1 तीमुथियुस 6:10 - Garhwali

¹⁰ किलैकि पैसौं को लालच सब बुरै की जड़ च, अर येतैं कमाण खुणि कुछ लोग बिस्वास का बाटा बटि भटकी गैनी, अर अफ पर बन्‍नि-बन्‍नि किसमो का दुखों तैं लेके ऐनी।

गढवली नयो नियम

¹⁰ किलैकि धन कु लोभ प्रेम सभि किस्मै की बुरै की जौड़ च, कुछ लुखुं ल जरा-जरा कैरी कै मसीह का बार मा शिक्षाओं पर विश्वास कन बंद कैरेले किलैकि उ पैसों तैं बहुत प्रेम करदींनि, अर उ भौत किस्म से दुखी छिनी, एक इन आदिम जन जैल अफ तैं एक हथियार ल नुकसान पौंछै हो।

1 तीमुथियुस 6:10 Referans Kwoze

1 तीमुथियुस 6:9

पर जु सेठ बणण चनदिन ऊ अजमैस मा पोड़दिन, अर जाल अर खतरनाक मनसा मा पोड़ि जनदिन। अर इन मनसा ऊंतैं बिगाड़ि देन्दी, अर विणास का बाटा मा ले जान्दी।

तीतुस 1:11

अर यू लोग गळत कमै करणु खुणि गळत शिक्षा सिखौन्दिन, अर इन शिक्षा देके यू लोग, परिवारों का सब लोगु को बिस्वास खतम कैरी देन्दिन, इन्द्रया लोगु की त बोलती बन्द कैरी देण चयेणी।

यहूदा 1:11

अर हाय च यों लोगु खुणि, किलैकि यू कैन का बाटा पर चलण लगि गैनी, जैन अपणा ही भै तैं मारी दिनी। अर रुपयों का लालच मा बिलाम की तरौं धोखा देन्दिन, अर कोरह का जन बगाबत कैरिके नास ह्‍वे गैनी।

2 तीमुथियुस 4:10

किलैकि भै देमास न ईं दुनियां की चीजों तैं जादा प्यार कैरी, इलै उ मितैं छोड़ि के थिस्सलुनीकी नगर कू चलि गै। अर क्रेसकेंस भै गलाति नगर कू अर भै तीतुस भि दलमतिया नगर कू चलि गै।

1 तीमुथियुस 3:3

अर उ सराबी ना हो, अर ना ही मार-पीट करण वळु, पर वेतैं शान्त सभौ को होण चयेणु, अर नऽ त उ झगड़ा करण वळु हो, अर ना ही धन को लालच करण वळु।

मत्ती 23:13

तब यीशु न ऊंकू बोलि, “हे शास्‍त्री अर फरीसी दल का लोगु, तुम बड़ा ढोंगि छाँ अर तुम पर हाय च, किलैकि तुम दुसरा लोगु खुणि परमेस्वर का राज को द्‍वार बन्द कना छाँ, अर नऽ त तुम खुद वेमा जाणा छाँ, अर ना ही ऊंतैं जाण देणा छाँ जु कि वेमा जाण का हकदार छिन।

याकूब 5:19

हे मेरा भै-बैंणो, अगर जु तुम मदि कुई भि सच्‍चै का बाटा बटि भटकी जौ, अर अगर कुई वेतैं वापिस लेके अऽ,

1 तीमुथियुस 6:21

अर कुछ लोग ये ज्ञान तैं स्वीकार कैरिके बिस्वास से भटकी भि गैनी। पर मि तुम खुणि प्रार्थना करदु कि, तुम सभ्यों पर परमेस्वर की किरपा हो।

दिब्य दरस 18:13

दालचीनी का बक्‍कल, मसला, धूबत्ती, खुशबुदार तेल, लोबान, दारु, जैतून को तेल, मैदा, ग्यूँ अर गौर, बल्द, भेड़, घोड़ा, रथ, गुलाम, अर और भि लोग छिन।

मत्ती 6:19

“अर मि तुमतै इन भि बतै देन्दु कि, अफु खुणि ईं धरती पर धन जमा नि कैरा, किलैकि इख कीड़ा वेतैं खै द्‍याला, या जंक बरबाद कैरी द्‍यालु, या त चोर आलु अर तोड़ि के सब लि जालु।

मत्ती 13:22

अर झिबलांणो मा पोड़यां बीज का दगड़ा मा जु कुछ भि ह्‍वे, उ इन च कि कुछ लोग परमेस्वर का वचन तैं सुणदा त छिन, मगर ईं दुनियां मा जीवन की चिन्ता-फिकर, अर धन-दौलत को लालच वे वचन तैं दबै देन्दिन, इलै वे पर फल नि लगदिन।

मरकुस 4:19

मगर ईं दुनियां मा अगनै चलि के जीवन की चिन्ता-फिकर, अर धन-दौलत को धोखा, अर इन्‍नि दुसरि चीजों को लालच भि ऊंमा ऐ जान्दु। अर ऊ वे वचन तैं दबै देन्दिन, इलै ही वे पर फल नि लगदिन।

कुलुसी 3:5

इलै तुम दुनियां कि ऊं बातों खुणि अपणा पापि सभौ तैं खतम कैरी द्‍या जु कि पाप करौन्दिन, जन कि सरील का गळत सम्बन्ध रखण, अशुद्धता, हवस, बुरी इच्छा, अर लालच करण जु कि मूरत पूजा का बराबर च।

2 तीमुथियुस 3:2

किलैकि लोग केवल अफ बटि ही प्यार करण वळा, अर अपणा धन-दौलत बटि प्यार करण वळा होला। अर डींग मरण वळा, अपणी सब बातों पर बड़ु मोन करण वळा, अर एक-दुसरा की बेजती करण वळा होला। इख तक की लोग अपणा ब्वे-बबा की बातों तैं भि नि मणला, अर कै का उपकार तैं नि मणला, अर ना ही वु पवित्र जीवन जीण वळा होला।