1 तीमुथियुस 3:13 - Garhwali

¹³ किलैकि अगर एक सेवक बिस्वासी समुदाय मा अच्छी सेवा करदु त वेतैं आदर-सम्मान मिललु, अर जु बिस्वास वेन प्रभु यीशु मसीह पर कैरी, वेका बारा मा और लोगु तैं बतौण मा वेतैं हिम्मत मिलदी।

गढवली नयो नियम

¹³ किलैकि जु सेवक कु काम तैं ठिक ढंग से कैरी सकदींनि, उ लुखुं बट्टी अफ कु अच्छी जगह अर उ मसीह यीशु पर विश्वास मा बड़ो साहस पौदींनि।

1 तीमुथियुस 3:13 Referans Kwoze

मत्ती 25:21

मालिक न वेकू बोलि, ‘सबास, मेरा अच्छा अर भरोसा लैख नौकर, तू कम मा भि इमानदार रै, इलै मि त्वेतै भौत सि चीजों को अधिकारी बणौलु। आ जा, अपणा मालिक की खुशी मा सामिल हो।’

इब्रानी 6:10

अर जै तरीके से तुमुन परमेस्वर का लोगु की सेवा कैरी अर अभि भि कना छाँ, वां से इन साबित होन्दु कि तुम पिता परमेस्वर से कथगा प्यार करद्‍यां, अर उ यों बातों तैं नि बिसरलु, किलैकि उ कै का दगड़ा मा अन्यो नि करदु।

2 तीमुथियुस 2:1

हे मेरा नौना तीमुथियुस, तू यीशु मसीह की किरपा मा मजबूत ह्‍वे जा।

1 थिस्सलुनीकी 2:2

जन कि तुम जणदा छाँ कि फिलिप्पी नगर मा हमुन भौत पीड़ा सै, अर हमरि बेजती भि किये गै। मगर परमेस्वर न हमतै हिम्मत देई, अर विरोध होण का बाद भि हम तुमरा पास अयां, अर तुमरा नगर मा औण पर भि हमरा दगड़ा मा ठिक इन्‍नि ह्‍वे। पर फिर भि हमुन तुमतै परमेस्वर को शुभ समाचार सुणै।

फिलिप्पी 1:14

इलै जादातर भै-बैंणो न जब यू सुणी कि मि कैद मा छौं त वु डौऽरी नि छिन, बल्किन मा ऊंन अपणु बिस्वास प्रभु यीशु पर बणै के रखदिन, अर बड़ी हिम्मतळ परमेस्वर का वचन को परचार करदिन।

1 कुरिन्थि 16:15

हे मेरा दगड़्यों, तुम लोग स्तिफनास भै का घौर मा रौण वळा लोगु का बारा मा त जणदा छाँ, ऊ लोग अखया मुलक का पैला बिस्वासी लोग छिन। अर पिता परमेस्वर का लोगु की सेवा करणु खुणि वु हमेसा तयार रौनदिन।

खास चेलों 21:35

अर जब सिपै वेतैं लि जाणा छा, त एक बड़ी भीड़ ऊंका पिछनै-पिछनै सिड़ीयों तक ऐ। अर ऊंन चिल्‍लै-चिल्‍लै के बोलि, “येतैं जान से मार द्‍या, येतैं जान से मार द्‍या।” इलै ये दंगा का बाना सिपै लोग पौलुस तैं उठे के लि गैनी।

खास चेलों 6:15

तब न्याय समिति का सब लोगु न स्तिफनुस का मुख जनै एक-टक ह्‍वेके देखि, त ऊंतैं वेकी मुखडी स्वर्गदूत का जन दिखै।

खास चेलों 6:8

अर स्तिफनुस पर परमेस्वर की बड़ी किरपा अर सामर्थ छै, इलै उ अदभुत काम अर चमत्कारिक चिन्‍न कैरिके दिखान्दु छौ।

खास चेलों 6:5

अर या बात बिस्वासी समुदाय का सब लोगु तैं ठिक लगि, अर ऊंन स्तिफनुस तैं चुणी, अर यू अच्छु बिस्वासी अर पवित्र आत्मा से भरपूर छौ। अर येका दगड़ा-दगड़ि ऊंन फिलिप्पुस, प्रुखुरुस, अर नीकनोर अर तीमोन तैं, अर परमिनास, अर अन्ताकिया नगर का नीकुलाउस तैं चुणी जु कि यहूदी बणि गै छौ।

लूका 19:17

अर वेन वेकू बोलि, ‘सबास मेरा नौकर, भौत अच्छु तू भौत कम मा भि भरोसा लैख बणि रै, इलै मि त्वेतै दस नगरों पर अधिकार देन्दु।’

मत्ती 20:28

तुमतै मनखि का पुत्र जन होण चयेणु, किलैकि उ अपणी खातिरदारि करौणु खुणि नि ऐ, बल्किन मा इलै ऐ कि खुद दुसरा लोगु की सेवा कैरो, अर भौत सा लोगु तैं ऊंका पापों से आजादी दिलौणु खुणि अपणी जान दे द्‍यो।”

1 तीमुथियुस 3:14

मि त तेरा पास जल्दी औण चान्दु, पर फिर भि मि या चिठ्‍ठी लिखणु छौं।