1 थिस्सलुनीकी 4:15 - Garhwali

¹⁵ अर प्रभु का वचन का मुताबिक हम तुमतै बतै देन्द्‍यां, कि जब प्रभु आलु तब मुरयां लोग ही पैलि वे बटि मिलला। अर वेका बाद हम जु ज्यून्दा छां वे बटि मिलुला।

गढवली नयो नियम

¹⁵ हम प्रभु यीशु का वचन का अनुसार तुम मा इन बुल्दा, कि हम जु ज्यून्दा छा, अर जब तक प्रभु यीशु फिर से वापिस आलो बचयां रौला अर उ विश्वासी जु पैली ही मोरि गैनी, हम बट्टी पैली प्रभु यीशु तैं मिलला।

1 थिस्सलुनीकी 4:15 Referans Kwoze

2 कुरिन्थि 4:14

अर हमतै यू भि यकीन च कि जै पिता परमेस्वर न प्रभु यीशु तैं ज्यून्दु कैरी, उ हमतै भि वेका दगड़ा मा ज्यून्दु करलु, अर उ हम सभ्यों तैं यीशु का दगड़ा मा रौण खुणि अपणा समणि खड़ु भि करलु।

1 थिस्सलुनीकी 2:19

अर फिर हमरि आस को कारण तुम ही त छाँ, किलैकि प्रभु यीशु का औण तक अगर जु तुम बिस्वास मा बणयां रैल्या त वेका समणि हिम्मत से खड़ा ह्‍वेल्या। तब तुम ही हम खुणि वु इनाम ह्‍वेल्या जौं तैं देखि के हमतै बड़ु गर्व होलु, अर तब हमरि खुशी को कुई ठिकाणु नि होलु।

मत्ती 17:25

तब वेन बोलि, “हाँ, गुरुजी देन्दा छिन।” अर जब पतरस घौर मा ऐ, त वेका बोन्‍न से पैलि ही यीशु न वेसे पूछी, “शमौन, तू क्या सोचदी? कि दुनियां का राजा कै बटि चुंगी अर कर लेन्दिन, अपणा नौना बटि या दुसरा लोगु बटि?”

2 कुरिन्थि 12:1

हे मेरा दगड़्यों, मितैं बड़ु मोन करण से कुई फैदा नि च किलैकि या बात मि खुणि खूब नि च। अर अब मि तुमतै प्रभु का द्‍वारा मिल्यां दिब्य दरसनो अर वेका द्‍वारा परगट कियां रैबारों का बारा मा बतौण चाणु छौं।

गलातियों 1:12

किलैकि उ शुभ समाचार नऽ त मितैं कै मनखि न दिनी, अर ना ही मितैं कैन सिखै, बल्किन मा वु त खुद यीशु मसीह न मि पर परगट कैरी।

1 थिस्सलुनीकी 4:13

हे मेरा भै-बैंणो, हम इन चन्द्‍यां, कि मुरयां लोगु को क्या जि होलु येका बारा मा तुम जाणा, ताकि तुम बिस्वास नि करण वळा लोगु का जन शोक नि कैरा जौं लोगु का पास कुई भि आस नि च।

1 थिस्सलुनीकी 5:10

अर यीशु मसीह हम कू इलै मोरि ताकि हम चै ज्यून्दा रा या मोरि जां, हम सब मिली के वेका दगड़ा मा जीवन ज्यूला।

2 थिस्सलुनीकी 2:1

हे मेरा भै-बैंणो, अब हम तुमतै अपणा प्रभु यीशु का दुबरा औण का बारा मा, अर वेका पास इकट्‍ठा होण का बारा मा बतै देन्द्‍यां। किलैकि तुमरा बीच मा कुछ इन्द्रया लोग ऐ गैनी, जु कि तुमतै गळत सिखौन्दिन। अर वु बुल्दिन, कि प्रभु को दुबरा औण की बात पूरि ह्‍वे गै अर वु इन भि बुलला, कि हमतै त परमेस्वर का आत्मा न बतै अर भविष्यबाणियाँ भि ह्‍वेनि। अर वु लोग हमरु नौ लेके इन भि बुलला, कि हमतै त चिठ्‍ठी का द्‍वारा बतये गै। मगर हम तुमतै बतै देन्द्‍यां, कि यों बातों तैं सुणी के तुम अचानक से बिस्वास मा डगमगै नि जयां अर ना ही घबरयां।