1 पतरस 4:14 - Garhwali

¹⁴ अर अगर जु तुमतै यीशु मसीह का नौ का खातिर बदनाम किये जाणु च त तुम धन्य छाँ, किलैकि परमेस्वर को पवित्र आत्मा अर वेकी ताकत तुमरा दगड़ा मा च।

गढवली नयो नियम

¹⁴ फिर जु मसीह का नौं कु तुम्हरी निंदा किये जांद, त तुम धन्य छा; पिता परमेश्वर को महिमामय आत्मा तुम्हरा भितर रौंद।

1 पतरस 4:14 Referans Kwoze

1 पतरस 3:14

अर अगर जु तुम अच्छा काम करण का बदला मा दुख सौन्द्‍यां, त तुम धन्य छाँ। अर जु लोग तुमतै डऽरौन्दा या धमकौन्दा छिन ऊं से नि डऽरयां अर ना ही घबरयां।

लूका 6:22

धन्य छाँ तुम किलैकि जब मनखि का पुत्र का बाना लोग तुम बटि नफरत करला, अर अपणा बीच मा बटि तुमरो तिरिस्कार करला। इख तक की ऊ तुमतै बदनाम करला, अर तुमरो नौ खराब कैरिके तुमतै दूर करला।

याकूब 1:12

जु मनखि अजमैसों मा भि टिक्यूं रौन्दु उ धन्य च, किलैकि जब उ अजमैसों मा सफल ह्‍वे जान्दु, तब वेतैं जीवन को मुकुट मिललु। किलैकि जु मनखि परमेस्वर से प्यार करदु, वेतैं यू मुकुट देण को करार परमेस्वर न कर्युं च।

मत्ती 5:11

“अर धन्य छाँ तुम, किलैकि जब लोग मेरी वजै से तुमतै बदनाम करला, अर तुमतै सताला अर झूठ्‍ठ बोलि-बोलि के तुमरा खिलाप मा बन्‍नि-बन्‍नि किसम की बात बुलला,

1 पतरस 3:16

मगर ध्यान रखा, कि यों सब बातों को जबाब बड़ी इज्‍जत अर सीदु बणि के दियां, अर अपणा जमीर तैं शुद्ध रखा। अर इन तुम इलै कैरा, ताकि जु लोग तुमरा खिलाप मा जैके बुल्दिन जब वु सुणा, कि तुम यीशु मसीह का छाँ अर तुमरो चाल-चलन कन च त ऊंकी बेजती उबरि ह्‍वे जौ।

2 कुरिन्थि 12:10

इलै मि अपणी कमी-कमजोरी का बगत मा, बेजती होण का बगत मा, या सतयै जाण अर दुख-तकलीफ का हरेक बगत मा खुश रौन्दु। अर मेरा खुश होण की वजा या च कि जब-जब मि कमजोर होन्दु, त वे ही बगत मा पिता परमेस्वर की ताकत मेरा जीवन मा काम करदी अर मि और भि जादा मजबूत होन्दी जान्दु।

यूहन्ना 15:21

अर यू सब वु मेरा बानो तुमरा दगड़ा मा करला, किलैकि जै परमेस्वर न मितैं भेजि च, वेतैं वु लोग नि जणदिन।

याकूब 5:11

देखा, जु लोग दुख का बगत मा भि सबर रखदिन, ऊंकू हम धन्य बुल्द्‍यां। अर तुमुन अय्यूब का सबर रखण का बारा मा त सुणी ही च, अर आखिरी मा प्रभु न वेतैं क्या कुछ देई वेका बारा मा भि तुम जणदा ही छाँ। अर येसे तुमतै पता चलदु, कि प्रभु कथगा दया करण वळु अर कथगा मयळु च।

खास चेलों 13:45

मगर जब यहूदी जाति का लोगु न इथगा भीड़ देखि, त ऊंतैं देखि के यू लोग जलत्यौण लगि गैनी। अर पौलुस जु की परमेस्वर की बातों तैं बतौणु छौ वेका मा खिलाप अनाप-सनाप बुलण लगि गैनी।

1 पतरस 2:12

हे मेरा दगड़्यों, यीशु मसीह पर बिस्वास नि करण वळा लोगु का बीच मा तुमरो चाल-चलन भलु हो, ताकि जौं-जौं बातों मा वु तुमरा खिलाप मा जैके तुमरि बुरै करदिन, वु लोग ही तुमरा भला कामों तैं देखि के प्रभु का औणा वळा दिन पर परमेस्वर की बडै कैरा।

