1 थिस्सलुनीकी 3:10 - Garhwali

¹⁰ अर हम दिन-रात परमेस्वर बटि तुम खुणि भौत प्रार्थना करद्‍यां, कि तुम बटि मिली सैका, अर अगर तुमरा बिस्वास मा कै भि बात की कमी रै गै होलि त हम वींतैं पूरि कैरी द्‍यूला।

गढवली नयो नियम

¹⁰ हम लगातार भौत प्रार्थना करदी रौंदा, कि तुम दगड़ी हम फिर से मिल सका अर जु तुम कु जरूरी च उ तुम तैं सिखै साका, कि तुम पूरा ढंग से प्रभु यीशु पर विश्वास कैरी साका।

1 थिस्सलुनीकी 3:10 Referans Kwoze

2 कुरिन्थि 13:9

अर भले ही हम कमजोर छां मगर हमतै खुशी च कि तुम बिस्वास मा मजबूत छाँ। अर हम पिता परमेस्वर बटि इन्‍नि प्रार्थना करद्‍यां, कि तुम और भि जादा मजबूत होन्दी जा।

1 थिस्सलुनीकी 3:11

हम पिता परमेस्वर अर यीशु मसीह से इन प्रार्थना करद्‍यां कि हम तुम बटि जल्द से जल्द मिली सैका, अर यां खुणि प्रभु हमरि मदद कैरो।

2 कुरिन्थि 1:24

अर हम लोगु को मतलब यू नि च कि हम ही तुमरा मालिक छां, अरे हम त केवल तुमरा आनन्द मा साझी छां अर हमरि पूरि कोसिस च कि तुम यीशु मसीह पर अपणु पूरु बिस्वास बणै के रखा।

2 तीमुथियुस 1:3

अर जै परमेस्वर की सेवा मेरा पितरों न कैरी मि भि ठिक उन्‍नि सच्‍चा मन से करदु। अर मि तुमतै अपणी प्रार्थना मा लगातार याद कैरिके परमेस्वर को धन्यवाद करदु।

2 थिस्सलुनीकी 1:11

इलै हम तुम खुणि हमेसा इन प्रार्थना करद्‍यां, कि परमेस्वर न तुमतै जै मकसद खुणि बुलै, वे जीवन तैं जीणु खुणि परमेस्वर तुमतै लैख बणौ। अर हम इन भि प्रार्थना करद्‍यां, कि यीशु मसीह पर बिस्वास कैरिके जु सब भलै का काम तुम करण चाणा छाँ, ऊंतैं तुम पूरु कैरी सैका। अर इन करण मा उ तुमतै अपणी सामर्थ देके तुमरि मदद कैरो।

फिलिप्पी 1:25

अर मितैं ईं बात पर पूरु यकीन च अर मि जणदु छौं, कि मि ज्यून्द रौलु अर तुमरा दगड़ा मा रै के तुमरि मदद करलु, ताकि तुम बिस्वास मा और भि जादा मजबूत ह्‍वे जा अर खुशी मणै सैका।

2 कुरिन्थि 1:15

अर मितैं ईं बात को पूरु यकीन छौ, इलै मिन पैलि तुमरा पास औण कि सोची, ताकि पिता परमेस्वर बटि तुमतै कुई ना कुई आसिरबाद मिली सैको।

खास चेलों 26:7

अर हमरा बारह गोत्रों का लोग वे करार तैं पूरु होण की आस मा लग्यां छिन, अर आज भि वु दिन-रात परमेस्वर की भक्‍ति अपणा पूरा मनळ कना छिन। अर महाराज, आज वा ही आस मेरी भि रखी च अर वांका बानो ही यहूदी लोग मि पर इळजाम लगौणा छिन।

फिलेमोन 1:22

अर यों सब बातों का दगड़ा-दगड़ि मि त्वेसे कुछ और बात भि बोन्‍न चान्दु, कि तू मि खुणि एक घौर को इंतजाम कैर, किलैकि मितैं ईं बात कि आस च कि ज्वा प्रार्थना तुम लोग मि खुणि करद्‍यां, वींतैं पिता परमेस्वर जरुर सुणलु अर जल्दी ही मि तुमरा इख ऐ जौलु।

कुलुसी 4:12

अर तुमरा इखो इपफ्रास भै भि जु कि यीशु मसीह को सेवक च, उ भि तुमकु सलाम बोन्‍नु च। अर उ मन लगै के तुम खुणि हमेसा प्रार्थना कनु रौन्दु, ताकि तुम हरेक बात मा सिद्ध ह्‍वे सैका अर यीशु मसीह पर पूरु बिस्वास कैरिके परमेस्वर की मनसा तैं पूरि कैरी सैका।

कुलुसी 1:28

अर वे ही मसीह को परचार हम लोग करद्‍यां अर लोगु तैं चितै देन्द्‍यां, अर हरेक मनखि तैं अपणा पूरा ज्ञान से सिखौन्द्‍यां, ताकि हरेक मनखि तैं एकदम सिद्ध बणै के पिता परमेस्वर का समणि खड़ु कैरी सैका।

लूका 2:37

अर वा चौरासि साल की विधवा छै। अर मन्दिर मा ही रौन्दी छै, अर उपवास अर प्रार्थना कैरी-कैरिके दिन-रात परमेस्वर की सेवा मा लगि रौन्दी छै।

दिब्य दरस 4:8

अर चरी पराणों का छह-छह फाँकुड़ छा, अर ऊंका चौतरफि अर ऊंका भितर भि आंखा ही आंखा छा। अर वु बिन रुक्यां दिन-रात इन बुल्दिन कि, “पवित्र, पवित्र, पवित्र, सर्वसक्‍तिमान प्रभु परमेस्वर, जु छौ जु आज भि च अर जु औण वळु च।”

2 कुरिन्थि 13:11

हे मेरा भै-बैंणो, अब मि आखिरी मा तुमकु इन बोन्‍न चान्दु कि तुम खुश रा, अर अपणा-अपणा चाल-चलन मा हरेक दिन सुधार ला, अर जु-जु काम करणु कू मिन तुमकु बोलि ऊंतैं पूरु कैरा। अर एक-दुसरे की बात तैं स्वीकार कैरा अर एकजुट ह्‍वेके रा, अर एक-दुसरा का दगड़ा मा शान्ति से रा। अर पिता परमेस्वर तुमतै एक-दुसरा का दगड़ा प्यार करण मा, अर शान्ति से जीवन जीण मा पूरि मदद करलु।

दिब्य दरस 7:15

इलै यू लोग परमेस्वर का मन्दिर मा रै के वेकी सेवा करदिन। अर वेकी राजगद्‍दी का समणि खड़ा छिन। अर परमेस्वर जु कि राजगद्‍दी पर बैठयूं च उ ऊंका दगड़ा मा च अर ऊंकी देख-रेख करदु।