1 थिस्सलुनीकी 2:9 - Garhwali

⁹ हे मेरा भै-बैंणो, तुमतै हमरि कठिन मेनत अर हमरि ध्याड़ि करण जरुर याद होलि। जब हमुन तुमतै परमेस्वर को शुभ समाचार सुणै त अपणी जरुरतों तैं पूरु करणु खुणि हमुन दिन-रात काम-काज कैरी, ताकि हम तुम मा बटि कै का मथि भि भारु नि बणा।

गढवली नयो नियम

⁹ हे विश्वासी भयों, तुम हमारी मेहनत अर हमारी मुसिबतों तैं याद रखद्यां, कि हम ल रात दिन कामकाज कैरी कै तुम्हरा बीच मा पिता परमेश्वर कु शुभ सन्देश प्रचार कैरी, कि तुम तैं हमारी जरूरतों कु ध्यान नि रखण पोडो।

1 थिस्सलुनीकी 2:9 Referans Kwoze

2 कुरिन्थि 11:9

अर जब मि तुमरा बीच मा छौ त वे बगत मितैं भौत चीजों की जरुरत छै, मगर मिन तुम लोगु तैं जरा भि परेसान नि कैरी। अर जब मकिदुनिया मुलक बटि कुछ बिस्वासी लोग ऐनी, त वे बगत ऊंन मेरी जरुरतों तैं पूरु कैरी। अर वे बगत मिन पूरि कोसिस कैरी कि मि तुम पर बोझ नि बणु अर अगनै भि मेरी इन्‍नि कोसिस राली कि मि तुम पर बोझ नि बणु।

खास चेलों 18:3

अर पौलुस ऊंका दगड़ा मा मिली के काम करण लगि गै, किलैकि पौलुस अर यों दुईयों को एक ही काम-धन्धा छौ, अर उ तम्बू बणौण को काम करदा छौ।

2 तीमुथियुस 1:3

अर जै परमेस्वर की सेवा मेरा पितरों न कैरी मि भि ठिक उन्‍नि सच्‍चा मन से करदु। अर मि तुमतै अपणी प्रार्थना मा लगातार याद कैरिके परमेस्वर को धन्यवाद करदु।

1 तीमुथियुस 5:5

अगर कुई विधवा जनानि इखुली च, अर वीं की देख-रेख करण वळु कुई नि हो, अर वा परमेस्वर पर बिस्वास कैरिके दिन-रात प्रार्थना बिन्ती करणी रौन्दी हो, त इन्दरि जनानि ही सच्‍च मा विधवा च, अर वींतैं ही मदद मिलण चयेणी।

1 तीमुथियुस 4:10

इलै हम कठिन मेनत करद्‍यां, किलैकि हम ज्यून्दा परमेस्वर पर अपणी आस रखद्‍यां, जु की सब लोगु तैं बचौण वळु च, खास कैरिके ऊं लोगु तैं जु की वे पर बिस्वास करदिन।

1 थिस्सलुनीकी 2:6

अर हमुन कै बटि कुई भि आदर-सम्मान नि चै। नऽ त तुम लोगु बटि, अर ना ही कै दुसरा बटि, जब कि यीशु मसीह का खास चेला होण का नाता हमरु यू अधिकार छौ, कि हम अपणु भार तुम पर डलदा,

1 कुरिन्थि 9:18

अर इन्दरि हालत मा मितैं कुई इनाम नि मिलण। मगर जब मि शुभ समाचार को परचार करदु, त वेका बदला मा मि कै बटि कुछ नि लेन्दु। अर ना ही मि शुभ समाचार मा अपणा अधिकारो को इस्तेमाल करदु।

1 कुरिन्थि 9:15

पर मि यों बातों मा बटि एक भि अधिकार को इस्तेमाल नि करदु। अर या बात मि तुम खुणि इलै नि लिखणु छौं, ताकि तुम मितैं कुछ द्‍या, पर मि त अपणी ईं ही बात पर बड़ु मोन करदु अब चै मि मोरि भि किलै नि जौ।

खास चेलों 20:31

इलै चौकस रा, अर ईं बात तैं याद रखा कि मिन तीन सालों तक दिन-रात रुवे-रुवे के हरेक तैं चितौण कभि नि छोड़ि।

1 तीमुथियुस 1:11

अर या अच्छी शिक्षा वे शुभ समाचार बटि औन्दी, जु आसीस तैं देण वळा महान परमेस्वर को च। अर मितैं वेको परचार करण की जबाबदारी दिईं च।

1 थिस्सलुनीकी 3:10

अर हम दिन-रात परमेस्वर बटि तुम खुणि भौत प्रार्थना करद्‍यां, कि तुम बटि मिली सैका, अर अगर तुमरा बिस्वास मा कै भि बात की कमी रै गै होलि त हम वींतैं पूरि कैरी द्‍यूला।

