1 पतरस 2:11 - Garhwali

¹¹ हे मेरा प्यारा भै-बैंणो, तुम लोग ईं दुनियां मा परदेसी अर मुसाफिर लोगु का जन छाँ, अर मि तुम से बिन्ती करदु कि तुम ईं दुनियां कि बुरी इच्छाओं से बचि के रा, अर यू वु इच्छा छिन जु कि तुमरा आत्मा का दगड़ा मा लड़ै कनि रौनदिन।

गढवली नयो नियम

¹¹ हे प्रियों मि तुम बट्टी बिनती कनु छो कि तुम ई दुनिया मा परदेसियों अर यात्रियों का जन रौंणा छा। मि तुम बट्टी बिनती कनु छो कि ऊं सैरी पापमय शारीरिक इच्छाओं बट्टी बचा किलैकि उ तुम्हरा अपड़ा आत्मा का विरुद्ध हमेशा लड़दी रौंद।

1 पतरस 2:11 Referans Kwoze

गलातियों 5:24

अर जौं लोगु न यीशु मसीह पर बिस्वास कैरी ऊंन अपणा सभौ अर अपणा सरील की इच्छाओं तैं यीशु मसीह का दगड़ा मा क्रूस पर चड़ैयालि।

1 पतरस 4:2

अर अब हम अपणा बच्यां जीवन तैं ईं दुनियां की इच्छा का मुताबिक ना, बल्किन मा परमेस्वर की मनसा का मुताबिक चला।

इब्रानी 11:13

अर पिता परमेस्वर न जु करार ऊंका दगड़ा मा कैरी वु ऊंका जीवन मा पूरु नि ह्‍वे, मगर एक बगत औण पर वु मोरि गैनी। फिर भि ऊंन बड़ी खुशी से इन स्वीकार कैरी कि, एक दिन वु करार जरुर पूरु होलु। अर ऊंन इन माणी कि हम लोग ईं दुनियां मा मुसाफिर छां, अर हमरु ठिकणा इख कुछ दिनों तक ही च।

रोमियों 8:13

किलैकि अगर जु तुम सरील की इच्छा का मुताबिक अपणा जीवन को गुजर-बसर करद्‍यां, त या बात पक्‍की च कि तुमरि आत्मिक मौत जरुर होण, पर अगर जु तुम पवित्र आत्मा का द्‍वारा सरील की इच्छा को नास करद्‍यां, त तुमतै सदनि को जीवन दिये जालु।

याकूब 4:1

हे मेरा भै-बैंणो, तुमरा बीच मा लड़ै-झगड़ा कख बटि औणा छिन? अरे, यू सब त ऊं बुरी इच्छाओं बटि औणा छिन, जु कि तुमरा सरील का अंगो मा लड़ै करदिन।

2 तीमुथियुस 2:22

हे तीमुथियुस, इलै तू ज्वानी की बुरी इच्छाओं बटि बचि के रौ, अर पिता परमेस्वर की नजर मा एक धरमी जीवन जीण सीख, अर भरोसा का काबिल बण, अर एक-दुसरा का दगड़ा मा मेल-जोल अर प्यार से रौ। अर ऊं लोगु का दगड़ा मा रौ जु साफ मन से प्रभु को नौ लिनदिन, अर वे पर बिस्वास करदिन।

2 कुरिन्थि 7:1

हे मेरा प्यारा भै-बैंणो, जब हमरा पास पिता परमेस्वर का यू करार छिन, इलै हमतै अपणु जीवन पवित्र बणै के रखण चयेणु, अर हम इन्द्रयो कुछ भि नि कैरा ज्यां से कि वेतैं घिण औन्दी। अर हमतै परमेस्वर पर अपणी पूरि सरदा रखी के एक पवित्र जीवन जीण की पूरि कोसिस करण चयेणी।

रोमियों 12:1

इलै हे मेरा प्यारा भै-बैंणो, जब बटि पिता परमेस्वर न अपणी बड़ी दया तुम पर कैरी, अर मि तुम से बिन्ती करदु, कि तुम सभ्या का सभि भलै का कामों खुणि अपणा-अपणा जीवनों तैं एक बलिदान का रुप मा वे खुणि चड़ै द्‍या, अर वेकी महान सेवा खुणि खुद तैं दे द्‍या। अर या ही बात तुम खुणि सच्‍चि पूजा का जन च ज्वा की तुमतै करण चयेणी।

इफिसुस 4:1

इलै मि जु कि प्रभु यीशु को चेला होण का नाता कैद मा छौं, तुम बटि बिन्ती करदु कि तुमरो चाल-चलन वीं इच्छा का मुताबिक हो ज्यां खुणि पिता परमेस्वर न तुमतै बुलै।

रोमियों 7:23

मगर मि इन दिखदु कि पाप जैन मेरा मन मा अपणु घौर बणैयालि उ मेरा दगड़ा मा लड़ै करदु, अर इन कैरिके उ मितैं अपणा वश मा करदु।

