1 तीमुथियुस 5:22 - Garhwali

²² अर कै भि मनखि पर हाथ रखी के वेतैं अध्यक्ष का पद पर रखणु कू जल्दबाजी नि कैर। अर ना ही दुसरो का पापों मा साझी हो, बल्किन मा खुद तैं पवित्र बणै के रख।

गढवली नयो नियम

²² कै पर जल्दी हथ रखि के, वे तैं अध्यक्ष नियुक्त नि कैर, अर जु तु इन करदी त वेका पापों मा जिम्मेदार बणदी; अर अनुचित बातों मा अफ तैं दूर रख।

1 तीमुथियुस 5:22 Referans Kwoze

इफिसुस 5:11

हे मेरा भै-बैंणो, ऊं लोगु का कामों की नकल नि कैरा जु अन्धेरा मा छिन, किलैकि अन्धेरा मा किये जाण वळा काम अच्छे का नि छिन, बल्किन मा वु त बुरै का छिन इलै तुम ऊं कामों की पोल खोली द्‍या।

1 तीमुथियुस 3:10

अर बिस्वासी समुदाय की सेवा मा मदद करण वळा बणण से पैलि ऊंतैं परखै जौ, अगर ऊंका खिलाप कुई दोष नि लगलु, त उ समुदाय की सेवा मा मदद करण वळा बणि सकदिन।

1 तीमुथियुस 3:6

अर उ अध्यक्ष एक नयू बिस्वासी मनखि ना हो, निथर उ भौत बड़ु मोन करलु अर जन दण्ड शैतान तैं मिलण उन्‍नि वेतैं भि मिललु।

1 तीमुथियुस 4:14

अर जब बिस्वासी समुदाय का अध्यक्ष लोगु न तेरा मुण्ड़ मा हाथ रखी के भविष्यबाणी कैरी छै, तब त्वेतै जु दान-बरदान मिली छा, ऊं पर ध्यान देणु रौ।

खास चेलों 6:6

अर यों तैं यीशु का खास चेलों का समणि खड़ु किये गै। अर ऊंन यों सातों पर हाथ रखी के प्रार्थना कैरी।

2 यूहन्ना 1:11

किलैकि जु कुई इन्द्रया मनखि कू सलाम बुल्दु, वु वेका बुरा कामों मा साझेदार ह्‍वे जान्दु।

2 तीमुथियुस 1:6

इलै मि त्वेतै याद दिलै देन्दु, कि जब मिन तेरा मुण्ड़ मा हाथ रखी के प्रार्थना कैरी छै, तब परमेस्वर न जु दान-बरदान त्वेतै दिनी ऊंको इस्तेमाल आग सुलगौण की तरौं कैरा।

इब्रानी 6:2

अर ना ही अब तुमतै ईं बात का बारा मा शिक्षा देण कि जरुरत च। जन कि, पाणि मा डुबकी लेके बपतिस्मा लेण का बारा मा, हाथ रखी के प्रार्थना करण का बारा मा या मुरदो मा बटि ज्यून्द होण का बारा मा, या फिर औण वळा बगत मा न्याय का बारा मा।

2 तीमुथियुस 2:2

अर जु बात तिन भौत सरा लोगु का समणि मि बटि सुणी छिन, ऊं बातों तैं तू ऊं लोगु का हाथों मा सौंप दे जु बिस्वास करण का लैख छिन अर वु दुसरो तैं भि सिखौण वळा हो।

1 तीमुथियुस 4:12

हे तीमुथियुस, अभि तू ज्वान छैई, अर कुई भि तेरी ज्वानी तैं सुद्‍दी नि समझु। इलै तू बोन्‍न मा अर अपणा चाल चलण मा, प्यार करण मा, अर तेरा खुद का बिस्वासी जीवन मा, अर पवित्र जीवन जीण मा बिस्वासी लोगु खुणि तू एक नमूना बणि जा।

खास चेलों 13:3

अर जब ऊंकी उपवास प्रार्थना खतम ह्‍वे गै, त ऊंन बरनबास अर शाऊल पर हाथ रखी के आसीस देके बिदा कैरी।

दिब्य दरस 18:4

फिर मिन स्वर्ग बटि एक और आवाज सुणी कि, “हे मेरा लोगु, वे नगर बटि निकळि के भैर ऐ जा, वेका पापों मा वेका हिस्सेदार नि बणा, कखि वेका परकोप मा बटि कुई विपदा तुम पर नि ऐ जौ।

खास चेलों 20:26

इलै आज का दिन मि ईं बात की घोसणा कैरिके बुल्दु, कि अगर तुम मा बटि कुई मनखि प्रभु तैं स्वीकार नि करलु अर वेको नास ह्‍वे जालु, त वेको जबाबदार मि नि छौं।

खास चेलों 18:6

मगर जब उखा लोगु न वेको विरोध कैरी अर वे खुणि अनाप-सनाप बोलि, तब पौलुस न अपणा कपड़ों तैं झाड़ि के बोलि, “जु दण्ड तुमतै मिलण वळु च वांका जबाबदार तुम खुद ही छाँ, मि बेकसूर छौं। अर सुणा, अब बटि मि ऊं लोगु का बीच मा जौलु जु कि यहूदी जाति का नि छिन।”

1 तीमुथियुस 3:2

इलै एक अध्यक्ष इन जीवन ज्यो कि कुई भि वे पर दोष नि लगै सैको, अर वेकी एक ही घरवळी हो अर उ अपणा सरील तैं अपणा काबू मा रखण वळो हो, अर उ लोगु का दगड़ा मा अच्छु बरतौ कैरो। अर लोग वेको आदर-सम्मान कैरा, अर उ एक अच्छु जीवन ज्यो, अर उ मैमानदारी निभौण मा भि खूब हो, अर अच्छी शिक्षा देण वळो भि हो।