1 पतरस 5:13 - Garhwali

¹³ अर जन पिता परमेस्वर न तुमतै चुणी, ठिक उन्‍नि बिस्वासी लोग बेबीलोन नगर मा भि छिन, जु कि तुमकु सलाम बोन्‍ना छिन। अर मरकुस भै भि जु कि मेरा नौना का जन च तुमकु सलाम बोन्‍नु च।

गढवली नयो नियम

¹³ बाबेल शहर जु रोम मा च उख विश्वासी तुम तैं प्रणाम बुल्णा छिनी, जौं तैं पिता परमेश्वर ल चुणि जन मसीह ल तुम तैं चुणि। मरकुस, जु मि कु एक नौंना जन च, उ भि तुम तैं प्रणाम बुल्णु च।

1 पतरस 5:13 Referans Kwoze

खास चेलों 12:12

अर सब कुछ बिंगण का बाद उ मरियम का घौर चलि गै। अर या मरियम यूहन्‍ना की माँ छै। अर यू यूहन्‍ना वु च जैकू मरकुस भि बुले जान्दु। अर वींका घौर मा भौत सरा लोग जमा ह्‍वेके प्रार्थना कना छा।

खास चेलों 12:25

अर जब बरनबास अर शाऊल न इकट्‍ठा कियां दान तैं यरूशलेम का बिस्वासी समुदाय का अध्यक्षों मा देण को काम पूरु कैरी दिनी, त जाण दौं वु यूहन्‍ना तैं जैकू मरकुस भि बुल्दिन वेतैं अफ दगड़ा मा लि गै।

दिब्य दरस 18:2

अर वेन ऊँची आवाज मा चिल्‍लै के बोलि, “पतन ह्‍वे गै, पतन ह्‍वे गै, वीं वेश्या को पतन ह्‍वे गै जु कि बड़ु नगर बेबीलोन च, वु त खबेसों को घौर, अर हरेक किसम की अशुद्ध अर गन्दा पंछियों को घोल च, अर हरेक अशुद्ध अर घिण औणा वळा जानबर को उड़्यार बणि गै।

दिब्य दरस 17:5

अर वीं वेश्या का माथा पर इन लिख्यूं छौ कि, “राज बड़ु नगर बेबीलोन, वेश्याओं अर धरती की गन्दी चीजों तैं जनम देण वळो की माँ।”

2 यूहन्ना 1:13

हे मेरी प्यारी बैंण, तेरी चुणी बैंण का बच्‍चा त्वेकू सलाम बोन्‍ना छिन।

खास चेलों 15:37

अर बरनबास इन चान्दु छौ, कि यूहन्‍ना जै खुणि मरकुस बुल्दिन वेतैं दगड़ा लि जौ।

खास चेलों 15:39

अर ईं बात तैं लेके पौलुस अर बरनबास का बीच मा भौत खतरनाक बहसबाजी ह्‍वे गै, अर ऊ दुईया का दुई अलग ह्‍वे गैनी। तब बरनबास मरकुस का दगड़ा पाणि का जाज मा बैठि के साइप्रस टापू कू चलि गै।

कुलुसी 4:10

अर मेरा दगड़ा कैद होयां अरिस्तर्खुस भै कि तरफा बटि अर मरकुस भै कि तरफा बटि भि तुमतै सलाम, अर मरकुस रिश्ता मा बरनबास को भै लगदु। (अर मरकुस का बारा मा तुमतै इन बतये गै छौ, कि वेको स्वागत बड़ा अच्छे कर्यां)।

फिलेमोन 1:24

अर मेरा दगड़ा मा सेवा को काम करण वळा मरकुस भै अर वेका दगड़ा-दगड़ि अरिस्तर्खुस, देमास अर लूका भै भि त्वे खुणि सलाम बोन्‍ना छिन।

2 यूहन्ना 1:1

हे मेरी प्यारी बैंण, मि यूहन्‍ना जु की एक अध्यक्ष छौं, मि या चिठ्‍ठी त्वे खुणि अर तेरा बच्‍चों खुणि लिखणु छौ, तुम जु कि पिता परमेस्वर का द्‍वारा चुण्यां छा मि तुम से भौत प्यार करदु। अर केवल मि ही ना, बल्किन मा वु सब त्वेसे प्यार करदिन जु कि सच्‍चै तैं जणदिन।