1 यूहन्ना 4:6 - Garhwali

⁶ मगर हम परमेस्वर का छां, अर जु परमेस्वर तैं जणदु उ हमरि बातों तैं मणदु। अर जु मनखि परमेस्वर तैं नि जणदु, उ हमरि बात तैं भि नि मणदु। अर इनकै हम लोग सच्‍चै का आत्मा तैं, अर वे भरमौण वळा आत्मा तैं पछ्याण सकद्‍यां।

गढवली नयो नियम

⁶ हम पिता परमेश्वर का तरपां बट्टी छा। जु पिता परमेश्वर तैं जंणदु च, उ हमारी सुणदो; जु पिता परमेश्वर तैं नि जंणदु उ हमारी नि सुणदो; इन्ही के हम सच की आत्मा तैं अर झूठ की आत्मा तैं पछांण सकदा छा।

1 यूहन्ना 4:6 Referans Kwoze

यूहन्ना 14:17

अर दुनियां का लोग वेतैं स्वीकार नि कैरी सकदिन, किलैकि ऊ नऽ त वेतैं दिखदिन अर ना ही जणदिन। पर तुम वेतैं जणदा छाँ, किलैकि उ तुमरा दगड़ा मा रौन्दु च अर उ तुम मा होलु।

यूहन्ना 10:27

मेरी भेड़ मेरी आवाज तैं पछ्याणदिन, मि ऊंतैं जणदु छौं। अर ऊ मेरा पिछनै-पिछनै चलदिन।

यूहन्ना 15:26

पर उ मददगार पिता मा बटि निकळदु अर वु सच्‍चै को आत्मा च, अर जैतैं मि पिता की तरफा बटि तुमरा पास भेजलु, जब उ आलु त उ मेरी गवै द्‍यालु।

1 यूहन्ना 4:1

हे मेरा प्यारा भै-बैंणो, हरेक आत्मा पर बिस्वास नि कैरा बल्किन मा हरेक आत्मा तैं परखा कि वा पिता परमेस्वर की तरफा बटि छैई च कि नि च, किलैकि भौत सा झूठ्‍ठा रैबर्या ईं दुनियां मा फैली गैनी।

1 यूहन्ना 4:4

हे मेरा प्यारा बच्‍चों, तुम परमेस्वर का छाँ, अर तुम लोगु न यीशु मसीह को विरोध करण वळा लोगु पर जीत हासिल कैरियाली, किलैकि जु पवित्र आत्मा तुम लोगु मा च उ वे शैतान से जादा ताकतबर च जु कि ईं दुनियां मा च।

यूहन्ना 18:37

तब पिलातुस न यीशु तैं पूछी, “त क्या फिर तू राजा छैई?” वेन जबाब देई, “तुम ठिक ही बोन्‍ना छाँ, कि मि राजा छौं, अर मि त इलै ही जनमियूं अर ईं दुनियां मा मि इलै अयूं, कि सच्‍चै का बारा मा लोगु तैं बतौ। अर हरेक जु सच्‍चै का छिन, ऊ मेरी आवाज तैं सुणदिन।”

1 कुरिन्थि 14:37

अर अगर तुमरा बीच मा कुई मनखि इन सुचदु कि उ पिता परमेस्वर को रैबर्या च, या वेतैं पवित्र आत्मा को बरदान मिल्यूं च, त उ ईं बात तैं स्वीकार कैरो जु मि तुम खुणि लिखणु छौं, यू आदेस मितैं प्रभु की तरफा बटि मिल्यूं च।

2 थिस्सलुनीकी 1:8

अर जब यीशु वापस आलु, त वेका अपणा लोग वेको बड़ु आदर-सम्मान करला अर वे खुणि ताजुब करला, किलैकि जु वचन हमुन तुमतै बतै वे पर तुमुन बिस्वास कैरी। इलै तुम भि ऊं पवित्र लोगु का दगड़ा मा सामिल ह्‍वे जैल्या, मगर जु बिस्वास नि करदिन वु लोग वे दिन पर प्रभु का समणि अर वेकी महानता मा बटि दूर किये जाला, अर सदनि का विणास को दण्ड पाला। किलैकि ऊंन हमरा प्रभु यीशु का बारा मा वेकी ईं अच्छी खबर तैं नि माणी, अर ना ही हमरा परमेस्वर तैं पछ्याणदिन। अर जब यीशु वापस आलु, तब यू सब कुछ होलु।

यूहन्ना 16:13

पर जब उ सच्‍चै को आत्मा आलु, त उ तुमतै पूरु सच्‍चै को बाटु बतालु। अर उ अपणी तरफा बटि कुछ भि नि बोललु, पर जु कुछ भि उ सुणलु उन्‍नि बतालु। अर होण वळी बातों तैं उ तुम पर परगट करलु।

