1 यूहन्ना 4:20 - Garhwali

²⁰ अर अगर कुई इन बुल्दु कि, “मि परमेस्वर से प्यार करदु,” मगर दुसरा लोगु से उ नफरत करदु हो, त ईं बात तैं जाणि ल्या कि इन्द्रयो मनखि झूठ्‍ठों च। किलैकि जौं लोगु तैं वेन अपणा समणि देखि, ऊं से उ प्यार नि कैरी सकणु च। अर जै परमेस्वर तैं वेन कभि नि देखि, त वेसे उ कनकै प्यार कैरी सकलु।

गढवली नयो नियम

²⁰ जु कुई बोलु, मि पिता परमेश्वर बट्टी प्रेम करदु छो, पर अपड़ा विश्वासी भैय बट्टी बैर रखो; त उ झूठो च; किलैकि जब उ अपड़ा ही विश्वासी भैय बट्टी, जै तैं वेल दिखयूं च, प्रेम नि करदो, त उ पिता परमेश्वर बट्टी जै तैं वेल नि देखि प्रेम नि कैरी सकद।

1 यूहन्ना 4:20 Referans Kwoze

1 यूहन्ना 3:17

अगर कै मा गुजर-बसर करणु खुणि सब कुछ च। अर उ इन देखो कि कै दुसरो भै या बैंण मा कुछ कमी च, अर वेका बाद भि उ दया नि कैरो, त ईं बात तैं जाणि ल्या कि इन्द्रया मनखि मा परमेस्वर को प्यार नि च।

1 यूहन्ना 2:9

अर जु कुई इन दावा करदु कि मि उज्याळा मा छौ, मगर दुसरा लोगु बटि खार खान्दु हो, त इन्द्रयो मनखि इन समझि ल्यो कि अभि भि वेका जीवन मा अन्धेरु ही च।

1 यूहन्ना 4:12

अर कैन भि परमेस्वर तैं कभि नि देखि, पर अगर जु हम एक-दुसरा से प्यार करद्‍यां, त पिता परमेस्वर हम मा वास करदु, अर वेको प्यार हम मा सिद्ध ह्‍वे जान्दु।

1 यूहन्ना 2:4

अर जु मनखि बुल्दु कि, “मि परमेस्वर तैं जाणि ग्यों,” अर फिर भि वेकी आज्ञाओं को पालन नि करदु, त समझि जा कि उ मनखि झूठ्‍ठु च अर वेमा कुई सच्‍चै नि च।

1 यूहन्ना 2:11

मगर जु मनखि दुसरा लोगु से नफरत करदु, उ ईं बात तैं जाणि ल्यो कि वेका जीवन मा बुरै च, अर वु अन्धेरा मा चलणु च। अर वे मनखि तैं इन पता नि च कि उ जाणु कख च, किलैकि वे अन्धेर न वेका आंख्यों तैं बन्द कैरियाली।

1 पतरस 1:8

अर तुमुन यीशु तैं नि देखि, अर ना ही वेतैं अभि दिखद्‍यां, मगर फिर भि तुम वे पर बिस्वास करद्‍यां, अर वेसे प्यार भि करद्‍यां, मगर सुणा, न्याय का दिन पर उ तुमरा बिस्वास का द्‍वारा ही तुमरि आत्मा तैं बचालु। अर यू बड़ु आनन्द तुमतै भरपूर कैरी द्‍यालु, जैको बखान हम अभि नि कैरी सकद्‍यां, किलैकि यू वु आनन्द च जु कि पिता परमेस्वर की महान आसीस से भरपूर होलु।

1 यूहन्ना 1:6

अर अगर जु हम इन दावा कैरा कि हम वेका दगड़ा मा साझेदार छां, अर फिर भि हम अन्धेरा मा चलणा रा, त हम झूठ्‍ठ छां अर सच्‍चै का मुताबिक नि चलद्‍यां।

यूहन्ना 13:35

अर अगर जु तुम आपस मा प्यार करिल्या, त यू देखि के सभि लोग जाणि जाला कि तुम मेरा चेला छाँ।”

1 यूहन्ना 1:8

अर अगर हम इन बुल्द्‍यां कि, “हमरा भितर पाप नि च,” त हम खुद तैं धोखा दिणा छा अर हम मा सच्‍चै छैई नि च।