1 तीमुथियुस 2:4 - Garhwali

⁴ अर परमेस्वर की इच्छा या च कि सब मनखियों तैं बचयै जौ, अर ज्वा बात सच्‍च च वेतैं ऊ ढंगल जाणि सैका।

गढवली नयो नियम

⁴ उ चांदो च कि सभियूं तैं सचै कु ज्ञान हो अर उ बचि जा।

1 तीमुथियुस 2:4 Referans Kwoze

2 पतरस 3:9

अर प्रभु अपणा करार तैं पूरु करण मा कभि देर नि करदु, जन कि कुछ लोग समझदिन बल्किन मा वु त हमरा खातिर सबर रखदु, किलैकि परमेस्वर कै भि मनखि तैं नास होन्द देखि नि सकदु। पिता परमेस्वर त इन चान्दु, कि हरेक मनखि तैं पापों बटि पस्ताप करण को मौका मिलण चयेणु।

तीतुस 2:11

किलैकि सब मनखियों तैं बचौणु खुणि ही परमेस्वर की किरपा परगट किये गै।

2 तीमुथियुस 2:25

अर जु लोग तुमरि शिक्षा को विरोध करदिन, इन्द्रया लोगु तैं तुमतै नमर बणि के सिखौण वळु होण चयेणु, किलैकि विरोध करण वळा यू लोग शैतान की इच्छा तैं पूरि करणु खुणि वेका जाल मा फंस्यां छिन। अर यों लोगु तैं ईं उम्मीद का दगड़ा मा सिखौ, कि क्या पता परमेस्वर यों तैं भि पस्ताप करण को मन दे द्‍यो, ताकि यू भि सच्‍चै का ज्ञान तैं समझि जा अर चौकस ह्‍वेके शैतान का जाल बटि छुटी जा।

1 तीमुथियुस 4:10

इलै हम कठिन मेनत करद्‍यां, किलैकि हम ज्यून्दा परमेस्वर पर अपणी आस रखद्‍यां, जु की सब लोगु तैं बचौण वळु च, खास कैरिके ऊं लोगु तैं जु की वे पर बिस्वास करदिन।

लूका 24:47

अर वेका नौ से पापों की माफी पौणु खुणि अर मन से पस्ताप करण को परचार यरूशलेम नगर बटि दुनियां का सब देसों मा किये जालु,

दिब्य दरस 14:6

फिर मिन एक और स्वर्गदूत तैं देखि जु की आसमान मा उड़णु छौ, अर वेका पास सदनि तक रौण वळु शुभ समाचार छौ, ताकि धरती पर रौण वळा सब देसों, गोत्रों अर हरेक भाषा अर जाति-जाति का लोग तैं यू शुभ समाचार सुणये जौ।

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

मत्ती 28:19

इलै तुम जा, अर सब जाति का लोगु तैं चेला बणा, अर ऊंतैं पिता, पुत्र अर पवित्र आत्मा का नौ से बपतिस्मा द्‍या,

तीतुस 1:1

हे मेरा भै-बैंणो मि पौलुस, परमेस्वर को सेवक अर यीशु मसीह को खास चेला छौं। मितैं इलै भेजि गै, ताकि मि परमेस्वर का द्‍वारा चुण्यां लोगु तैं बिस्वास अर सच्‍चै का ज्ञान मा मजबूत कैरी सैकु, अर ऊ लोग परमेस्वर की इच्छा का मुताबिक जीवन जी सैका।

2 तीमुथियुस 3:7

अर यू जनानियां सब किसमे शिक्षाओं तैं सीख जनदिन, पर सच्‍चै क्या च ईं बात तैं नि जणदिन।

लूका 14:23

तब मालिक न नौकर कू बोलि, ‘सड़कों मा जा अर नगरों का बाटों मा जा अर लोगु तैं इख औणु खुणि मजबूर कैर, ताकि मेरु घौर भुरे जौ।

लूका 1:77

अर वेका लोगु तैं तू बचयै जाण को इन ज्ञान दिली, ताकि ऊ अपणा-अपणा पापों से माफी पैके बचि जा।

यूहन्ना 17:17

तुमरो वचन सच्‍चु च, इलै अपणा वे सच्‍चा वचन का द्‍वारा तुम ही ऊंतैं पवित्र कैरा।

यूहन्ना 6:37

अर पिता न जु लोग मि मा सौंप्यां छिन, उ सभि मि मा आला। अर जु कुई भि मि मा आला, ऊंतैं मि कभि नि निकळळु।

मरकुस 16:15

अर वेन ऊंकू बोलि, “तुम पूरि दुनियां मा जैके शुभ समाचार को परचार दुनियां का सब लोगु तैं सुणा।

इब्रानी 10:26

अर अगर जु हम सच्‍चा ज्ञान तैं पौण का बाद भि जाणि बुझि के पाप कना रौला, त ईं बात तैं जाणि ल्या कि फिर पापों से माफी पौणु खुणि कुई भि दुसरो बलिदान नि च।

रोमियों 11:14

अर ईं सेवा का काम का द्‍वारा मि इन कोसिस करदु, कि जु मेरा इस्राएली भै-बन्द छिन ऊंमा इन आग पैदा ह्‍वे जौ, कि भौत लोग यीशु मसीह पर बिस्वास कैरिके बचयै जा।

याकूब 3:14

पर अगर जु तुम अपणा मन मा कै से भौत खार खन्द्‍यां अर मतलबी होनद्‍यां, त बड़ु मोन नि कर्यां अर सच्‍चै तैं नकारी के झूठ्‍ठ नि बुलयां।

2 यूहन्ना 1:1

हे मेरी प्यारी बैंण, मि यूहन्‍ना जु की एक अध्यक्ष छौं, मि या चिठ्‍ठी त्वे खुणि अर तेरा बच्‍चों खुणि लिखणु छौ, तुम जु कि पिता परमेस्वर का द्‍वारा चुण्यां छा मि तुम से भौत प्यार करदु। अर केवल मि ही ना, बल्किन मा वु सब त्वेसे प्यार करदिन जु कि सच्‍चै तैं जणदिन।