1 यूहन्ना 4:8

पर जु मनखि एक-दुसरा तैं प्यार नि करदु, उ पिता परमेस्वर तैं नि जणदु किलैकि परमेस्वर प्यार च।

1 तीमुथियुस 4:1

अर पवित्र आत्मा साफ-साफ बुल्दु, कि औण वळा दिनों मा कुछ लोग बिस्वास बटि भटकी जाला, अर भरमौण वळी आत्मा का उपदेसों अर खबेसों की शिक्षा पर मन लगाला।

यूहन्ना 13:20

अर मि तुम बटि सच्‍चि ही बोन्‍नु छौं, कि जु कुई मेरा भेज्यां मनखियों तैं स्वीकार करदु, उ मितैं स्वीकार करदु। अर जु मितैं स्वीकार करदु, उ वेतैं स्वीकार करदु जैन मितैं भेजि च।”

यूहन्ना 8:19

अर ऊंन यीशु तैं पूछी, “तेरु पिता कख च?” तब यीशु न जबाब देई, “नऽ त तुम मितैं जणद्‍यां अर ना ही मेरा पिता तैं। अगर जु तुम मितैं जणदा, त मेरा पिता तैं भि जणदा।”

लूका 10:22

अर मेरा पिता न मि मा सब कुछ सौंप्याली, अर पुत्र का अलावा कुई नि जणदु कि पिता कु च, अर ना ही पिता का अलावा कुई जणदु की पुत्र कु च, पर केवल पुत्र ही च जै पर उ चान्दु, वे पर वेतैं परगट करदु।”

यहूदा 1:17

पर हे मेरा प्यारा भै-बैंणो, तुम ऊं बातों तैं जरुर याद रखा जौं तैं हमरा प्रभु यीशु मसीह का खास चेलों न पैलि ही बोलियालि छौ।

2 पतरस 3:2

ताकि तुम परमेस्वर का पवित्र रैबर्यों का द्‍वारा पैलि बटि बुलयां वचन तैं याद कैरा। अर हमरा परमेस्वर अर बचौण वळा प्रभु की आज्ञाओं तैं जु कि तुमतै खास चेलों का द्‍वारा दिये गैनी, ऊं सब बातों तैं अपणा ध्यान मा रखा।

2 कुरिन्थि 10:7

अर तुमरि आंख्यों का समणि जु चीज छिन तुम ऊंतैं स्वीकार करद्‍यां। अर अगर कैतैं पूरु यकीन च कि वु यीशु मसीह को चेला च, त फिर उ इन भि जाणि ल्यो कि जन उ मनखि यीशु मसीह को च ठिक उन्‍नि हम भि वेका छां।

रोमियों 11:8

अर ऊं लोगु खुणि पवित्रशास्‍त्र मा इन लिख्यूं च कि, “परमेस्वर न आज का दिन तक ऊंतैं एक सुस्त मन दियूं च, ताकि वु समझि नि सैका। अर वेन ऊंका आंखा अर कन्दूड़ बन्द कर्यां छिन, ताकि वु दिखण का बाद भि देखि नि सैका, अर सुनण का बाद भि सुणी नि सैका।”

रोमियों 1:1

हे मेरा भै-बैंणो, मि प्रभु यीशु मसीह को सेवक पौलुस छौं अर मि या चिठ्‍ठी इलै लिखणु छौं, किलैकि पिता परमेस्वर न मितैं यीशु मसीह को खास चेला होणु खुणि अर वेका शुभ समाचार तैं लोगु तैं सुनौण खुणि अलग कर्युं च।

यूहन्ना 20:21

अर यीशु न ऊंकू फिर से बोलि, “तुमतै शान्ति मिलु। अर जन पिता न मितैं भेजि, उन्‍नि मि भि तुमतै भेजदु छौं।”

यूहन्ना 10:16

“मेरी और भि भेड़ छिन, जु कि ये गुठ्‍यार की नि छिन। अर यू जरुरी च, कि मि ऊंतैं भि अपणा गुठ्‍यार मा लेके औंऽऽ। तब ऊ भि मेरी आवाज तैं सुणला, अर तब एक ही झुण्ड अर एक ही चरवाह होलु।

यूहन्ना 8:23

तब यीशु न ऊंकू बोलि, “तुम मूड़ी का रौण वळा छाँ, पर मि मथि को छौं। अर तुम ईं दुनियां का छाँ, पर मि ईं दुनियां को नि छौं।

यूहन्ना 10:3

अर पैरेदार वे खुणि द्‍वार तैं खोली देन्दु च, अर भेड़ वे चरवाह आवाज तैं पछ्याणदिन। अर उ अपणी भेड़ों को नौ ले लेके बुलान्दु अर ऊंतैं भैर लि जान्दु।

1 यूहन्ना 5:19

अर हम या बात जणदा छां कि हम परमेस्वर की औलाद छां, अर पूरि दुनियां वे शैतान का वस मा च।