1 पतरस 1:25 - Garhwali

²⁵ मगर प्रभु को वचन हमेसा तक बणयूं रौन्दु।” अर यू शुभ समाचार यीशु मसीह को वु वचन च जु तुमतै सुणये गै।

गढवली नयो नियम

²⁵ पर पिता परमेश्वर को वचन हमेशा बणयूँ रालो। यु वचन मसीह का बारा मा शुभ सन्देश प्रचार च जु तुम्हरा बीच प्रचार किये गै।

1 पतरस 1:25 Referans Kwoze

मत्ती 5:18

अर मि तुम बटि सच्‍चि बोन्‍नु छौं कि जब तक या धरती अर आसमान च, तब तक परमेस्वर का नियम-कानूनों न खतम नि होण, अर वेमा लिखीं हरेक छुटी से छुटी बात भि पक्‍की तरौं से पूरि होलि।

1 यूहन्ना 1:1

हे मेरा भै-बैंणो, हम ईं चिठ्‍ठी मा तुम खुणि वे जीवन का वचन का बारा मा लिखणा छां, जु कि दुनियां की शुरुवात बटि छौ। अर हमुन वेतैं देखि, बल्किन मा बड़ा ध्यान से देखि अर वेकी बातों तैं सुणी, अर अपणा हाथोंळ हमुन वेतैं छ्वी भि च। अर हम तुमतै वे वचन का बारा मा बतौणा छां जु कि जीवन देण वळु च।

2 पतरस 1:19

अर इन कैरिके भविष्यबाणी का जु वचन हमरा पास छिन, ऊं पर भि छाप लगये गै। अर तुम ऊं वचनों पर अपणु मन लगै के अच्छु काम कना छाँ, किलैकि जब तक सुबेर नि होन्दी, तब तक सूरज नि निकळदु, अर यू वचन वे जळ्दा द्‍यू का जन च जु अन्धेरा मा चमकदु, याने कि जु आज तुमरा दिलों मा चमकणु च।

लूका 16:17

धरती अर आसमान को नास होण आसान च, मगर नियम-कानूनों मा लिखीं छुटी से छुटी बात भि बदलै नि जै सकदी।

इफिसुस 2:17

अर वेन ऐके दुई दल का लोगु तैं शुभ समाचार सुणै। हे मेरा दगड़्यों, हम जु यहूदी जाति का छां, अर वेका नजदीक छां वेन यू शुभ समाचार हमतै सुणै। अर ठिक उन्‍नि तुमतै भि जु की यहूदी जाति का नि छाँ, अर वेसे दूर छाँ वेन तुमतै भि यू शुभ समाचार सुणै।

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

यूहन्ना 1:1

शुरुवात मा वचन छौ। अर उई वचन परमेस्वर का दगड़ा मा छौ। अर उई वचन परमेस्वर छौ।

1 यूहन्ना 1:3

अर जैका बारा मा हम तुमतै बतौणा छां उ यीशु मसीह च जैतैं हमुन देखि अर सुणी च, ताकि तुम लोग भि हमरा दगड़ा मा साझेदार बणि जा। अर हमरि या साझेदारी पिता परमेस्वर का दगड़ा मा अर वेका पुत्र प्रभु यीशु मसीह का दगड़ा मा च।

1 पतरस 2:2

अर अब तुम जाणि ग्यां कि पिता परमेस्वर भलु च, इलै जन पैदा होयुं एक बच्‍चा तैं दूद पीण की इच्छा होन्दी, ठिक उन्‍नि तुम लोगु तैं भि पिता परमेस्वर का वचन तैं हरेक दिन स्वीकार करण की इच्छा रखण चयेणी, ताकि तुम लोग बचि जा अर वेमा बढदी जा।

1 पतरस 1:23

किलैकि तुमतै एक नयू जीवन दिये गै, जु कि वे बीज का जन च जु कि कभि खतम नि ह्‍वे सकदु, बल्किन मा यू त पिता परमेस्वर का वचन द्‍वारा दियूं च, जु कि ज्यून्द अर सदनि तक रौण वळु च।

1 पतरस 1:12

अर ऊं लोगु पर इन परगट किये गै, कि सेवा की जौं बातों का बारा मा बतये जाणु च वु ऊं खुणि ना, बल्किन मा औण वळी पीढ़ी का लोगु खुणि छिन, याने कि हम लोगु खुणि। अर जु कुछ भि ऊंन पवित्र आत्मा का द्‍वारा पै, उ शुभ समाचार ऊंन हमतै सुणै, अर यों ही बातों तैं स्वर्गदूत बड़ी इच्छा रखी के दिखण चाणा छिन।

तीतुस 1:3

अर ठिक बगत पर परमेस्वर न अपणु शुभ समाचार परगट कैरी, अर यू शुभ समाचार हमतै बचौण वळा परमेस्वर का द्‍वारा परचार करणु खुणि मि मा सौंपे गै।

इफिसुस 3:8

अर पिता परमेस्वर का सब पवित्र लोगु मा बटि मि सबसे छुटा छौं, मगर फिर भि वेन मि पर अपणी किरपा कैरिके मितैं यू दान दिनी, कि जु लोग यहूदी जाति का नि छिन मि ऊंका बीच मा जैके यीशु मसीह का द्‍वारा मिलण वळी बेशुमार आसिसों को बखान कैरी सैकु।

1 कुरिन्थि 2:2

किलैकि जब मि तुमरा दगड़ा मा छौ, त मिन इन ठाणियालि छौ कि यीशु मसीह अर वेको क्रूस पर चड़ये जाण तैं छोड़ि के, और कैं दुसरि बात मा तुमरो ध्यान तैं नि जाण द्‍यूं।

दिब्य दरस 14:6

फिर मिन एक और स्वर्गदूत तैं देखि जु की आसमान मा उड़णु छौ, अर वेका पास सदनि तक रौण वळु शुभ समाचार छौ, ताकि धरती पर रौण वळा सब देसों, गोत्रों अर हरेक भाषा अर जाति-जाति का लोग तैं यू शुभ समाचार सुणये जौ।