1 तीमुथियुस 6:6 - Garhwali

⁶ एक मनखि तैं जथगा मिलदु च, अगर उ उथगा मा ही संतुष्‍ट ह्‍वेके परमेस्वर की भक्‍ति करदु हो, त इन कैरिके वेतैं बड़ु फैदा होलु।

गढवली नयो नियम

⁶ पर हम कु यु ही बड़िया च, कि हम उ कैरा जु पिता परमेश्वर तैं खुश करद अर जु उ हम तैं दींद हम वां मा ही संतुष्ट रां।

1 तीमुथियुस 6:6 Referans Kwoze

इब्रानी 13:5

अर तुम लोग धन को लालच नि कैरा, बल्किन मा जु कुछ भि तुमरा पास च तुम वेमा खुश रा, किलैकि परमेस्वर न खुद इन बोलि कि, “मि त्वेतै कभि भि नि बिसरलु अर ना ही कभि छुड़लु।”

1 तीमुथियुस 6:8

इलै अगर जु हमरा पास खाणुक कू रुट्‍टी अर पैरणु खुणि कपड़ा हो, त इथगा मा ही संतुष्‍ट होण चयेणु।

1 तीमुथियुस 4:8

किलैकि सरील की कसरत कैरिके कुछ फैदा त होन्दु च, पर परमेस्वर की भक्‍ति करण से सब बातों मा फैदा ही फैदा होन्दु। अर जु मनखि परमेस्वर की भक्‍ति करदु, वेतैं ये जीवन मा अर सदनि का जीवन मा भि फैदा होलु, जु की बाद मा मिलण वळु च अर वेको करार परमेस्वर को कर्युं च।

फिलिप्पी 1:21

अगर मि ज्यून्द रौलु त मेरु जीवन जीण केवल यीशु मसीह खुणि ही च, अर अगर जु मि मोरि भि जौलु त मि खुणि यू अच्छु ही च।

रोमियों 8:28

अर हम जणदा छां कि जु लोग परमेस्वर से प्यार करदिन, ऊं खुणि सब बात मिलै के भलै ही पैदा करदिन, हाँ, ऊं लोगु खुणि जौं तैं पिता परमेस्वर न अपणी इच्छा का मुताबिक बुलयूं च।

लूका 3:14

तब सिपयों न भि वे बटि पूछी कि, “हमतै क्या करण चयेणु?” वेन ऊंकू बोलि, “कै बटि भि जबरदस्ती कैरिके पैसा नि ल्या, अर ना ही झूठ्‍ठों इळजाम लगा। पर अपणी ही कमै पर संतुष्‍ट रा।”

2 कुरिन्थि 4:17

अर हमतै पूरु यकीन च कि जु आदर-सम्मान हमतै स्वर्ग मा मिलण वळु च वेन सदनि तक रौण। अर जु दुख-तकलीफ अभि हम ईं दुनियां मा झिलणा छां ऊ कुछ भि नि छिन।

लूका 12:15

अर वेन यू भि बोलि, “ध्यान रखा, हरेक किसम का लालच बटि खुद तैं बचै के रखा, किलैकि मनखि का जीवन की कीमत वेका जैजाद बटि नि नपै जै सकदी।”