इब्रानी 11:26

किलैकि पितर मूसा न ईं बात तैं स्वीकार कैरियाली छौ, कि अगर जु मसीह का खातिर वेकी बेजती भि ह्‍वे जालि तभि भि वा बेजती मिस्र देस की धन-दौलत से भौत जादा बढी के च। अर इन किलैकि मूसा को ध्यान वे इनाम की तरफा छौ, जु कि आखिरी मा परमेस्वर वेतैं देण वळु छौ।

गलातियों 1:24

अर अब यहूदिया मुलक का ऊ बिस्वासी लोग मेरा खातिर पिता परमेस्वर की बडै करदिन।

यूहन्ना 9:34

फिर ऊंन वेकू झिड़की के बोलि, “तू त बिल्कुल पापों मा पैदा होयुं छैई, अर तू हमतै क्या सिखौणि छैई?” तब ऊंन वेतैं प्रार्थना भवन बटि बेदखल कैरी दिनी।

यूहन्ना 9:28

फिर ऊ वेकू ज्या कुछ बुलण लगि गैनी अर बोलि, “हम त मूसा का चेला छां, पर तू ही वेको चेला छैई।

यूहन्ना 8:48

तब यों बातों तैं सुणी के यहूदियों न यीशु कू बोलि, “क्या हम ठिक नि बुल्द्‍यां कि तू सामरी छैई, अर त्वे पर खबेस लग्यूं च?”

मत्ती 5:16

ठिक इन्‍नि तुमरो उज्याळु भि लोगु का समणि चमकण चयेणु, ताकि लोग तुमरा भला कामों तैं देखि के तुमरा पिता परमेस्वर की बडै कैरा, जु की स्वर्ग मा च।”

2 पतरस 2:2

अर इथगा ही ना बल्किन मा भौत सा बिस्वासी लोग त ऊं झूठ्‍ठा गुरु लोगु का पिछनै चलला। तब जु लोग सच्‍चै का बारा नि जणदिन ऊ लोग झूठ्‍ठा गुरु लोगु का चाल-चलन तैं देखि के सच्‍चै का बाटा का बारा मा बुरु बुलला।

खास चेलों 18:6

मगर जब उखा लोगु न वेको विरोध कैरी अर वे खुणि अनाप-सनाप बोलि, तब पौलुस न अपणा कपड़ों तैं झाड़ि के बोलि, “जु दण्ड तुमतै मिलण वळु च वांका जबाबदार तुम खुद ही छाँ, मि बेकसूर छौं। अर सुणा, अब बटि मि ऊं लोगु का बीच मा जौलु जु कि यहूदी जाति का नि छिन।”

खास चेलों 5:41

अर यीशु मसीह का खातिर दुख सौणु का लैख परमेस्वर न ऊंतैं समझि, इलै खास चेला न्याय समिति का लोगु का समणि बटि आनन्द मणौन्द-मणौन्द चलि गैनी।

खास चेलों 28:22

मगर तू क्या चाणि छैई वा बात हम त्वे बटि ही सुनण चन्द्‍यां, किलैकि हमतै पता च कि हरेक जगा का लोग ये मसीह का बाटा का खिलाप मा बात कना छिन।”

2 कुरिन्थि 4:10

अर हम जख भि जन्द्‍यां हमतै इन पता रौन्दु कि जन यीशु मसीह तैं मरे गै, ठिक उन्‍नि हमरि जान भि लिये जै सकदी च। मगर हम इन्द्रयो जीवन जीणु खुणि भि तयार छां, ताकि लोगु तैं इन पता चलि जौ कि यीशु मसीह उ च जु कि मनखियों तैं सच्‍चै का बाटा पर चलौन्दु।

2 कुरिन्थि 4:16

इलै ही हम भि अपणी हिम्मत तैं नि छुड़द्‍यां अर ना ही हमुन वचन सुनौण बन्द कैरी, अर भले ही हमरा सरील कमजोर छिन, पर फिर भि पिता परमेस्वर हमतै हरेक दिन हिम्मत देन्दु अर हमतै मजबूत कनु रौन्दु।

1 पतरस 4:16

पर अगर कुई मनखि यीशु मसीह पर बिस्वास करण की वजै से दुख उठौन्दु, त वे मनखि तैं खुद पर सरम नि औण चयेणी, बल्किन मा उ यीशु नौ की वजै से पिता परमेस्वर की बडै कैरो।