1 पतरस 5:10 - Garhwali

¹⁰ इलै अब जु दुख-तकलीफ तुम कुछ देर खुणि सौणा छाँ, वे कष्‍ट बटि पिता परमेस्वर तुमतै भैर निकळळु, अर तुमरा बिस्वास की बुनियाद तैं और भि जादा मजबूत अर पक्‍कु करलु, किलैकि पिता परमेस्वर ही च, जु कि अपणी पूरि किरपा करदु अर वेन ही तुमतै यीशु मसीह का द्‍वारा मिलण वळा आदर-सम्मान मा अपणा पास बुलयूं च, जु कि सदनि को च।

गढवली नयो नियम

¹⁰ पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

1 पतरस 5:10 Referans Kwoze

2 कुरिन्थि 4:17

अर हमतै पूरु यकीन च कि जु आदर-सम्मान हमतै स्वर्ग मा मिलण वळु च वेन सदनि तक रौण। अर जु दुख-तकलीफ अभि हम ईं दुनियां मा झिलणा छां ऊ कुछ भि नि छिन।

2 थिस्सलुनीकी 3:3

पर परमेस्वर बिस्वास का काबिल च, इलै उ तुमतै बिस्वास मा मजबूत बणै के रखलु, अर दुष्‍ट शैतान बटि बचै के रखलु।

यहूदा 1:24

अर पिता परमेस्वर ही च, जु कि उतेडु़ लगण पर तुमरि हिफाजत कैरी सकदु, अर अपणा आदर-सम्मान मा तुमतै अपणा समणि बेदाग अर बड़ा आनन्द से खड़ु भि कैरी सकदु।

1 तीमुथियुस 6:12

अर बिस्वास का बाटा बटि भटकी नि जै, बल्किन मा कड़ी मेनत कैर। अर वे ही बिस्वास तैं तिन भौत सा लोगु का समणि कबूल कैरी छौ। अर कखि सदनि का जीवन तैं ख्वे नि दे, ज्यां खुणि परमेस्वर न त्वेतै बुलयूं च।

2 थिस्सलुनीकी 2:17

अर हम तुम खुणि प्रार्थना करद्‍यां, कि प्रभु यीशु मसीह अर पिता परमेस्वर तुमतै हिम्मत द्‍यो, ताकि तुम हमेसा अच्छु बोला और अच्छा काम कैरी सैका।

2 कुरिन्थि 13:11

हे मेरा भै-बैंणो, अब मि आखिरी मा तुमकु इन बोन्‍न चान्दु कि तुम खुश रा, अर अपणा-अपणा चाल-चलन मा हरेक दिन सुधार ला, अर जु-जु काम करणु कू मिन तुमकु बोलि ऊंतैं पूरु कैरा। अर एक-दुसरे की बात तैं स्वीकार कैरा अर एकजुट ह्‍वेके रा, अर एक-दुसरा का दगड़ा मा शान्ति से रा। अर पिता परमेस्वर तुमतै एक-दुसरा का दगड़ा प्यार करण मा, अर शान्ति से जीवन जीण मा पूरि मदद करलु।

1 कुरिन्थि 1:9

अर पिता परमेस्वर जरुर इन करलु, किलैकि उ भरोसा का लैख च। अर वेन ही तुमतै अपणा पुत्र प्रभु यीशु मसीह का दगड़ा मा रौणु खुणि बुलै।

रोमियों 16:25

हे मेरा प्यारा भै-बैंणो, अब हम यीशु मसीह का द्‍वारा पिता परमेस्वर की बडै हमेसा खुणि कैरा, जु कि सभ्यों मा एकमात्र समझदार च। पिता परमेस्वर तुमतै वे शुभ समाचार का मुताबिक जैको मि परचार करदु, यीशु मसीह का रैबार का द्‍वारा तुमतै बिस्वास मा और मजबूत करण की ताकत देन्दु। अर शुभ समाचार को यू राज सभ्यों खुणि खुल्यूं च, जैतैं एक लम्बा बगत तक छिपै के रखै गै छौ, अब उ उज्याळा मा ऐ गै। अर सदनि तक ज्यून्द रौण वळा पिता परमेस्वर की आज्ञा का द्‍वारा यू सब जाति का लोगु पर परगट ह्‍वे गै, ताकि वु लोग बिस्वास कैरा अर आज्ञा को पालन कैरा, अर यू सब कुछ उई च जु कि रैबर्यों न पवित्रशास्‍त्र मा बोलि छौ। अर हमरा पिता परमेस्वर की बडै सदनि तक होणी रौ। आमीन।

2 पतरस 1:3

हे मेरा दगड़्यों, पिता परमेस्वर न अपणी ताकत से हमतै उ सब कुछ दिनी, जु कि हमतै पवित्र जीवन जीणु खुणि जरुरी च। अर यू सब कुछ हमतै तब मिली जब हमुन यीशु मसीह तैं स्वीकार कैरी, जैन हमतै अपणा अदभुत आदर-सम्मान, अर अपणी महान अच्छे मा अपणा पास बुलै।

1 पतरस 1:15

इलै जन तुमतै बुलाण वळु परमेस्वर पवित्र च, ठिक उन्‍नि तुम भि पवित्र बणा।

फिलिप्पी 4:13

किलैकि जु मितैं ताकत देन्दु वेका द्‍वारा मि सब कुछ कैरी सकदु छौं।

2 तीमुथियुस 2:10

अर जौं लोगु तैं परमेस्वर न चुण्यूं च, ऊंतैं भि यीशु मसीह का द्‍वारा छुटकारा मिललु। अर जिं जगा मा परमेस्वर का दगड़ा सदनि को आदर-सम्मान मिलदु, वीं जगा पर वु लोग भि जीवन ज्याला। इलै मि ऊं खुणि यू दुख उठाणु छौं।

