1 पतरस 2:6 - Garhwali

⁶ किलैकि वे ढुंगा बारा मा पवित्रशास्‍त्र मा कुछ इन लिख्यूं च कि परमेस्वर बुल्दु, “देखा मि सिय्योन मा एक चुण्यां कुणों का ढुंगा तैं रखणु छौं, जु की भौत कीमती च, अर जु कुई वे पर बिस्वास करलु, वेतैं कभि बेजती नि सौण पोड़लि।”

गढवली नयो नियम

⁶ यु उन ही च जन पिता परमेश्वर का वचन मा लिख्युं च, “देखा, मिल एक बहुमूल्य ढुंगो चुणि; जु सिय्योन शहर मा घौर तैं मजबूत बनांणु कु इस्तेमाल किये जंदींनि। जु कुई भि वे पर विश्वास करदो, उ लज्जित नि होलो।”

1 पतरस 2:6 Referans Kwoze

1 पतरस 2:4

अर प्रभु यीशु ज्यून्द ढुंगो च, जैतैं मनखियों न नकारी कैरी, मगर पिता परमेस्वर न वेतैं चुणी अर वे खुणि उ भौत जादा कीमती च। अर जब तुम वे ज्यून्दा ढुंगा का पास औन्द्‍यां,

इफिसुस 2:20

तुम लोग एक मन्दिर छाँ। अर जु लोग खास चेला अर परमेस्वर का रैबर्या छिन, वु वेकी बुनियाद छिन। अर ये मन्दिर का कुणों को ढुंगो खुद यीशु मसीह च।

मरकुस 12:10

तब यीशु न ऊंकू बोलि, ‘क्या तुम लोगु न पवित्रशास्‍त्र मा इन नि पैढी,’ “‘जै ढुंगा तैं मिस्‍त्रियों न फुंन ढोळि छौ, उई कुणों को खास ढुंगो बणि गै?

रोमियों 10:11

किलैकि यीशु का बारा मा पवित्रशास्‍त्र मा इन लिख्यूं च कि, “जु कुई वे पर बिस्वास करलु, उ कभि निरास नि होलु।”

2 तीमुथियुस 3:16

अर पवित्रशास्‍त्र की सब बात परमेस्वर न अपणा लोगु का द्‍वारा लिख्वे। इलै पवित्रशास्‍त्र लोगु तैं अच्छी शिक्षा देणु खुणि, अर ऊंका बुरा काम दिखाणु खुणि, जीवन मा सुधार करणु खुणि अर एक धरमी जीवन जीणु खुणि यू मददगार च।

यूहन्ना 7:38

अर जु मि पर बिस्वास करदिन, जन कि पवित्रशास्‍त्र मा लिख्यूं च, उन्‍नि ऊंका मनों बटि भि जीवन देण वळा पाणि का गाड-गदिना बुगण लगि जाला।”

लूका 23:35

अर लोग उखि खड़ा ह्‍वेके यू सब दिखणा छा। अर अधिकारी लोगु न भि वेको मजाक उड़ै के बोलि, “अरे, येन दुसरा लोगु तैं बचै, अगर जु यू परमेस्वर को चुण्यूं मसीह च त अब यू खुद तैं बचौ।”

मत्ती 12:18

“देखा, यू मेरु सेवक च जैतैं मिन चुणी, यू मेरु लाडलु च अर येसे मेरु मन भौत खुश च, अर मि येतैं अपणा पवित्र आत्मा का द्‍वारा ताकत द्‍यूलु, अर मि कनकै सब देसों का लोगु तैं धरमी बणौलु, वांको परचार वु लोगु का बीच मा करलु।

2 पतरस 3:16

जन कि वेन भि अपणी सब चिठ्‍ठी मा यों ही बातों का बारा मा लिख्यूं च, अर ऊं बातों मा बटि कुछ बातों तैं बिंगण बड़ु कठिन च। अर जौं लोगु तैं ज्ञान नि च, अर जु लोग चंचल छिन वु वेकी चिठ्‍ठी का शब्दों को मतलब तैं बिगाड़ि देन्दिन। अर जु बात पवित्रशास्‍त्र का दुसरा भागों मा भि लिखीं छिन, ऊं बातों का दगड़ा मा यू लोग इन्‍नि करदिन। अर इन कैरिके वु अपणा ही खुटों पर कुल्हड़े कि चोट मारी देन्दिन।

2 पतरस 1:20

अर सबसे पैलि बात या च, कि पवित्रशास्‍त्र कि हरेक भविष्यबाणी कै रैबर्या का अपणा ख्याल नि छिन।

इफिसुस 1:4

अर दुनियां का बणण से भि पैलि पिता परमेस्वर न अपणी योजना का मुताबिक हम से प्यार कैरी, अर हमतै मसीह खुणि चुणी दिनी, ताकि हम वेका दिखण मा पवित्र अर बेदाग ठैरि सैका।

लूका 20:17

तब यीशु न ऊंकी तरफा देखि के बोलि, “त फिर बता कि पवित्रशास्‍त्र मा इन किलै लिख्यूं कि, “‘जै ढुंगा तैं मिस्‍त्रियों न फुंन ढोळि छौ, उई कुणों को खास ढुंगो बणि गै।’

1 पतरस 2:8

अर ऊं लोगु खुणि इन भि लिख्यूं च कि, “यू ढुंगो ऊं खुणि उतेडु़ बणि गै, अर एक इन्द्रयो पौड़ जै बटि फिसली के वु लमडी गैनी।” किलैकि ऊ लोग परमेस्वर का वचन मा लिखीं बातों को पालन नि करदिन, इलै ऊंतैं उतेडु़ लगि। अर इन्द्रया लोगु खुणि पिता परमेस्वर न या ही योजना बणै के रखी च।