1 थिस्सलुनीकी 2:2

जन कि तुम जणदा छाँ कि फिलिप्पी नगर मा हमुन भौत पीड़ा सै, अर हमरि बेजती भि किये गै। मगर परमेस्वर न हमतै हिम्मत देई, अर विरोध होण का बाद भि हम तुमरा पास अयां, अर तुमरा नगर मा औण पर भि हमरा दगड़ा मा ठिक इन्‍नि ह्‍वे। पर फिर भि हमुन तुमतै परमेस्वर को शुभ समाचार सुणै।

1 थिस्सलुनीकी 1:3

किलैकि पिता परमेस्वर पर बिस्वास रखी के जु-जु काम तुमुन करिनी, वु सब हम अपणी प्रार्थनाओं मा याद रखद्‍यां। अर जै प्यार का दगड़ा मा तुमुन मेनत कैरी, अर सबर रखी के तुमुन प्रभु यीशु मसीह पर अपणी ज्वा आस रखी च, वु सब भि हम याद करद्‍यां।

फिलिप्पी 4:16

अर मितैं याद च जब मि थिस्सलुनीकी नगर मा छौ, त तुमुन मेरी जरुरत का बगत मा कई बार मेरी मदद कैरी।

2 कुरिन्थि 6:5

अर कई बार हमुन मार खै अर हमतै जेलखानों मा भि डळै गै। अर कभि-कभि त हमरा खिलाप मा भीड़ इकट्‍ठा ह्‍वे जान्दी छै, मगर हमुन फिर भि कड़ी मेनत कैरी। अर कई रात्यों त हम सै भि नि छा, अर कई दिन-रात हमुन भूकि कटिनी।

1 कुरिन्थि 4:12

अर अपणा हाथोंळ बड़ी मेनत कैरिके थकी जन्द्‍यां। अर फिर भि लोग हमरु अपमान करदिन, मगर हम ऊंतैं आसीस देन्द्‍यां। अर वु लोग हमतै सतौन्दा छिन, मगर हम ऊंकी सौन्द्‍यां।

रोमियों 15:19

अर यू सब चमत्कार अर अदभुत काम मिन पवित्र आत्मा की ताकत से करिनी। इलै मिन भि यरूशलेम नगर अर वेका आस-पास का मुलकों बटि ठिक इल्‍लुरिकुम का मुलक तक यीशु मसीह का शुभ समाचार को परचार अच्छी तरौं से कैरी।

रोमियों 15:16

अर या किरपा मि पर इलै ह्‍वे, ताकि मि ऊं लोगु का बीच मा काम कैरी सैको जु कि यहूदी जाति का नि छिन। अर ये काम खुणि ही मि यीशु मसीह का सेवक का रुप मा चुणै ग्यों, अर मिन पिता परमेस्वर का शुभ समाचार की शिक्षा तैं लोगु का बीच मा पौछाण को काम कैरी। अर यू सब त इलै ह्‍वे, ताकि जु लोग यहूदी जाति का नि छिन ऊं लोगु तैं पिता परमेस्वर स्वीकार कैरो। अर सब पवित्र आत्मा का द्‍वारा एक भेंट का रुप मा वेतैं चड़ये जा।

रोमियों 1:1

हे मेरा भै-बैंणो, मि प्रभु यीशु मसीह को सेवक पौलुस छौं अर मि या चिठ्‍ठी इलै लिखणु छौं, किलैकि पिता परमेस्वर न मितैं यीशु मसीह को खास चेला होणु खुणि अर वेका शुभ समाचार तैं लोगु तैं सुनौण खुणि अलग कर्युं च।

लूका 18:7

अर जब एक अधरमी न्याय करणु वळु इन कैरी सकदु, त क्या परमेस्वर अपणा चुण्यां लोगु को न्याय नि करलु? जु दिन-रात वेसे प्रार्थना करणा रौनदिन, क्या उ अपणा लोगु का खातिर देर करलु?

लूका 2:37

अर वा चौरासि साल की विधवा छै। अर मन्दिर मा ही रौन्दी छै, अर उपवास अर प्रार्थना कैरी-कैरिके दिन-रात परमेस्वर की सेवा मा लगि रौन्दी छै।

खास चेलों 20:24

मगर मितैं अपणी जान की भि कुई परवा नि च, ताकि जै काम की शुरुवात मिन कैरी अर जु काम प्रभु यीशु न मि मा सौंपी वेतैं मि पूरु कैरुं, याने कि मि परमेस्वर की किरपा को शुभ समाचार लोगु तैं बतै सैकु।

1 कुरिन्थि 9:4

अर क्या बरनबास अर मितैं तुमरा दगड़ा मा खाण-पीण को हक नि च?

2 कुरिन्थि 11:27

हे मेरा दगड़्यों, ये काम खुणि मिन कड़ी मेनत कैरी, अर कई रात्यों मि उणिन्दु रौंऽऽ। अर कई बार मितैं भौत भूक अर तीस लगि, पर मेरा पास खाण-पीण खुणि कुछ नि होन्दु छौ, अर ह्‍यूँद की कई रात मिन गरम कपड़ों का बगैर ही गुजरिनी।