2 थिस्सलुनीकी 2:14

अर छुटकारा पौण का खातिर ही परमेस्वर न तुमतै बुलै ताकि जु आदर प्रभु यीशु मसीह तैं परमेस्वर न देई, वेका हकदार तुम भि ह्‍वे जा। अर ये शुभ समाचार का बारा मा हमुन ही तुमतै बतै, अर वे पर बिस्वास कैरिके तुम बचयै ग्यां।

लूका 22:32

पर मिन त्वे खुणि बिन्ती कैरियाली कि तेरु बिस्वास खतम नि हो, अर जब त्वेतै चेत आली, तब तू अपणा भैयों का बिस्वास तैं मजबूत करली।”

2 तीमुथियुस 1:9

अर परमेस्वर न हमतै इलै नि बचै, कि हमुन भौत अच्छा काम करिनी। पर वेन त हम पर अपणी दया कैरिके अपणी मनसा तैं पूरि करणु खुणि हमतै बुलै। किलैकि परमेस्वर न दुनियां की शुरुवात से ही पैलि अपणी दया यीशु मसीह का द्‍वारा हम पर दिखै, अर हमतै बचौण की योजना बणै। अर वेन हमतै इलै बचै, ताकि हम एक पवित्र जीवन जी सैका।

कुलुसी 2:7

अर एक डाळा का जन मसीह मा जड़ पकड़दी अर बढदी जा। अर जिं शिक्षा का बारा मा तुमतै सिखये गै, वेका मुताबिक बिस्वास मा मजबूत होन्दी जा। अर हरेक बात मा परमेस्वर को धन्यवाद देणा रा।

रोमियों 15:5

अर कै मनखि को सबर रखण अर वेतैं हौसला मिलण यू सब पिता परमेस्वर की तरफा बटि ही औन्दु। अर मि इन प्रार्थना करदु, कि तुम सभ्या का सभि यीशु मसीह का मुताबिक अपणा आपस मा एक मन ह्‍वेके रा, अर या ही वेकी इच्छा च।

1 यूहन्ना 2:25

अर जु करार वेन हमरा दगड़ा मा कर्युं च, उ करार सदनि को जीवन च।

इब्रानी 9:15

अर लोगु तैं पाप से छुड़ौण का खातिर यीशु मसीह मरे गै। अर ईं मौत का द्‍वारा वेन पुरणा करार तैं रद्‍द कैरी दिनी, ताकि उ अपणा चुण्यां लोगु तैं पिता परमेस्वर का द्‍वारा मिलण वळी सदनि की आसिसों तैं द्‍यो, अर वेका दगड़ा-दगड़ि एक नयू करार भि द्‍यो जु की सदनि को जीवन च।

रोमियों 15:13

अर मेरी प्रार्थना च कि परमेस्वर जु की आसा देण वळु च, तुमरा बिस्वास करण की वजै से तुमतै पूरि खुशी अर शान्ति से भरपूर कैरी द्‍यो, ताकि पवित्र आत्मा की ताकत से तुमरि आस वे पर बणि रौ।

रोमियों 9:11

मगर दुई जौंळ्या बच्‍चों तैं जनम देण से पैलि, पिता परमेस्वर न रिबका कू बोलि छौ कि, “बड़ु नौनु अपणा छुटा भै की सेवा करलु।” अर ना ही ऊं नौनो न कुई अच्छु या बुरु काम कैरी छौ। मगर पिता परमेस्वर न इन इलै बोलि, ताकि वेन जैतैं चुण्यूं च, वेका द्‍वारा पिता परमेस्वर की योजना बणि रौ। अर यू सब त इलै ह्‍वे, ताकि इन साबित ह्‍वे जौ कि कै मनखि को चुणै जाण परमेस्वर की मनसा का मुताबिक ही होन्दु। अर पिता परमेस्वर की योजना कै मनखि का काम का मुताबिक नि बणदी, बल्किन मा वेन वेतैं किलै बुलै वेका मुताबिक होन्दी।

1 पतरस 4:11

जैतैं उपदेस देण को बरदान मिल्यूं च, उ इन बोलो जन कि पिता परमेस्वर का शब्द हो। अर जैतैं सेवा करण को बरदान मिल्यूं च, वेतैं पिता परमेस्वर की दिईं ताकत से सेवा करण चयेणी, ताकि हरेक बात मा यीशु मसीह का द्‍वारा पिता परमेस्वर की बडै हो। हाँ, सब बातों मा पूरु आदर-सम्मान सदनि तक वेतैं ही मिलु। आमीन।

रोमियों 9:24

अब चै वु यहूदी छिन या वु लोग जु यहूदी जाति का नि छिन, पिता परमेस्वर न हम सब लोगु मा बटि अफ खुणि लोगु तैं चुणी के रखियालि।

1 कुरिन्थि 1:10

हे मेरा भै-बैंणो, अब मि तुम से प्रभु यीशु मसीह को नौ लेके बिन्ती करदु, कि तुम सब एकमत ह्‍वेके रा, अर तुमरा बीच मा फूट नि पोड़ो, बल्किन मा तुम सब एक मन ह्‍वेके रा, अर तुम सभ्यों को एक ही मकसद हो।

1 पतरस 4:10

अर पिता परमेस्वर की किरपा से जु-जु दान-बरदान तुमतै मिल्यां छिन, ऊं दान-बरदानों को इस्तेमाल एक-दुसरा की सेवा मा कैरा, अर एक अच्छु सेवक बणा।