1 तीमुथियुस 1:15 - Garhwali

¹⁵ अर या बात सच्‍च च अर पूरि तरौं से मनण का लैख च कि, “यीशु मसीह ईं दुनियां मा पापियों तैं बचौणु खुणि ऐ,” किलैकि ऊं सब पापियों मा बटि सबसे बड़ु पापि मि छौं।

गढवली नयो नियम

¹⁵ या बात सच च अर जै तैं पूरा ढंग से स्वीकार अर विश्वास किये जांण चयणु च कि मसीह यीशु हम पापियों तैं बचांणु अर उद्धार कनु कु ईं दुनिया मा ऐ, जौं मा सबसे बड़ो पापी मि छौं।

1 तीमुथियुस 1:15 Referans Kwoze

मरकुस 2:17

अर या बात सुणी के यीशु न ऊंकू बोलि, “जु ठिक-ठाक छिन, ऊंतैं बैद की जरुरत नि होन्दी, मगर बिमारों तैं होन्दी च, अर जु लोग खुद तैं धरमी समझदिन मि ऊं लोगु खुणि ना, बल्किन मा पापि लोगु तैं बुलाणु खुणि अयूं छौं।”

लूका 19:10

किलैकि मनखि को पुत्र हरच्यां लोगु तैं खुजै के बचौणु खुणि ही अयूं च।”

यूहन्ना 12:47

अर जु कुई मेरी बातों तैं सुणी के वेका मुताबिक नि चलदु वे पर मि दोष नि लगौन्दु, किलैकि मि दुनियां का लोगु तैं दोषी ठैराणु खुणि ना, बल्किन दुनियां का लोगु तैं बचौणु खुणि अयूं छौं।

यूहन्ना 1:12

पर जथगा लोगु न वेतैं स्वीकार कैरी, याने कि जथगा वे पर बिस्वास करदिन, वेन ऊंतैं परमेस्वर की औलाद होण को अधिकार दियूं च।

लूका 5:32

ठिक उन्‍नि जु लोग खुद तैं धरमी समझदिन, मि ऊंतैं बुलाणु खुणि नि अयूं, पर पापि लोगु खुणि अयूं छौं ताकि ऊ पस्ताप कैरा।”

1 यूहन्ना 3:5

अर तुम जणदा ही छाँ, कि यीशु मसीह हमरा पापों तैं मिटौणु खुणि ही ईं दुनियां मा ऐ, अर वेका सभौ मा कुई भि पाप नि च।

1 तीमुथियुस 1:13

हालांकि, मि पैलि वेकी बेजती करण वळु, वेका लोगु तैं सतौण वळु अर हुणदंग मचौण वळु छौ, पर फिर भि वेन अपणी दया मि पर कैरी। किलैकि तब मि यीशु मसीह पर बिस्वास नि करदु छौ, अर नि जणदु छौ कि मि क्या कनु छौ।

मत्ती 20:28

तुमतै मनखि का पुत्र जन होण चयेणु, किलैकि उ अपणी खातिरदारि करौणु खुणि नि ऐ, बल्किन मा इलै ऐ कि खुद दुसरा लोगु की सेवा कैरो, अर भौत सा लोगु तैं ऊंका पापों से आजादी दिलौणु खुणि अपणी जान दे द्‍यो।”

1 कुरिन्थि 15:9

अर खास चेलों मा मि सबसे छुटो छौं, मि त इथगा लैख भि नि छौ कि मिकू खास चेला बुले जौ। किलैकि मिन ज्यून्दा परमेस्वर का समुदाय तैं सतै, जु की यीशु मसीह पर बिस्वास करदिन।

यूहन्ना 1:29

अर दुसरा दिन यूहन्‍ना न यीशु तैं अपणी तरफा औन्द देखि अर बोलि, “अफार देखा, परमेस्वर को भेज्यूं मेम्‍ना, जु कि अपणु बलिदान देके दुनियां का लोगु का पापों तैं उठे के लि जान्दु।

