1 यूहन्ना 3:22 - Garhwali

²² अर जु कुछ भि हम मंगुला पिता परमेस्वर हमतै दयालु, किलैकि हम वेकी आज्ञाओं को पालन करद्‍यां। अर हम उन्‍नि करद्‍यां, जु वेकी नजर मा अच्छु च।

गढवली नयो नियम

²² अर जु कुछ हम पिता परमेश्वर बट्टी मंगदा छा, उ हम तैं पिता परमेश्वर बट्टी मिल्दो; किलैकि हम वेकी आज्ञाओं तैं मणदां, अर जु वे तैं अच्छो लगदो हम उ ही करद्यां।

1 यूहन्ना 3:22 Referans Kwoze

यूहन्ना 15:7

अगर जु तुम मि मा बणयां रैल्या, अर मेरु वचन तुम मा बणयूं रालु, तब जु कुछ भि तुमतै चयेणु होलु, वेतैं मांगा अर वु सब कुछ तुमतै मिली जालु।

यूहन्ना 9:31

हमतै यू पता च, कि परमेस्वर पापि मनखियों की नि सुणदु, पर वेकी सुणदु जु कि वेको भक्‍त च अर वेकी मनसा पर चलदु च।

मत्ती 21:22

अर प्रार्थना मा जु कुछ भि तुम बिस्वास से मंगिल्या, उ सब तुमतै मिली जालु।”

1 यूहन्ना 5:14

अर हमतै पिता परमेस्वर पर पूरु यकीन च कि हम वेकी मनसा का मुताबिक जु कुछ भि वेसे मंगद्‍यां, त उ हमरि बात तैं सुणदु च।

मरकुस 11:24

इलै मि तुम बटि बोन्‍नु छौ कि जु कुछ भि तुम प्रार्थना मा मंगिल्या, त इन बिस्वास कैरा कि वु तुमतै मिली गै, अर सुणा, वु तुमतै मिली जालु।

यूहन्ना 14:13

अर जु कुछ भि तुम मेरा नौ से मंगिल्या, उई मि करलु। ताकि पुत्र का द्‍वारा पिता की बडै हो।

याकूब 1:5

अर अगर तुम मा बटि कै मा भि ज्ञान की कमी हो, त उ परमेस्वर बटि मांगु। तब परमेस्वर वेतैं द्‍यालु, किलैकि परमेस्वर बिना दोष लग्यां हरेक तैं खुला दिल से देन्दु।

यूहन्ना 8:29

अर मेरु भेजण वळु मेरा दगड़ा मा च। अर वेन मितैं इखुली नि छोड़ि, किलैकि मि हमेसा ऊं कामों तैं करदु छौं, जौं से पिता खुश होन्दु।”

कुलुसी 1:10

ताकि तुमरो चाल-चलन हरेक बात मा प्रभु तैं खुश करण वळु हो। अर हरेक किसम का भलै का काम अच्छा फलों की तरौं छिन, इलै तुम ऊंतैं अपणा जीवनों मा लेके आ, अर परमेस्वर का ज्ञान मा और भि जादा बढदी जा।

याकूब 5:16

इलै तुम एक-दुसरा का समणि अपणा-अपणा पापों तैं मणिल्या, अर एक-दुसरा खुणि प्रार्थना कैरा, ताकि तुम बिमारियों मा बटि खूब ह्‍वे जा। किलैकि जु मनखि परमेस्वर की नजर मा धरमी च वेकी प्रार्थना का द्‍वारा भौत कुछ ह्‍वे सकदु च।

यूहन्ना 6:29

तब यीशु न ऊंतैं जबाब देई, “परमेस्वर को काम यू च, कि जैतैं वेन भेजि च तुम वे पर बिस्वास कैरा।”

फिलिप्पी 4:18

अर भै इपफ्रुदीतुस का हाथों जौं चीजों तैं तुमुन मि खुणि भेजि, ऊंतैं पैके मि भौत खुश छौं, यू उपहार परमेस्वर तैं पसन्द औण वळा बलिदान का जन छिन ज्यां से की उ भौत खुश होन्दु। हालांकि, मेरा पास सब कुछ च अर मि भरपूर छौं।

खास चेलों 17:30

अर पुरणा जमना मा लोग परमेस्वर का बारा मा सुनपट छा, पर परमेस्वर न यों सब बातों पर ध्यान कैरी। मगर आज का बगत मा उई परमेस्वर लोगु तैं आज्ञा देन्दु, कि सब लोग सच्‍चा मन से अपणा-अपणा पापों से पस्ताप कैरा।

यूहन्ना 15:10

अर जन मि अपणा पिता की आज्ञाओं को पालन कैरिके वेका प्यार मा बणयूं रौन्दु, ठिक उन्‍नि तुम भि अगर मेरी आज्ञाओं को पालन करिल्या, त मेरा प्यार मा बणयां रैल्या।

मत्ती 17:5

जब उ इन बोन्‍नु ही छौ, कि तबरि एक चमकदार बादळ न ऐके ऊंतैं घेरि दिनी। तब वे बादळ मा बटि एक आवाज ऐ, “यू मेरु लाडलु पुत्र च, अर येसे मि खुश छौं, येकी सुणा।”

खास चेलों 20:21

अर मिन यहूदी अर यूनानी लोगु का बीच मा जैके परमेस्वर का समणि पस्ताप करण का बारा मा, अर हमरा प्रभु यीशु मसीह पर बिस्वास करण का बारा मा ऊंतैं बतै।

याकूब 4:3

तुम मंगदा त छाँ, पर उ तुमतै नि मिलदु। किलैकि तुम बुरी इच्छाओं तैं पूरु करणु खुणि मंगद्‍यां, याने कि तुम अपणी मौज-मस्ती मा उड़ौणु खुणि मंगद्‍यां।

1 यूहन्ना 2:3

अर अगर जु हम वेकी आज्ञाओं को पालन करद्‍यां, त यां से इन पता चलदु कि हमुन पिता परमेस्वर तैं जाण्यालि।