1 तीमुथियुस 4:4 - Garhwali

⁴ अर परमेस्वर न जु कुछ भि बणै वु सब कुछ खूब च, इलै वामा बटि कै को भि तिरिस्कार नि किये जौ, पर वेतैं धन्यवाद देके खाण चयेणु

गढवली नयो नियम

⁴ किलैकि जु कुछ पिता परमेश्वर ल बणै उ सब अच्छो च, अर कुई भि चीज जु खये जांद अस्वीकार कन का लैख नि च, पर पिता परमेश्वर कु धन्यवाद द्ये के खये जौ;

1 तीमुथियुस 4:4 Referans Kwoze

रोमियों 14:20

इलै खाण-पीण का मामला मा तुम पिता परमेस्वर का काम को नास नि कैरा, उन त खाण-पीणु खुणि सब कुछ ठिक ही च, मगर इन्द्रयो खाण-पीण भि गळत च जैकी वजै से दुसरो बिस्वासी भै या बैंण पाप करण लगि जौ।

1 कुरिन्थि 10:25

इलै बजारों मा जु कुछ भि लोग बिकौन्दिन, हम वेतैं लेके खै सकदा छां। अर हमतै यू पूछण कि जरुरत नि च, कि यू मूरत का अगनै चड़ये गै कि ना। हमतै बिना सक कियां खाण चयेणु।

रोमियों 14:14

अर मि प्रभु यीशु का बार मा जणदु छौं, अर वेसे जु बिस्वास मितैं मिलदु वां से इन साबित ह्‍वे जान्दु, कि कुछ खाण से कुई भि चीज मितैं अशुद्ध नि करदी। मगर कुछ लोग इन सोचदिन, कि ऊंका कुछ खाणुक खाण से वु अशुद्ध होणा छिन, त ऊं खुणि वु खाणुक अशुद्ध च।

1 कुरिन्थि 10:23

हे मेरा भै-बैंणो, सब धंणि मि खुणि खूब छिन, मगर मि तुमतै बतै देन्दु, कि सब धंणि मेरा फैदा कि नि छिन। अर मितैं सब कुछ करण की इजाजत च, मगर सब कुछ से मेरी तरक्‍की नि होन्दी।

खास चेलों 21:25

अर जख तक ऊं बिस्वासी लोगु की बात च जु यहूदी जाति का नि छिन हमुन अपणु फैसला कैरिके ऊंतैं चिठ्‍ठी मा लिखी के भेजियालि, कि ऊ मूरतों का अगनै बलि करीं चीजों से, अर जानबरों का ल्वे तैं खाण-पीण से, अर गौळु दबै के मुरयां जानबरों की सिकार खाण से, अर गळत सम्बन्ध बणौण से भि दूर रा।”

1 तीमुथियुस 4:3

अर यू लोग ब्यौ नि करण की शिक्षा द्‍याला, अर कुछ खाण वळी चीजों खुणि भि मना करला जौं चीजों तैं परमेस्वर न इलै बणै, ताकि बिस्वास करण वळा अर सच्‍चै तैं जनण वळा धन्यवाद कैरिके खै सैका।

खास चेलों 15:29

बस तुम लोग इन कैरा कि, मूरत का अगनै चड़ये जाण वळी चीजों से, ल्वे खाण-पीण से, अर गौळा दबै के मुरयां जानबरों की सिकार से, अर दुसरा का दगड़ा मा गळत सम्बन्ध बणौण से, इन्दरि सब बातों से तुम दूर रा, अर जब तुम यों सब बातों से दूर रैल्या, त तुमरो भलु ही होलु। “‘अच्छा त फिर सलाम, प्रभु तुमतै आसीस द्‍यो।’”

खास चेलों 10:15

फिर दुसरि दौं भि वेतैं आवाज सुणै कि, “परमेस्वर न जौं चीजों तैं शुद्ध कैरियाली, तू वेकू अशुद्ध नि बोल।”

रोमियों 14:6

कि जु मनखि एक दिन तैं कै दुसरा दिन से जादा खास मणदु, उ परमेस्वर खुणि ही इन करदु। अर जु मनखि सब किसम को खाणुक खान्दु, त उ भि पिता परमेस्वर खुणि ही इन करदु, अर वेका दगड़ा-दगड़ि धन्यवाद देन्दु। अर जु मनखि सब किसम को खाणुक नि खान्दु उ भि परमेस्वर खुणि इन करदु, अर परमेस्वर को धन्यवाद देन्दु।

1 कुरिन्थि 10:26

किलैकि यां का बारा मा पवित्रशास्‍त्र मा इन लिख्यूं च कि, “धरती अर जु कुछ भि वेमा च प्रभु को ही च।”

1 कुरिन्थि 10:30

अर अगर जु मि अपणा खाणु खुणि पिता परमेस्वर तैं धन्यवाद देणु छौं, त फिर लोगु को कुई हक नि बणदु कि ऊ मेरी बुरै कैरा। किलैकि मिन त वीं बात खुणि पिता परमेस्वर को धन्यवाद कैरियाली।