1 पतरस 1:20 - Garhwali

²⁰ अर दुनियां का बणण से पैलि ही पिता परमेस्वर न यीशु मसीह तैं चुण्यालि छौ, ताकि उ दुनियां का लोगु तैं ऊंका पापों से माफी द्‍यो। अर पिता परमेस्वर न यीशु मसीह तैं ये जमना का आखिरी का दिनों मा ईं धरती पर परगट कैरी।

गढवली नयो नियम

²⁰ ईं दुनिया का बणये जांण से पैली, पिता परमेश्वर ल पैली यु निर्धारित कैरेले छो कि यीशु मसीह छुड़ौण वलो होलो। पर उ तुम्हरी मदद कनु कु यूं अंतिम दिनों मा ईं दुनिया मा प्रगट हवे।

1 पतरस 1:20 Referans Kwoze

इफिसुस 1:4

अर दुनियां का बणण से भि पैलि पिता परमेस्वर न अपणी योजना का मुताबिक हम से प्यार कैरी, अर हमतै मसीह खुणि चुणी दिनी, ताकि हम वेका दिखण मा पवित्र अर बेदाग ठैरि सैका।

इब्रानी 9:26

अर अगर ज्वा इन बात ही रौन्दी, त यीशु तैं दुनियां की शुरुवात से अभि तक बार-बार दुख उठौण पोड़दु, मगर वेन खुद तैं आखिरी का दिनों मा एक ही बार सदनि खुणि परगट कैरियाली, ताकि अपणा बलिदान का द्‍वारा उ पाप तैं मिटै सैको।

दिब्य दरस 13:8

अर धरती पर रौण वळा सब लोग वे दैंत पूजा करला, मगर जौं लोगु का नौ दुनियां की शुरुवात से पैलि जीवन की किताब मा लिख्यां छिन वु लोग वे दैंत की पूजा नि करला। अर या किताब बलिदान होयां मेम्‍ने की च जु कि यीशु मसीह च।

इब्रानी 1:2

मगर आखिरी का यों दिनों मा पिता परमेस्वर न अपणा पुत्र यीशु का द्‍वारा हम से बात कैरी। अर पिता परमेस्वर न वेतैं सब चीजों को वारिस बणै अर वेका द्‍वारा ही पूरि दुनियां तैं बणै।

कुलुसी 1:26

अर यू उ राज छौ जु कि युग-युग अर पीढ़ी-पीढ़ी बटि छिप्यूं छौ, मगर अब वे राज तैं परमेस्वर न अपणा पवित्र लोगु पर परगट कैरियाली।

इफिसुस 3:11

अर या योजना पिता परमेस्वर न दुनियां की शुरुवात से पैलि बणैयालि छै, जींतैं वेन हमरा यीशु मसीह का द्‍वारा पूरु कैरी।

इफिसुस 3:9

अर पिता परमेस्वर जैन सब चीजों तैं बणै, अर वेमा ही यू सब बात पैलि छिपी छिन वे ही परमेस्वर न मितैं यू काम सौंपी, कि मि सब लोगु तैं वीं महान योजना का बारा मा बतौ।

गलातियों 4:4

पर जब परमेस्वर को ठैर्युं बगत ऐ, त वेन अपणा पुत्र यीशु मसीह तैं ईं दुनियां मा भेजि, अर वेको जनम एक मनखि का रुप मा एक जनानि बटि ह्‍वे। अर वेको ईं दुनियां मा औण यहूदी नियम-कानूनों का अधीन मा ह्‍वे।

1 यूहन्ना 1:2

हाँ, उई च जु कि ईं दुनियां मा परगट ह्‍वे, अर हमुन वेतैं देखि, अर हम वेका बारा मा गवै देन्द्‍यां। अर हम तुमतै सदनि का जीवन का बारा मा बतौणा छां जु कि पैलि पिता परमेस्वर का पास छौ, अर अब हम पर परगट किये गै।

