1 यूहन्ना 5:10 - Garhwali

¹⁰ अर जु मनखि परमेस्वर का पुत्र यीशु पर बिस्वास करदु, वेन अपणा दिल मा वीं गवै तैं स्वीकार कैरियाली। अर जु मनखि परमेस्वर पर बिस्वास नि करदु वेन वेतैं झूठ्‍ठु ठैरैयालि, किलैकि वेन परमेस्वर की वीं गवै पर बिस्वास नि कैरी ज्वा वेन अपणा पुत्र का बारा मा दे छै।

गढवली नयो नियम

¹⁰ जु पिता परमेश्वर का नौंना यीशु मसीह पर विश्वास करदो, उ अपड़ा मन मा ईं गव्है तैं रखदो; जैल पिता परमेश्वर पर विश्वास नि कैरी, वेल पिता परमेश्वर तैं झूठो ठैरे; किलैकि वेल वीं गव्है पर विश्वास नि कैरी, जु पिता परमेश्वर ल अपड़ा नौंना यीशु मसीह का बारा मा दये।

1 यूहन्ना 5:10 Referans Kwoze

रोमियों 8:16

अर तब पवित्र आत्मा हमरि आत्मा का दगड़ा मा मिली के इन गवै देन्दी, कि हम परमेस्वर की औलाद छां।

गलातियों 4:6

अर इन साबित करणु खुणि परमेस्वर न अपणा पुत्र की पवित्र आत्मा हमरा मनों मा भेजि, ताकि इन पता चलि जौ कि हम वेकी औलाद छां। अर आज हम पवित्र आत्मा की मदद से प्रार्थना मा पिता परमेस्वर कू “हे मेरा अब्बा, मेरा पिता” बोलि सकद्‍यां।

यूहन्ना 3:33

अर जैन भि वेकी गवै तैं स्वीकार कैरी, वेन छाप लगै के इन परमाण दियाली की परमेस्वर सच्‍चु च।

यूहन्ना 5:38

अर वेका वचनों मा तुम टिक्यूं नि रौन्द्‍यां, किलैकि जैतैं वेन भेज्यूं च तुम वे पर बिस्वास नि करद्‍यां।

इब्रानी 3:12

इलै हे मेरा प्यारा भै-बैंणो, चौकस रा कखि तुमरो मन बुरु अर बिस्वास करण मा कमजोर नि ह्‍वे जौ, किलैकि इन होण पर लोग ज्यून्दा परमेस्वर का पिछनै चलण छोड़ि देन्दिन।

1 यूहन्ना 5:1

हे मेरा दगड़्यों, जु मनखि इन बिस्वास करदु कि यीशु ही मसीह च, वेको जनम परमेस्वर की तरफा बटि ह्‍वे, अर जु मनखि जीवन देण वळा तैं प्यार करदु, त उ वेका पुत्र से भि प्यार करदु।

1 यूहन्ना 1:10

अर अगर जु हम बुल्द्‍यां कि हमुन पाप नि कैरी, त हमुन परमेस्वर तैं झूठ्‍ठु साबित कैरियाली, इन कैरिके हमुन वेका वचन तैं अपणा मन मा जगा नि दिनी।

दिब्य दरस 2:17

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु, जु जीत हासिल करलु, वेतैं मि वु खाणुक द्‍यूलु जु कि सदनि को जीवन देन्दु, अर एक सफेद ढुंगो भि द्‍यूलु जै पर एक नयू नौ लिख्यूं होलु, अर वेका अलावा वे नौ का बारा मा कैतैं भि पता नि होलु।”

कुलुसी 3:3

किलैकि अब तुमरो पापि सभौ खतम ह्‍वे गै। अर अब तुमरो जीवन मसीह का द्‍वारा पिता परमेस्वर मा हिफाजत से रख्युं च, अर ये जीवन तैं लोग देखि नि सकदिन।

दिब्य दरस 12:17

तब खुंखार रागस तैं वीं जनानि पर बड़ु गुस्सा ऐ। अर उ वेका वंश का लोगु का दगड़ा मा युद्ध करणु खुणि निकळि गै, किलैकि ऊ लोग परमेस्वर की आज्ञाओं को पालन करदिन अर यीशु की गवै सुनौण को काम करदिन।

दिब्य दरस 2:28

अर सासन करण को यू अधिकार मितैं पिता परमेस्वर न दियूं च, ठिक उन्‍नि मि ऊं लोगु तैं सासन करण को अधिकार द्‍यूलु। अर मि वेतैं ध्रुव गैंणो भि द्‍यूलु।

2 पतरस 1:19

अर इन कैरिके भविष्यबाणी का जु वचन हमरा पास छिन, ऊं पर भि छाप लगये गै। अर तुम ऊं वचनों पर अपणु मन लगै के अच्छु काम कना छाँ, किलैकि जब तक सुबेर नि होन्दी, तब तक सूरज नि निकळदु, अर यू वचन वे जळ्दा द्‍यू का जन च जु अन्धेरा मा चमकदु, याने कि जु आज तुमरा दिलों मा चमकणु च।

यूहन्ना 3:16

किलैकि परमेस्वर न दुनियां बटि इथगा प्यार कैरी, कि वेन अपणु इकलौतु पुत्र दे दिनी ताकि जु कुई वे पर बिस्वास कैरो, उ नास ना हो बल्किन मा सदनि को जीवन पौ।

यूहन्ना 3:18

“अर जु कुई भि वे पुत्र पर बिस्वास करदु, उ दोषी नि ठैरैये जालु, पर जु बिस्वास नि करदु, उ दोषी ठैरैये गै। किलैकि वेन परमेस्वर का इकलौता पुत्र पर बिस्वास नि कैरी।

गलातियों 4:1

पर मि तुमतै बतै देन्दु कि बच्‍चा जबरि तक वारिस होण को अधिकार नि पै ल्यो, तबरि तक उ बच्‍चा ही च अर जन गुलाम अपणा मालिक का अधीन रौन्दु ठिक उन्‍नि वु बच्‍चा भि अपणा लोगु का अधीन मा रौन्दु, हालांकि वु बच्‍चा सब चीजों को मालिक च।

खास चेलों 8:37

[अर फिलिप्पुस न वेतैं पूछी, “अगर तुम पूरा मनळ बिस्वास करद्‍यां, त तुम बपतिस्मा ले सकद्‍यां।” अर वेन जबाब दिनी, “हाँ, मि बिस्वास करदु छौं, कि यीशु मसीह ही परमेस्वर को पुत्र च।”]