Biblia Todo Logo
Bib sou entènèt

- Piblisite -




1 तीमुथियुस 3:3 - Garhwali

3 अर उ सराबी ना हो, अर ना ही मार-पीट करण वळु, पर वेतैं शान्त सभौ को होण चयेणु, अर नऽ त उ झगड़ा करण वळु हो, अर ना ही धन को लालच करण वळु।

Gade chapit la Kopi

गढवली नयो नियम

3 उ एक शराबी आदिम नि हो जु हमेशा लड़ै कनु रौ; झगड़ा कन वलो आदिम नि हो, उ दयालु, धीरज रखण वलो अर शांत स्वभाव कु हो, अर धन कु लोभि नि हो।

Gade chapit la Kopi




1 तीमुथियुस 3:3
45 Referans Kwoze  

किलैकि कै भि देख-रेख करण वळा तैं परमेस्वर का कर्ता-धर्ता होण खुणि निरदोष होण चयेणु। अर उ अडियल नि हो, नऽ त गुस्सा करण वळु, अर ना दरोळया, अर ना ही झगड़ा करण वळु, अर वेतैं गळत कमै को लालच करण वळु नि होण चयेणु,


अर कैतैं बदनाम करण वळा नि बणा, अर लड़ै-झगड़ा करण वळा ना हो पर शान्त सभौ का हो, अर नमर बणि के सब मनखियों का दगड़ा मा रा।


अर झान्‍झियों की तरौं दारु नि घतौळा, किलैकि यां से जीवन बरबाद ह्‍वे जनदिन, पर तुम पवित्र आत्मा की ताकत से भरपूर होन्दी जा।


अर उन्‍नि बिस्वासी समुदाय की सेवा मा मदद करण वळा सेवकों तैं इन होण चयेणु जौं को लोग आदर-सम्मान कैरा। अर वु दुई किसमे की बात करण वळु अर ना ही दरोळया, अर ना ही बुरा कामों बटि धन-दौलत कमाण की इच्छा रखण वळा हो।


हे मेरा भै-बैंणो, तुमरा बीच मा लड़ै-झगड़ा कख बटि औणा छिन? अरे, यू सब त ऊं बुरी इच्छाओं बटि औणा छिन, जु कि तुमरा सरील का अंगो मा लड़ै करदिन।


जु दल पिता परमेस्वर न तुमरा हाथों मा सौप्युं च, वेकी देख-रेख अच्छी तरौं से कैरा। अर दल की देख-रेख कैं मजबूरी मा ना, बल्किन मा पिता परमेस्वर की मनसा का मुताबिक कैरा। अर सेवा को यू काम तुम कै लालच खुणि ना, बल्किन मा मन लगै के कैरा।


अर तुम लोग धन को लालच नि कैरा, बल्किन मा जु कुछ भि तुमरा पास च तुम वेमा खुश रा, किलैकि परमेस्वर न खुद इन बोलि कि, “मि त्वेतै कभि भि नि बिसरलु अर ना ही कभि छुड़लु।”


अर ठिक उन्‍नि बुड्ड़ी जनानि तैं भि समझौ कि ऊंको चाल-चलन पवित्र हो, अर ऊ दुसरो पर दोष लगौण वळी ना हो, अर ना ही दरोळया, पर अच्छी बात सिखौण वळी हो।


मि तुमरो भै यूहन्‍ना छौं, अर मि प्रभु यीशु मसीह खुणि दुख झिलण मा, राज्य अर सबर रखण मा तुमरो साझेदार भि छौं। अर मि यीशु मसीह की गवै देन्दु अर पिता परमेस्वर का वचन का बारा मा बतौन्दु, इलै मितैं जबरन पतमुस नौ का टापू पर भिजे गै।


अर हाय च यों लोगु खुणि, किलैकि यू कैन का बाटा पर चलण लगि गैनी, जैन अपणा ही भै तैं मारी दिनी। अर रुपयों का लालच मा बिलाम की तरौं धोखा देन्दिन, अर कोरह का जन बगाबत कैरिके नास ह्‍वे गैनी।


अर अपणा लालच का खातिर वु झूठ्‍ठा लोग अपणी झूठ्‍ठी बातों का द्‍वारा तुम बटि पैसा कमौला। मगर परमेस्वर न ऊंतैं भौत पैलि ही दोषी ठैरैयालि, अर अब ऊंको नास होण मा देर नि होलि।


अर यू लोग गळत कमै करणु खुणि गळत शिक्षा सिखौन्दिन, अर इन शिक्षा देके यू लोग, परिवारों का सब लोगु को बिस्वास खतम कैरी देन्दिन, इन्द्रया लोगु की त बोलती बन्द कैरी देण चयेणी।


अर सभ्यों का दगड़ा मा सबर रखण वळा बणयां रा। हे मेरा भै-बैंणो, हम तुमतै उपदेस देके बुल्द्‍यां, कि जु लोग अळकसि छिन, ऊंतैं तुम चितै के समझा, अर जु डऽरपोक छिन ऊंतैं हिम्मत द्‍या, अर जु कमजोर छिन ऊंकी मदद कैरा।


किलैकि इन्द्रया लोग हमरा प्रभु यीशु मसीह का नि छिन, अर यू उई काम करदिन जु कि ऊंतैं अच्छा लगदिन। अर जु लोग भला-बुरा का बारा मा नि जणदिन, वु लोग इन्द्रया लोगु तैं अपणी अच्छी-अच्छी बातों का द्‍वारा मूरख बणै देन्दिन, अर ऊंतैं अपणी बातों मा फंसै देन्दिन।


अर मिन कभि भि कै का सोना-चांदी या कपड़ों को लालच नि कैरी।


तब वेन बोलि, “इन लिख्यूं च कि, “‘मेरु घौर प्रार्थना को घौर होलु,’ पर तुमुन येतैं डकैतों को उड़्यार बणैयालि।”


किलैकि लोग केवल अफ बटि ही प्यार करण वळा, अर अपणा धन-दौलत बटि प्यार करण वळा होला। अर डींग मरण वळा, अपणी सब बातों पर बड़ु मोन करण वळा, अर एक-दुसरा की बेजती करण वळा होला। इख तक की लोग अपणा ब्वे-बबा की बातों तैं भि नि मणला, अर कै का उपकार तैं नि मणला, अर ना ही वु पवित्र जीवन जीण वळा होला।


Swiv nou:

Piblisite


Piblisite