इफिसुस 1:10

अर जब ईं योजना तैं पूरु करण को बगत आलु, तब पिता परमेस्वर स्वर्ग अर धरती की सब चीजों तैं यीशु मसीह का सुपुर्द कैरी द्‍यालु, अर फिर यीशु सब चीजों को मुखिया होलु।

रोमियों 3:25

अर या पिता परमेस्वर की योजना छै, ज्वा कि वेन मनखि का समणि रखी कि लोग अपणा-अपणा पापों से पस्ताप कैरा। इलै वेन यीशु मसीह तैं ईं दुनियां मा भेजि अर वेको ल्वे क्रूस पर बुगये गै, ताकि जु कुई वे पर बिस्वास कैरो, पिता परमेस्वर वेका पापों अर वे पर लग्यां इळजामो तैं माफ कैरी सैको। अर पुरणा जमना मा वेन लोगु का पापों का हिसाब से ऊंतैं जादा दण्ड नि दिनी अर इन वेन इलै कैरी, किलैकि उ धरमी अर सबर रखण वळु च।

1 यूहन्ना 3:8

पर जु मनखि पाप कनु रौन्दु, उ शैतान की औलाद च, किलैकि शैतान शुरु बटि ही पाप करदी औणु च। अर परमेस्वर को पुत्र इलै परगट ह्‍वे, ताकि उ शैतान का कामों तैं नास कैरी द्‍यो।

1 यूहन्ना 3:5

अर तुम जणदा ही छाँ, कि यीशु मसीह हमरा पापों तैं मिटौणु खुणि ही ईं दुनियां मा ऐ, अर वेका सभौ मा कुई भि पाप नि च।

मत्ती 25:34

तब राजा अपणा दैंणी तरफा वळो कू बोललु, ‘मेरा पिता बटि आसीस पौण वळो, आ, अर वे राज्य का अधिकारी ह्‍वे जा, जु दुनियां की शुरुवात बटि तुम खुणि तयार कैरिके रख्युं च।

खास चेलों 2:23

अर पिता परमेस्वर न पैलि बटि बणईं योजना का मुताबिक वे यीशु तैं तुमरा हाथों मा सौंप दिनी, अर वेका बारा मा उ पैलि बटि जणदु छौ, अर ये ही यीशु तैं तुम लोगु न अधरमी लोगु का हवाला कैरिके वेतैं क्रूस पर चड़वै दिनी।

रोमियों 8:29

किलैकि पिता परमेस्वर जौं लोगु तैं दुनियां की शुरुवात से भि पैलि बटि जणदु, ऊं खुणि वेन इन योजना बणै कि वु सब लोग वेका पुत्र यीशु मसीह का जन ह्‍वे जा, ताकि उ सब लोगु मा सबसे पैलु बणि जौ, अर वेका बाद सब वेका भै-बैंणा ह्‍वे जा।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

इब्रानी 2:14

अर लोग अभि भि बच्‍चों का जन छिन, इलै यीशु मसीह ईं दुनियां मा सरील को रुप लेके ऐ। अर इन इलै ह्‍वे, ताकि वेकी मौत का द्‍वारा यीशु मसीह शैतान को नास कैरी सैको जैका पास मौत तैं लेके औण की ताकत च।

1 पतरस 1:2

पिता परमेस्वर न तुमतै अपणी पैलि बटि बणईं योजना का मुताबिक अपणी औलाद होणु खुणि चुण्यालि छौ। अर वेन अपणु पवित्र आत्मा तुमतै देई, ताकि तुम लोग यीशु मसीह की आज्ञा को पालन कैरी सैका, अर क्रूस पर यीशु मसीह की मौत का बगत जु ल्वे बोगि, वेका द्‍वारा ही वेन तुमतै शुद्ध कैरी। अर मि तुम सभ्यों खुणि इन प्रार्थना करदु, कि वेकी किरपा अर शान्ति तुमतै भरपूरी से मिलदी रौ। आमीन।