोगु खुणि छौ, मगर अब यू परचार ऊं लोगु खुणि भि ह्‍वे गै जु यहूदी जाति का नि छिन। अर हरेक वु मनखि जु कि बिस्वास करलु वेतैं छुटकारा मिललु।

कुलुसी 1:5

अर यू सब हम इलै करद्‍यां, किलैकि तुमुन वीं आस का बारा मा सुणी ज्वा की तुमतै एक नई उम्मीद देन्दी, अर वा ही आस तुम खुणि स्वर्ग मा रखी च। अर ईं आस का बारा मा तुमुन बिस्वास करण का बगत मा वे सच्‍चा शुभ समाचार का द्‍वारा सुण्यालि।

2 कुरिन्थि 4:4

अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।

2 कुरिन्थि 2:12

हे मेरा दगड़्यों, जब मि यीशु मसीह का बारा मा शुभ समाचार सुनौणु कू त्रोआस नगर मा पौंछु, त मिन देखि कि प्रभु न उख अपणु काम करणु खुणि पैलि बटि लोगु तैं तयार कैरिके रख्युं च, अर मितैं एक अवसर अच्छु मिली कि मि ऊंतैं शुभ समाचार सुणौ।

1 कुरिन्थि 2:10

अर पिता परमेस्वर न तयार करीं बातों तैं हम पर पवित्र आत्मा का द्‍वारा परगट कैरी, किलैकि वेको पवित्र आत्मा सब बातों की छानबीन करदु, इख तक कि परमेस्वर का सब गैरा राजों को भि।

रोमियों 2:16

अर यू सब कुछ आखिरी का दिन मा होलु, जब पिता परमेस्वर यीशु मसीह का द्‍वारा लोगु का गुप्‍त कामों को न्याय करलु। अर जै शुभ समाचार को परचार मि करदु उ यू ही च।

खास चेलों 20:24

मगर मितैं अपणी जान की भि कुई परवा नि च, ताकि जै काम की शुरुवात मिन कैरी अर जु काम प्रभु यीशु न मि मा सौंपी वेतैं मि पूरु कैरुं, याने कि मि परमेस्वर की किरपा को शुभ समाचार लोगु तैं बतै सैकु।

मरकुस 1:1

परमेस्वर का पुत्र प्रभु यीशु मसीह का शुभ समाचार की शुरुवात कुछ इनकै ह्‍वे,

1 कुरिन्थि 3:10

अर मि वे जानकार मिस्‍त्री का जन छौं, जु कि मजबूत घौर बणौन्दु अर बुनियाद का डांग तैं बड़ी मजबूती से रखदु, अर यू दान मितैं पिता परमेस्वर न देई। अर इन्‍नि और लोग भि छिन, जु कि मेरी रखी बुनियाद पर घौर बणौण को काम कना छिन, मगर जरुरी बात त या च कि हरेक मिस्‍त्री अच्छी चिणैं कनु च।

रोमियों 16:25

हे मेरा प्यारा भै-बैंणो, अब हम यीशु मसीह का द्‍वारा पिता परमेस्वर की बडै हमेसा खुणि कैरा, जु कि सभ्यों मा एकमात्र समझदार च। पिता परमेस्वर तुमतै वे शुभ समाचार का मुताबिक जैको मि परचार करदु, यीशु मसीह का रैबार का द्‍वारा तुमतै बिस्वास मा और मजबूत करण की ताकत देन्दु। अर शुभ समाचार को यू राज सभ्यों खुणि खुल्यूं च, जैतैं एक लम्बा बगत तक छिपै के रखै गै छौ, अब उ उज्याळा मा ऐ गै। अर सदनि तक ज्यून्द रौण वळा पिता परमेस्वर की आज्ञा का द्‍वारा यू सब जाति का लोगु पर परगट ह्‍वे गै, ताकि वु लोग बिस्वास कैरा अर आज्ञा को पालन कैरा, अर यू सब कुछ उई च जु कि रैबर्यों न पवित्रशास्‍त्र मा बोलि छौ। अर हमरा पिता परमेस्वर की बडै सदनि तक होणी रौ। आमीन।