1 तीमुथियुस 3:10 - Garhwali

¹⁰ अर बिस्वासी समुदाय की सेवा मा मदद करण वळा बणण से पैलि ऊंतैं परखै जौ, अगर ऊंका खिलाप कुई दोष नि लगलु, त उ समुदाय की सेवा मा मदद करण वळा बणि सकदिन।

गढवली नयो नियम

¹⁰ जब मंडलि का सेवक चुणै जा, त पैली ऊं तैं यु साबित कन द्या कि ऊंका भितर अच्छा गुण छिनी, जु वेमा कुई भि गलती नि हो त उ सेवक को काम कैरो।

1 तीमुथियुस 3:10 Referans Kwoze

1 तीमुथियुस 5:22

अर कै भि मनखि पर हाथ रखी के वेतैं अध्यक्ष का पद पर रखणु कू जल्दबाजी नि कैर। अर ना ही दुसरो का पापों मा साझी हो, बल्किन मा खुद तैं पवित्र बणै के रख।

1 तीमुथियुस 3:13

किलैकि अगर एक सेवक बिस्वासी समुदाय मा अच्छी सेवा करदु त वेतैं आदर-सम्मान मिललु, अर जु बिस्वास वेन प्रभु यीशु मसीह पर कैरी, वेका बारा मा और लोगु तैं बतौण मा वेतैं हिम्मत मिलदी।

1 यूहन्ना 4:1

हे मेरा प्यारा भै-बैंणो, हरेक आत्मा पर बिस्वास नि कैरा बल्किन मा हरेक आत्मा तैं परखा कि वा पिता परमेस्वर की तरफा बटि छैई च कि नि च, किलैकि भौत सा झूठ्‍ठा रैबर्या ईं दुनियां मा फैली गैनी।

1 तीमुथियुस 3:6

अर उ अध्यक्ष एक नयू बिस्वासी मनखि ना हो, निथर उ भौत बड़ु मोन करलु अर जन दण्ड शैतान तैं मिलण उन्‍नि वेतैं भि मिललु।

1 तीमुथियुस 3:2

इलै एक अध्यक्ष इन जीवन ज्यो कि कुई भि वे पर दोष नि लगै सैको, अर वेकी एक ही घरवळी हो अर उ अपणा सरील तैं अपणा काबू मा रखण वळो हो, अर उ लोगु का दगड़ा मा अच्छु बरतौ कैरो। अर लोग वेको आदर-सम्मान कैरा, अर उ एक अच्छु जीवन ज्यो, अर उ मैमानदारी निभौण मा भि खूब हो, अर अच्छी शिक्षा देण वळो भि हो।

1 कुरिन्थि 1:8

अर पिता परमेस्वर तुमतै आखिरी का दिन तक बिस्वास मा और भि जादा मजबूत करलु, ताकि हमरा प्रभु यीशु मसीह का दिन पर जब उ न्याय करलु, त तुम निरदोष ठैरा।

कुलुसी 1:22

मगर यीशु मसीह न अपणा सरील मा जिं मौत तैं सै, वेका द्‍वारा पिता परमेस्वर न तुमरो मेल-जोल अफ दगड़ा मा कैरियाली। अर अब वु तुमतै अपणा समणि पवित्र अर बेदाग, अर बिना गळती को खड़ु होयुं दिखण चाणु च।