खास चेलों 15:29

बस तुम लोग इन कैरा कि, मूरत का अगनै चड़ये जाण वळी चीजों से, ल्वे खाण-पीण से, अर गौळा दबै के मुरयां जानबरों की सिकार से, अर दुसरा का दगड़ा मा गळत सम्बन्ध बणौण से, इन्दरि सब बातों से तुम दूर रा, अर जब तुम यों सब बातों से दूर रैल्या, त तुमरो भलु ही होलु। “‘अच्छा त फिर सलाम, प्रभु तुमतै आसीस द्‍यो।’”

लूका 21:34

इलै चौकस रा, कखि तुम भि दुनियां का भोग-बिलास मा, दरोळया होण मा, अर जीवन की चिन्ता-फिकर कैरिके अपणा मन तैं यों बातों का भार से दबै नि द्‍या। अर वु दिन एक जाल की तरौं तुम पर अचानक से ऐ जालु।

1 पतरस 1:17

अर पिता परमेस्वर सब लोगु को न्याय बिना पक्षपात को करदु, इलै अगर जु तुम वेतैं पिता बोलि के प्रार्थना करद्‍यां, त हे मेरा भै-बैंणो, ईं बात तैं जाणि जा, कि जब तक तुम ईं धरती पर परदेसी लोगु की तरौं जीवन जीणा छाँ, तब तक वे परमेस्वर पर अपणी पूरि सरदा रखी के जीवन ज्या।

2 कुरिन्थि 6:1

इलै हे मेरा दगड़्यों, हम लोग परमेस्वर का दगड़ा मा मिली के काम करद्‍यां। अर मि तुमतै समझै देन्दु कि परमेस्वर की महान किरपा तैं पौण का बाद अब वेकी किरपा तैं बेकार नि जाण द्‍या,

2 कुरिन्थि 5:20

अर ईं बात की वजै से ही मि अर मेरा दगड़्या यीशु मसीह का राज्य को परचार करद्‍यां। अर जब हम लोगु तैं बतौन्द्‍यां, त यां को मतलब यू च कि पिता परमेस्वर खुद तुमतै अपणा पास बुलाणु च। इलै हे मेरा भै-बैंणो, यीशु मसीह का होण का नाता हम तुम से बिन्ती करद्‍यां, कि तुमरो रिश्ता पिता परमेस्वर का दगड़ा मा ठिक ह्‍वे जौ, इलै वेका पास औणु खुणि वेका पास वचन तैं स्वीकार कैरा।

खास चेलों 15:20

बल्किन अब इन कैरा कि ऊं लोगु खुणि एक चिठ्‍ठी लिखा। अर ऊं लोगु तैं वु खाणु कू मना कैरा जु मूरत का अगनै चड़ये जान्दु, अर ऊंतैं गळत सम्बन्ध बणौण से भि दूर रौण कू लिखा। अर इन भि लिखा कि तुम लोग गौळा दबै के मुरयां जानबरों की सिकार नि खयां, अर ना ही कै जानबर को ल्वे खयां-पीयां।

1 पतरस 1:1

हे मेरा भै-बैंणो, मि पतरस जु की यीशु मसीह को खास चेला छौं मि या चिठ्‍ठी, ऊं सभि बिस्वासी लोगु खुणि लिखणु छौं, जु की अपणा घौर से दूर पुन्तुस, गलाति, अर कप्पदूकिया, आसिया अर बितूनिया का मुलकों मा तितर-बितर ह्‍वेके रौणा छिन।

इफिसुस 2:19

इलै अब तुम परदेसी अर मुसाफिर लोग नि छाँ, पर पिता परमेस्वर का चुण्यां पवित्र लोगु का दगड़ा मा हिस्सेदार अर परमेस्वर का घौर का सदस्य छाँ।

इब्रानी 6:9

अर मि तुम से प्यार करदु इलै मि कड़क ह्‍वेके तुमरा दगड़ा मा बात कनु छौं, अर मितैं पूरु यकीन च कि तुम इन्द्रया नि छां, किलैकि तुम लोग ऊं बातों को पालन करद्‍यां जौं की वजै से बचयै जान्दु।

1 पतरस 4:12

हे मेरा प्यारा भै-बैंणो, तुमरि अजमैस आग का द्‍वारा तुमतै परखणु खुणि किये जाणि च, पर मि तुमतै बतै देन्दु कि तुम ईं बात पर ताजुब नि कैरा,

2 पतरस 3:1

हे मेरा प्यारा भै-बैंणो, मि तुम खुणि या दुसरि चिठ्‍ठी लिखणु छौं। अर जन मिन अपणी पैलि चिठ्‍ठी मा लिखी छौ, ठिक उन्‍नि ईं चिठ्‍ठी मा भि कुछ बातों तैं लिखी के मि तुमरि सोच तैं साफ रखण चान्दु। अर तुमतै काबिल बणाण चाणु छौं,