मत्ती 9:13

इलै तुम पैलि जैके पवित्रशास्‍त्र की ईं बात को मतलब सीखा जन कि लिख्यूं च, ‘मि बलिदान ना, बल्किन मा दया चान्दु।’ अर जु लोग खुद तैं धरमी समझदिन मि ऊं खुणि ना, बल्किन मा पापि लोगु तैं बुलाणु खुणि अयूं छौं।”

मत्ती 1:21

‘वा एक नौना तैं जनम द्‍याली। अर तू वेको नौ यीशु रखी किलैकि उ अपणा लोगु तैं ऊंका पापों बटि छुटकारा द्‍यालु।’”

इब्रानी 7:25

अर जु लोग वे पर बिस्वास करदिन वु ऊंतैं पिता परमेस्वर का पास लेके जान्दु अर ऊंतैं बचौण की ताकत रखदु, किलैकि वु ऊं सभ्यों खुणि हमेसा पिता परमेस्वर से बिन्ती करण वळु एक बिचलु च।

1 तीमुथियुस 4:9

अर जु बात मिन अभि तुम बटि बुलिनी, यू सच्‍च छिन अर मनण का लैख छिन।

रोमियों 5:6

अर जब हम पिता परमेस्वर से दूर छा, त वे ही बगत मा यीशु मसीह हम सभ्यों का खातिर मरे गै ताकि हमरु मेल-जोल परमेस्वर का दगड़ा मा ह्‍वे जौ।

1 यूहन्ना 3:8

पर जु मनखि पाप कनु रौन्दु, उ शैतान की औलाद च, किलैकि शैतान शुरु बटि ही पाप करदी औणु च। अर परमेस्वर को पुत्र इलै परगट ह्‍वे, ताकि उ शैतान का कामों तैं नास कैरी द्‍यो।

1 तीमुथियुस 3:1

अर या बात सच्‍च च अर पूरि तरौं से मनण लैख च, कि अगर कुई बिस्वासी समुदाय को अध्यक्ष बणण चान्दु, त उ अच्छा काम करण की इच्छा भि रखदु।

इफिसुस 3:8

अर पिता परमेस्वर का सब पवित्र लोगु मा बटि मि सबसे छुटा छौं, मगर फिर भि वेन मि पर अपणी किरपा कैरिके मितैं यू दान दिनी, कि जु लोग यहूदी जाति का नि छिन मि ऊंका बीच मा जैके यीशु मसीह का द्‍वारा मिलण वळी बेशुमार आसिसों को बखान कैरी सैकु।

दिब्य दरस 22:6

फिर स्वर्गदूत न मिकू बोलि, “प्रभु परमेस्वर जु कि अपणा रैबर्यों तैं अपणी बातों बतौन्दु। ऊंन मितैं तेरा पास भेजि कि मि त्वेतै ऊं बातों का बारा मा बतौ जु कि जल्द पूरि होण वळी छिन। अर यू सब बात सच्‍चि अर भरोसा करण का लैख छिन।

दिब्य दरस 5:9

अर ऊ एक नयू गीत गाण लगि गैनी ऊंन बोलि कि, “हे हमरा मालिक हे हमरा प्रभु पिता, दस्तावेज तैं लेण का लगीं मोरों तैं खुलण का काबिल छाँ तुम यीशु बलिदान सिरफ तुम होयां। तुमुन ही हरेक गोत्र का, जाति हरेक भाषा का, देस-देस का लोगु तैं, ल्वे से अपणा खरीदी च, तुमुन ही ऊं लोगु तैं बणै एक पुरोहित च, पिता परमेस्वर खुणि राज्य एक बणयूं च राज करला वु सभि, औण वळी धरती मा।”

तीतुस 3:8

अर यू सब बात सच्‍चि छिन, अर मि चान्दु छौं कि तू यों सब बातों का बारा मा जोर देके बतौ, ताकि जौं लोगु न परमेस्वर पर बिस्वास कैरी, ऊ भलै का कामों तैं करण मा लग्यां रा। अर यू बात खूब अर सब लोगु का फैदे की छिन।

