1 तीमुथियुस 4:15 - Garhwali

¹⁵ अर तू ऊं बातों पर अपणु मन अर ध्यान भि लगौ। ताकि तेरु फलण-फुलण सब लोगु तैं दिख्यो। अर तू अफ पर अर जौं बातों तैं तू सिखौणि छैई ऊं बातों पर भि ध्यान दे।

गढवली नयो नियम

¹⁵ यूं बातों कु ध्यान द्ये के अभ्यास कैर अर अपड़ा आप तैं पूरा ढंग ल ऊंकु समर्पित कैरी दे, कि हर कुई देख सको कि तू अपड़ा विश्वास मा बढ़णी छै।

1 तीमुथियुस 4:15 Referans Kwoze

मत्ती 5:16

ठिक इन्‍नि तुमरो उज्याळु भि लोगु का समणि चमकण चयेणु, ताकि लोग तुमरा भला कामों तैं देखि के तुमरा पिता परमेस्वर की बडै कैरा, जु की स्वर्ग मा च।”

खास चेलों 6:4

मगर हम लोग प्रार्थना करण मा, अर वचन की सेवा का काम तैं पूरु करण मा हरेक बगत लग्यां रौला।”

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

1 तीमुथियुस 4:6

हे तीमुथियुस, अगर तू यों सब बातों तैं परमेस्वर पर बिस्वास करण वळा भै-बैंणो तैं सिखैली, त तू यीशु मसीह को एक अच्छु चेला ठैरीलि। अर जु बिस्वास का वचन अर अच्छी शिक्षा तैं तू अब तक मणदी छैई, वेमा तू बढणी रैलि।

2 कुरिन्थि 8:5

अर हमुन इन सोची छौ कि वु लोग अपणी हैसियत का मुताबिक ही द्‍याला, मगर ऊंन हमरि सोच से भि जादा दिनी, किलैकि ऊंन पिता परमेस्वर की मरजी तैं पूरु होणु खुणि खुद तैं वेका हाथों मा सौंपी दिनी, अर वेका बाद ऊंन मितैं ईं बात का बारा मा बतै कि वु क्या करण चाणा छिन।

1 कुरिन्थि 16:15

हे मेरा दगड़्यों, तुम लोग स्तिफनास भै का घौर मा रौण वळा लोगु का बारा मा त जणदा छाँ, ऊ लोग अखया मुलक का पैला बिस्वासी लोग छिन। अर पिता परमेस्वर का लोगु की सेवा करणु खुणि वु हमेसा तयार रौनदिन।

2 कुरिन्थि 4:14

अर हमतै यू भि यकीन च कि जै पिता परमेस्वर न प्रभु यीशु तैं ज्यून्दु कैरी, उ हमतै भि वेका दगड़ा मा ज्यून्दु करलु, अर उ हम सभ्यों तैं यीशु का दगड़ा मा रौण खुणि अपणा समणि खड़ु भि करलु।

1 तीमुथियुस 4:14

अर जब बिस्वासी समुदाय का अध्यक्ष लोगु न तेरा मुण्ड़ मा हाथ रखी के भविष्यबाणी कैरी छै, तब त्वेतै जु दान-बरदान मिली छा, ऊं पर ध्यान देणु रौ।

1 तीमुथियुस 4:16

हाँ, तू इन्‍नि कनु रै, किलैकि इन कैरिके तू खुद तैं अर सुनण वळो तैं बचै दिली।