2 कुरिन्थि 1:15 - Garhwali

¹⁵ अर मितैं ईं बात को पूरु यकीन छौ, इलै मिन पैलि तुमरा पास औण कि सोची, ताकि पिता परमेस्वर बटि तुमतै कुई ना कुई आसिरबाद मिली सैको।

गढवली नयो नियम

¹⁵ मि तैं विश्वास छो, कि तुम हम तैं समझदा छा अर इलै सबसे पैली तुम तैं मिलणै की योजना मिल बणै छै; इन कै तुम तैं हमारा द्वारा द्वी यात्राओं की आशीष मिलदी।

2 कुरिन्थि 1:15 Referans Kwoze

1 कुरिन्थि 4:19

पर अगर जु प्रभु कि मनसा ह्‍वेलि, त मि भौत जल्द ही तुमरा पास औलु। अर जु लोग बड़ु मोन कैरिके फूली गैनी, मि उख पौंछी के ऊंतैं दिखलु की ऊंकी शिक्षा क्या च? क्या ऊंमा परमेस्वर की सामर्थ छैई च या ना।

रोमियों 1:11

किलैकि मितैं तुम बटि मिलण कि भौत मनसा च, ताकि तुमतै परमेस्वर की तरफा बटि कुई आसिरबाद दे सैकु, ज्यां से कि तुम और भि जादा मजबूत ह्‍वे जा।

रोमियों 15:29

मि जणदु छौं कि जब मि तुमरा पास औलु, त यीशु मसीह की तरफा बटि हमतै भरपूर आसीस मिलली।

2 कुरिन्थि 6:1

इलै हे मेरा दगड़्यों, हम लोग परमेस्वर का दगड़ा मा मिली के काम करद्‍यां। अर मि तुमतै समझै देन्दु कि परमेस्वर की महान किरपा तैं पौण का बाद अब वेकी किरपा तैं बेकार नि जाण द्‍या,

1 कुरिन्थि 11:34

अर अगर कैतैं जादा ही भूक लगि च, त वु अपणा घौर मा पैलि ही खै ल्यो, ताकि इकट्‍ठा होण का बगत पर तुम दण्ड पौण की वजा नि बणा। अर जु-जु बात अभि भि रै गैनी ऊं सब बातों तैं मि फिर से तुमरा पास ऐके खुद ही सुधारी द्‍यूलु।

मत्ती 1:19

अर यूसुफ जु की परमेस्वर की नजर मा एक धरमी मनखि छौ। जब वेतैं इन पता चलि कि वा गरवति च, त वेन अपणा मन मा इन ठाणि दिनी, कि चुपचाप वीं से मांगण तोड़ि द्‍यो। किलैकि उ वींतैं बदनाम नि करण चाणु छौ।

1 कुरिन्थि 16:7

अर मि नि चान्दु कि मि अभि बाटा मा तुम से बस मुलाकात कैरिके चलि जौ, अगर प्रभु कि मनसा होलि, त मि तुमरा दगड़ा मा कुछ बगत तक रौण चान्दु।

2 कुरिन्थि 12:14

हे मेरा भै-बैंणो, मि तिसरी बार तुमरा पास औण खुणि तयार छौं, मगर मि तुम पर बोझ नि बणण चान्दु। अर मितैं वु नि चयेणु जु कि तुमरा पास च, बल्किन मितैं त तुम लोग चयेणा छाँ। अर बच्‍चों से उम्मीद नि किये जान्दी की वु अपणा ब्वे-बाब खुणि बचै के जमा करला, बल्किन मा ब्वे-बाब तैं अपणा बच्‍चों खुणि सब कुछ कन चयेणु।