2 तीमुथियुस 2:11

अर या बात सच्‍च च कि, अगर जु हम यीशु मसीह का दगड़ा मा मोर ग्यां, त वेका दगड़ा मा जीवन भि जीणा रौला।

खास चेलों 3:26

अर परमेस्वर न ही हम लोगु का बीच मा बटि यीशु मसीह तैं चुणी के ठैरै, अर सबसे पैलि तुमरा ही बीच मा भेजि, ताकि तुम सब अपणी-अपणी बुरै तैं छोड़ि द्‍या, अर वेसे आसीस पा।”

यूहन्ना 3:36

अर जु कुई वे पुत्र पर बिस्वास करदु, वेतैं ही सदनि को जीवन मिलदु। अर जु कुई पुत्र पर बिस्वास नि करदु, वेतैं जीवन नि मिललु, बल्किन मा परमेस्वर को परकोप वे पर पोड़दु।”

दिब्य दरस 21:5

तब जु राजगद्‍दी पर बैठयूं छौ वेन बोलि, “देख, मि सब कुछ नयू बणौणु छौं।” अर वेन फिर मिकू बोलि, “लिख ले, किलैकि यू वचन भरोसा का लैख अर सच्‍चा छिन।”

1 यूहन्ना 5:11

अर वा गवै या च कि परमेस्वर न हमतै सदनि को जीवन दिनी, अर वु जीवन हमतै वेका पुत्र का द्‍वारा मिलदु।

मत्ती 18:10

यीशु न ऊंकू इन भि बोलि, “सुणा, तुम मेरा पिछनै चलण वळा यों छुटो तैं सुद्‍दी नि समझा, अर मि तुमतै चितै देन्दु किलैकि स्वर्ग मा रौण वळा स्वर्गदूत जु की ऊंकी देख-रेख करदिन, वु सदनि मेरा पिता का समणि हाजिर रौनदिन।

खास चेलों 11:18

अर जब यहूदी बिस्वासी लोगु न यू सब बात सुणिनी, त वु संट ह्‍वे गैनी। अर ऊंन परमेस्वर की तारीफ कैरिके बोलि, “परमेस्वर की बडै हो, किलैकि वेन सदनि को जीवन पौणु खुणि मन से पस्ताप करण को मौका ऊंतैं भि दियाली जु यहूदी जाति का नि छिन।”

खास चेलों 11:1

अर या खबर यहूदिया मुलक का खास चेलों अर बिस्वासी भै-बैंणो तैं पता चलि गै, कि जु हमरि जाति का नि छिन ऊंन भि परमेस्वर का वचन तैं स्वीकार कैरियाली।

लूका 15:2

तब फरीसी दल का लोग अर शास्‍त्री लोग कुड़कुड़ै के बोन्‍न लगि गैनी, “यू त पापि मनखियों का दगड़ा मा मेल-जोल रखदु, अर ऊंका दगड़ा मा खान्दु-पीन्दु च।”

रोमियों 11:14

अर ईं सेवा का काम का द्‍वारा मि इन कोसिस करदु, कि जु मेरा इस्राएली भै-बन्द छिन ऊंमा इन आग पैदा ह्‍वे जौ, कि भौत लोग यीशु मसीह पर बिस्वास कैरिके बचयै जा।

1 तीमुथियुस 6:13

परमेस्वर सभ्यों तैं जीवन देन्दु, अर प्रभु यीशु मसीह जैन पुन्तियुस पिलातुस का समणि भौत अच्छी गवै देई छै, वे परमेस्वर अर यीशु मसीह का समणि मि त्वेतै आज्ञा देन्दु कि,

मत्ती 18:11

[अर मनखि को पुत्र हरच्यां लोगु तैं बचौणु खुणि अयूं च।”]