1 पतरस 2:23 - Garhwali

²³ वेन गळी का बदला मा कैतैं गळी नि देई, अर ना ही वेन दुख का बगत मा कैतैं धमकी देई, बल्किन मा वेन खुद तैं परमेस्वर का हाथों मा सौंपी दिनी, जु कि सच्‍चै से न्याय करदु।

गढवली नयो नियम

²³ जब लुखुं ल यीशु को अपमान कैरी, त यीशु ल पलटी के ऊंको अपमान नि कैरी। जब लुखुं ल वे तैं दुःख द्ये, त वेल बदला मा ऊं तैं चोट पौछांणै की कोशिश नि कैरी। बल्कि, यीशु ल अपड़ी मदद कु पिता परमेश्वर पर विश्वास कैरी। उ जंणदु छो कि पिता परमेश्वर हमेशा न्यायपूर्ण ढंग से लुखुं को न्याय करद।

1 पतरस 2:23 Referans Kwoze

1 पतरस 4:19

इलै जु लोग परमेस्वर की इच्छा का मुताबिक दुख उठाणा छिन, तुम भलै का काम कना रा, अर अपणा पराणों तैं वे भरोसामन्द पिता परमेस्वर का हाथों मा सौंपी द्‍या, जु कि दुनियां तैं बणौण वळु च।

इब्रानी 12:3

हाँ, वे ही यीशु मसीह पर अपणी नजर रखा जैन पापि लोगु की बुरी-बुरी बातों तैं सै, इलै तुम ईं बात पर विचार कैरा, ज्यां से तुम परमेस्वर पर बिस्वास करण मा कभि भि निरास नि ह्‍वा।

खास चेलों 4:29

अर प्रभु हम तुम बटि बिन्ती करद्‍यां कि, तुम ही ऊंकी यों धमकियों तैं सुणा, अर अपणा सेवकों की मदद कैरा, ताकि यू हिम्मतळ तुमरो वचन तैं सुणै सैका।

2 तीमुथियुस 4:8

अर अब जीत को इनाम मि खुणि रख्युं च, अर वु इनाम परमेस्वर की नजर मा धरमी जीवन जीण वळो तैं मिलदु, जु कि स्वर्ग मा च। अर जब हमरु धरमी प्रभु न्याय करणु खुणि आलु, त उ मितैं इनाम का तौर पर जीत को मुकुट द्‍यालु अर सिरफ मितैं ही ना, बल्किन मा ऊं लोगु तैं भि द्‍यालु जु वेका इंतजार बड़ी आस लगै के कना छिन।

2 तीमुथियुस 1:12

इलै मि दुख सौन्दु छौं, अर ईं बात मा मितैं कुई सरम नि औन्दी, किलैकि मिन यीशु पर बिस्वास कैरी अर वेका बारा मि जणदु छौं। अर मितैं पूरु यकीन च कि जु शुभ समाचार पिता परमेस्वर न मि मा सौंपी, वेतैं आखिरी का दिन तक समाळि के रखण मा उ ताकतबर च।

लूका 23:46

अर यीशु न ऊँची आवाज मा बोलि, “मेरा पिता, मि अपणी आत्मा तुमरा हाथ मा सौंपणु छौं।” अर इन बोलि के यीशु न पराण छोड़ दिनी।

दिब्य दरस 19:11

फिर मिन स्वर्ग तैं खुल्यूं देखि, अर एक सफेद घोड़ा छौ अर जु वेमा सवार च वेकू भरोसेमन्द अर सच्‍चु बुले जान्दु। अर वेको न्याय सच्‍चु च अर वेको युद्ध करण को तरीके सही च।

1 पतरस 3:9

बुरै का बदला मा बुरै नि कैरा अर ना ही गळी का बदला मा गळी द्‍या, मगर इन्द्रया लोगु तैं बदला मा आसीस ही द्‍या, किलैकि पिता परमेस्वर न तुमतै यां खुणि ही बुलयूं च, ताकि तुम आसीस का वारिस बणि जा।

2 थिस्सलुनीकी 1:5

अर मि तुमतै बतै देन्दु कि परमेस्वर का राज तैं पौण का खातिर जौं दुखों तैं तुम अभि झिलणा छाँ, ऊंका द्‍वारा परमेस्वर भि तुमतै अपणा लैख बणाणु च। अर यू देखि के लोग जाणि जाला कि परमेस्वर न्याय करण मा सच्‍चु च।

इफिसुस 6:9

अर हे मालिकों, अपणा-अपणा नौकरों को हक ऊंतैं द्‍या अर ऊंतैं डऽरै-धमकै के नि रखा, अर यू याद रखा कि स्वर्ग मा रौण वळु परमेस्वर तुम दुईयों को मालिक च, अर वु कै का दगड़ा मा भेदभाव नि करदु।

रोमियों 2:5

मगर तुम लोग त अपणा निठुर अर ढीट मन का कारण वेका खतरनाक दिन खुणि, याने कि जै दिन मा परमेस्वर को सच्‍चु न्याय परगट होलु, तुम वेका गुस्सा तैं अपणा खिलाप मा और भि जादा बढौणा छाँ।

खास चेलों 17:31

अर मि तुमतै बतै देन्दु, कि वेन एक दिन ठैर्युं च वे दिन उ पूरि दुनियां को न्याय धरमी रीति से करलु, अर न्याय करणु खुणि परमेस्वर न वे मनखि तैं चुण्यूं भि च, जु कि यीशु ही च। अर परमेस्वर न वेतैं मुरदो मा बटि ज्यून्दु कैरिके या बात साबित भि कैरियाली।”

खास चेलों 9:1

अर यरूशलेम नगर मा शाऊल नौ को उ ज्वान मनखि अभि तक यीशु पर बिस्वास करण वळो तैं धमकौणु ही छौ, अर ऊंतैं जान से मरणे की एक धुन वेमा ऐ गै छै।

लूका 23:9

अर हेरोदेस अन्तिपास वे बटि भौत सरी बात पूछण लगि गै, पर वेन कुई जबाब नि देई।

खास चेलों 7:59

जब ऊ लोग स्तिफनुस तैं ढुंग्योणा छा, त वेन प्रभु से प्रार्थना कैरी, “मेरा प्रभु यीशु, मेरी आत्मा तैं स्वीकार कैरा।”

लूका 23:41

अर हमुन जु काम करिनी वेका मुताबिक ठिक दण्ड पैके अब हम न्याय का मुताबिक ईं सजा तैं भुगतणा छां। पर येन त इन्द्रयो कुई भि बुरु काम नि कैरी छौ।”