1 यूहन्ना 4:7 - Garhwali

⁷ हे मेरा प्यारा भै-बैंणो हम सभ्यों तैं एक-दुसरा बटि प्यार करण चयेणु, किलैकि प्यार परमेस्वर की तरफा बटि च। अर हरेक उ मनखि जु एक-दुसरा बटि प्यार करदु, उ परमेस्वर की औलाद च, अर पिता परमेस्वर तैं जणदु च।

गढवली नयो नियम

⁷ हे प्रियों, हम आपस मा प्रेम रखा; किलैकि प्रेम पिता परमेश्वर की तरपां बट्टी च अर जु कुई दूसरों बट्टी प्रेम करदो, उ पिता परमेश्वर की सन्तान च अर पिता परमेश्वर तैं जंणदु च।

1 यूहन्ना 4:7 Referans Kwoze

1 यूहन्ना 4:20

अर अगर कुई इन बुल्दु कि, “मि परमेस्वर से प्यार करदु,” मगर दुसरा लोगु से उ नफरत करदु हो, त ईं बात तैं जाणि ल्या कि इन्द्रयो मनखि झूठ्‍ठों च। किलैकि जौं लोगु तैं वेन अपणा समणि देखि, ऊं से उ प्यार नि कैरी सकणु च। अर जै परमेस्वर तैं वेन कभि नि देखि, त वेसे उ कनकै प्यार कैरी सकलु।

1 यूहन्ना 4:8

पर जु मनखि एक-दुसरा तैं प्यार नि करदु, उ पिता परमेस्वर तैं नि जणदु किलैकि परमेस्वर प्यार च।

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

1 यूहन्ना 2:10

मगर जु मनखि सब लोगु से प्यार करदु हो, वेका जीवन मा उज्याळु च अर इन्द्रयो मनखि दुसरा लोगु खुणि पाप करण की वजा नि बणदु।

गलातियों 5:22

पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,

2 तीमुथियुस 1:7

किलैकि परमेस्वर न हमतै डौऽर की आत्मा नि दिनी, मगर सामर्थ अर एक-दुसरा बटि प्यार करण वळी अर अपणा जीवन तैं वश मा रखण वळी आत्मा दिईं च।

1 यूहन्ना 4:12

अर कैन भि परमेस्वर तैं कभि नि देखि, पर अगर जु हम एक-दुसरा से प्यार करद्‍यां, त पिता परमेस्वर हम मा वास करदु, अर वेको प्यार हम मा सिद्ध ह्‍वे जान्दु।

1 यूहन्ना 2:29

किलैकि हम सभ्या का सभि जणदा छां, कि यीशु मसीह उई करदु जु पिता परमेस्वर की नजर मा सही च। अर हम यू भि जणद्‍यां, कि जथगा भि लोग वेकी नजर मा धरमी छिन ऊ सब पिता परमेस्वर की औलाद छिन।

यूहन्ना 17:3

अर वु सदनि को जीवन यू च, कि तुम ही एकमात्र सच्‍चा परमेस्वर छाँ, अर तुमतै ऊ सभि पछ्याणी जा अर इन भि जाणि जा, कि मि यीशु मसीह तैं तुमुन ही भेजि।

2 कुरिन्थि 4:6

इलै पिता परमेस्वर ही च जैन इन बोलि कि, “ये अन्धेरा मा उज्याळु हो।” अर उई च जैन हमरा अन्धेरा मनों मा जीवन को उज्याळा तैं चमकै, ताकि जु लोग अन्धेरा मा छिन हम ऊंतैं वे जीवन का उज्याळा का बारा मा बतै सैका। अर परमेस्वर का ज्ञान को यू उज्याळु यीशु मसीह का द्‍वारा चमकदु।

गलातियों 4:9

पर अब जु तुमुन परमेस्वर तैं पछ्याणयालि, या हम इन बोलि सकद्‍यां कि तुम भि परमेस्वर का नौ से जणे जाणा छाँ, त फिर तुम किलै दुनियां की नास होण वळी ऊं बातों का जनै लौटण छाँ जु तुमतै बचै नि सकदिन? अर तुम फिर से किलै गुलामी का सेवक होण चन्द्‍यां? मेरा दगड़्यों, तुम बेकार की बातों पर अपणु मन किलै लगौन्द्‍यां?

यूहन्ना 13:34

इलै अब मि तुमतै एक नई आज्ञा देन्दु छौं, कि तुम एक-दुसरा बटि प्यार कैरा। अर जन मिन तुम बटि प्यार कैरी, उन्‍नि तुम भि एक-दुसरा बटि प्यार कैरा।

1 कुरिन्थि 8:3

पर अगर कुई मनखि पिता परमेस्वर से प्यार करदु, त यां को मतलब यू च कि वे मनखि को पिता का दगड़ा मा भौत अच्छा से जाण-पछ्याण होईं च।

1 यूहन्ना 2:3

अर अगर जु हम वेकी आज्ञाओं को पालन करद्‍यां, त यां से इन पता चलदु कि हमुन पिता परमेस्वर तैं जाण्यालि।

1 यूहन्ना 2:4

अर जु मनखि बुल्दु कि, “मि परमेस्वर तैं जाणि ग्यों,” अर फिर भि वेकी आज्ञाओं को पालन नि करदु, त समझि जा कि उ मनखि झूठ्‍ठु च अर वेमा कुई सच्‍चै नि च।

1 यूहन्ना 2:7

हे मेरा प्यारा दगड़्यों, मि तुमतै कुई नई आज्ञा नि देणु छौं, बल्किन मा वा ही आज्ञा देणु छौं ज्वा कि तुमतै पैलि बटि मिली छै, अर या आज्ञा पुरणि ही च, जिं का बारा मा तुमुन बिस्वास करण का बगत मा सुणी छौ।

1 यूहन्ना 3:9

अर जु मनखि पिता परमेस्वर की औलाद च, उ मनखि लगातार पाप नि कैरी सकदु, किलैकि पिता परमेस्वर को सभौ वेमा रौन्दु। अर उ मनखि पाप कैरी ही नि सकदु, किलैकि उ पिता परमेस्वर बटि जनमियूं च।

1 यूहन्ना 4:11

हे मेरा प्यारा भै-बैंणो, जब पिता परमेस्वर हम लोगु से इथगा जादा प्यार कैरी सकदु च, त हम लोगु तैं भि एक-दुसरा से प्यार करण चयेणु।

1 यूहन्ना 4:16

इलै अब हम परमेस्वर का प्यार तैं जाणि ग्यां अर वे पर बिस्वास करद्‍यां, किलैकि परमेस्वर प्यार च। अर जु कुई वेका प्यार मा बणयूं रौन्दु, त उ परमेस्वर का दगड़ा मा अर परमेस्वर वेका दगड़ा मा बणयूं रौन्दु।

1 यूहन्ना 5:1

हे मेरा दगड़्यों, जु मनखि इन बिस्वास करदु कि यीशु ही मसीह च, वेको जनम परमेस्वर की तरफा बटि ह्‍वे, अर जु मनखि जीवन देण वळा तैं प्यार करदु, त उ वेका पुत्र से भि प्यार करदु।

2 यूहन्ना 1:5

हे मेरी बैंण, अब मि त्वेतै कुई नई आज्ञा नि देणु, बल्किन मा मि त्वेतै वीं ही आज्ञा का बारा मा लिखणु छौं, ज्वा कि शुरुवात बटि हमतै मिली च, अर मि त्वेसे बिन्ती करदु कि हम एक-दुसरा का दगड़ा मा प्यार से रा।