1 थिस्सलुनीकी 2:17 - Garhwali

¹⁷ हे मेरा भै-बैंणो, अभि हम तुम बटि कुछ बगत तक दूर छां, मगर फिर भि तुम लोग हमरा दिल का करीब छां। इलै तुमरा पास ऐके तुम से मिलण की हमरि बड़ी इच्छा च अर यां खुणि हमुन भौत कोसिस भि कैरी।

गढवली नयो नियम

¹⁷ हे विश्वासी भयों, जब हम तुम्हरा दगड़ा मा नि छा, पर हम हमेशा तुम्हरा बारा मा सुचदा छा त हम ल बड़ी लालसा का दगड़ी तुम तैं दिखणु कु और भि जादा कोशिश कैरी।

1 थिस्सलुनीकी 2:17 Referans Kwoze

कुलुसी 2:5

अर भले ही मि अभि तुम से दूर छौं, पर मेरु मन तुम पर ही लग्यूं च। अर तुमरा जीवन को अच्छु रंग-ढंग अर मसीह पर तुमरा मजबूत बिस्वास तैं देखि के मि भौत खुश छौं।

1 कुरिन्थि 5:3

अर अभि मि तुमरा बीच मा नि छौं, मगर मेरु मन तुम पर ही लग्यूं च, अर जै मनखि न यू काम कैरी उ मेरी नजर मा दोषी ठैरि गै, अर इन समझा कि मि उखि मौजूद छौं।

1 थिस्सलुनीकी 3:6

मगर तीमुथियुस अभि तुमरा इख बटि ऐ, अर वेन तुमरा बिस्वास अर प्यार का बारा मा हमतै बतै के एक अच्छी खबर सुणै। अर वेन हमतै इन भि बतै, कि तुम लोग हमतै हमेसा बड़ा प्यार से याद करद्‍यां। अर जन हम तुमतै मिलणु कू तड़पद्‍यां, तन्‍नि तुम भि हम बटि मिलणु कू तड़पद्‍यां।

रोमियों 1:13

हे मेरा भै-बैंणो, मि इन चान्दु कि तुम लोग ईं बात तैं जाणि ल्या कि मिन भौत बार तुमरा पास औण की योजना बणै, मगर कुई ना कुई बात मितैं हमेसा रोकी देन्दी। अर तुमरा पास औण की मेरी भौत इच्छा च, किलैकि जन मिन भौत सि जगा जैके लोगु तैं पिता परमेस्वर का रैबार तैं बतै अर ऊंन बिस्वास कैरी, ठिक उन्‍नि तुमरा बीच मा भि हो।

रोमियों 15:23

पर अब मिन यों मुलकों मा अपणु काम पूरु कैरियाली, इलै कई सालों से मि इन चाणु छौ कि तुमरा पास औंऽऽ।

लूका 22:15

अर यीशु न ऊंकू बोलि, मेरी बड़ी इच्छा छै कि दुख भोगण से पैलि तुमरा दगड़ा मा फसह को खाणु खौऽ।

खास चेलों 17:10

अर फिर बिस्वासी भै-बैंणो न पौलुस अर सीलास तैं रातों-रात बिरीया नगर कू भेजि दिनी, अर उख पौंछण का बाद यू दुईया का दुई यहूदियों का प्रार्थना भवन मा गैनी।

लूका 12:58

जब तू अपणा दुसमन का दगड़ा मा कै अधिकारी का पास जाणि रैलि, त अधा बाटा मा ही वेका दगड़ा सला कैरी दे, कखि इन नि हो कि उ त्वेतै न्याय करण वळा मा खैंची के लि जौ, अर न्याय करण वळु त्वेतै सिपयों का हवाला कैरी द्‍यो। तब सिपै त्वेतै जेलखाना मा डालि द्‍याला।