1 यूहन्ना 4:1 - Garhwali

¹ हे मेरा प्यारा भै-बैंणो, हरेक आत्मा पर बिस्वास नि कैरा बल्किन मा हरेक आत्मा तैं परखा कि वा पिता परमेस्वर की तरफा बटि छैई च कि नि च, किलैकि भौत सा झूठ्‍ठा रैबर्या ईं दुनियां मा फैली गैनी।

गढवली नयो नियम

¹ हे प्रियों, हरेक जु पिता परमेश्वर की पवित्र आत्मा बट्टी बुल्णो को दावा करदींनि; ऊंमा बट्टी हरेक पर विश्वास नि करयां, पर आत्माओं तैं परखा, कि उ आत्मा पिता परमेश्वर की तरपां बट्टी च कि न; किलैकि भौत सारा झूठा संदेश दींणवला छिनी जु बुल्दींनि की हम पिता परमेश्वर कि तरपां बट्टी बुल्दियां दुनिया मा ऐ गैनी।

1 यूहन्ना 4:1 Referans Kwoze

1 थिस्सलुनीकी 5:21

मगर यों भविष्यबाणियों तैं परखा, कि परमेस्वर की तरफा बटि छैं छिन या नि छिन, अर अगर जु परमेस्वर की तरफा बटि छिन त ऊंतैं स्वीकार कैरा।

2 पतरस 2:1

अर जन इस्राएली लोगु का बीच मा झूठ्‍ठा रैबर्या निकळि के ऐ गै छा, अर वु खुद तैं परमेस्वर को रैबर्या बतौन्दा छा, ठिक उन्‍नि तुम लोगु का बीच मा भि कुछ झूठ्‍ठा गुरु निकळि के आला। अर ऊ लोग झूठ्‍ठी शिक्षा को परचार बड़ी चालाकी से तुमरा बीच मा करला, इख तक कि ऊ हमरा यीशु मसीह तैं भि नकारी द्‍याला जैन ऊंतैं अपणु खून देके खरीदी, मगर इन कैरिके ऊ भौत जल्द नास ह्‍वे जाला।

1 तीमुथियुस 4:1

अर पवित्र आत्मा साफ-साफ बुल्दु, कि औण वळा दिनों मा कुछ लोग बिस्वास बटि भटकी जाला, अर भरमौण वळी आत्मा का उपदेसों अर खबेसों की शिक्षा पर मन लगाला।

2 यूहन्ना 1:7

किलैकि ईं दुनियां मा भौत सा धोखा देण वळा लोग निकळि के ऐ गैनी। अर वु ईं बात तैं स्वीकार नि करदिन, कि यीशु मसीह एक मनखि का रुप मा ईं दुनियां मा ऐ। अर यू उई च जु कि धोखा देण वळु, अर यीशु मसीह को दुसमन च।

1 कुरिन्थि 14:29

अर रैबर्यों मा बटि दुई या तीन लोग ही बोला, अर समुदाय का लोग वेकी बातों तैं परखा की वु क्या च बोन्‍नु।

1 यूहन्ना 2:18

हे मेरा बच्‍चों, यू त आखिरी को बगत च अर जन कि तुमुन सुण्यालि कि यीशु मसीह को विरोध करण वळु औण वळु च, अर अगर ईं बात का मुताबिक दिखै जौ त भौत सा लोग इन ऐ गैनी, जु कि यीशु मसीह को विरोध करदिन। अर यां से हमतै इन पता चलदु कि यू आखिरी को बगत च।

लूका 12:57

“अर तुम खुद यू फैसला नि कैरी सकद्‍यां कि ठिक क्या च?

लूका 21:8

तब यीशु न ऊंकू बोलि, “जब तुम लड़ै अर दंगों का बारा मा सुणिल्या, त घबरै नि जयां, किलैकि यों सब बातों को पैलि होण जरुरी च। पर वे बगत भि अन्त तुरन्त नि आलु, अर भौत सरा लोग मेरा नौ से आला अर बुलला कि, ‘मि उई छौं,’ अर इन भि बुलला कि उ ‘बगत नजदीक ऐ गै।’ पर मि तुमतै बतै देन्दु कि, तुम कै का पिछनै नि जयां, इलै चौकस रा कखि कुई तुमतै भरमै नि द्‍यो।”

2 तीमुथियुस 3:13

पर दुष्‍ट अर धोखा देण वळा बिगड़दी जाला, अर वु दुसरो तैं धोखा द्‍याला अर खुद भि धोखा खाला।

दिब्य दरस 2:2

“हे इफिसुस नगर का बिस्वासी लोगु, मि तुमरा काम अर तुमरि कड़ी मेनत का बारा मा जणदु छौं, अर दुख का बगत मा तुमरा सबर रखण की ताकत का बारा मा भि मि जणदु छौं, अर मि इन भि जणदु कि तुम बुरा लोगु तैं बरदास नि कैरी सकदी, जु खुद तैं मेरा खास चेला बतौन्दिन, पर असल मा ऊ छैई नि छिन। अर तुमुन ऊं लोगु की जाँच-पड़ताल कैरी अर ऊंतैं झूठ्‍ठु पै।

1 कुरिन्थि 12:10

अर कुछ लोग तैं चमत्कार का काम करण की ताकत मिली च, त कुछ लोगु तैं भविष्यबाणी करण की ताकत, अर कुछ लोगु तैं आत्माओं तैं परखण कि सामर्थ मिली च, अर कुछ लोगु तैं अलग-अलग भाषा मा बुलण को बरदान मिल्यूं च। अर जु लोग अलग-अलग भाषा मा बुल्दिन, कुछ लोगु तैं वीं भाषा तैं आम बोल-चाल मा समझौण को बरदान मिल्यूं च।

खास चेलों 20:29

अर मि जणदु छौं कि, मेरा जाण का बाद लोग खतरनाक भेड़िया का जन तुमरा बीच मा आला, अर गळत शिक्षा देके बिस्वासी समुदाय तैं भरमै द्‍याला।

मरकुस 13:21

अगर वे बगत मा लोग तुमकु बुलला कि, ‘देखा मसीह इख च’ या ‘देखा मसीह उख च,’ त तुम यकीन नि कर्यां।”

खास चेलों 17:11

बिरीया नगर का यहूदी लोग थिस्सलुनीकी नगर का यहूदी लोगु से भौत जादा भला छा। अर यों लोगु न परमेस्वर का वचन तैं बड़ी इच्छा से स्वीकार कैरी, अर हर दिन पवित्रशास्‍त्र मा खुज्याणा रैनी कि जु कुछ भि पौलुस बतौणु च वु सब बात इन्‍नि लिखीं छैई भि छिन, कि ना।

1 थिस्सलुनीकी 5:20

अर जु भविष्यबाणियाँ दुसरा बिस्वासी करदिन, ऊंतैं बेकार नि समझा।

1 यूहन्ना 2:7

हे मेरा प्यारा दगड़्यों, मि तुमतै कुई नई आज्ञा नि देणु छौं, बल्किन मा वा ही आज्ञा देणु छौं ज्वा कि तुमतै पैलि बटि मिली छै, अर या आज्ञा पुरणि ही च, जिं का बारा मा तुमुन बिस्वास करण का बगत मा सुणी छौ।

3 यूहन्ना 1:11

हे मेरा प्यारा भै, बुरै करण वळो का ना, पर भलै करण वळो का पिछनै चल किलैकि जु कुई भलै करदु उ परमेस्वर की तरफा च, पर जु कुई बुरै करदु उ परमेस्वर तैं नि जणदु।