1 यूहन्ना 3:21 - Garhwali

²¹ हे मेरा प्यारा दगड़्यों, अगर हमरु जमीर हमतै गळत साबित नि करदु, त फिर हमतै पिता परमेस्वर का समणि हिम्मत होलि।

गढवली नयो नियम

²¹ हे प्रियों, जु हमारो मन हम तैं भंगार नि द्यो, त हम तैं परमेश्वर का संमणी साहस हो।

1 यूहन्ना 3:21 Referans Kwoze

1 यूहन्ना 2:28

हे मेरा प्यारा बच्‍चों, यीशु मसीह की संगत मा एक ह्‍वेके बणयां रा। अर अगर जु तुम इन करिल्या, त जब यीशु मसीह परगट होलु त तुमतै खुद पर सरम नि आली, बल्किन मा तुमतै बड़ी हिम्मत मिलली।

इब्रानी 4:16

इलै आ, हम भि अपणा दया करण वळा पिता परमेस्वर की राजगद्‍दी का समणि निस फिकर ह्‍वेके जा, ताकि हम सभ्या का सभि वेसे मदद पौण खुणि वेकी दया अर किरपा तैं हासिल कैरी सैका।

2 कुरिन्थि 1:12

अर हमतै ईं बात पर गर्व च अर हमरु जमीर भि ईं बात की गवै देन्दु, कि ईं दुनियां मा खास कैरिके तुमरा बीच मा हमरु सभौ पिता परमेस्वर का लैख पवित्र अर सच्‍चु छौ। अर यू सब हमुन ईं दुनियां से मिलण वळा ज्ञान का मुताबिक नि कैरी, बल्किन मा पिता परमेस्वर की किरपा पर भरोसा रखी के कैरी।

1 यूहन्ना 5:14

अर हमतै पिता परमेस्वर पर पूरु यकीन च कि हम वेकी मनसा का मुताबिक जु कुछ भि वेसे मंगद्‍यां, त उ हमरि बात तैं सुणदु च।

1 यूहन्ना 4:17

अर यां से ही प्यार हम मा सिद्ध ह्‍वे ताकि न्याय का दिन पर हमतै हिम्मत मिलु, किलैकि जन यीशु च ठिक उन्‍नि हम भि ईं दुनियां मा छाँ।

इब्रानी 10:22

इलै आ, अब हम सच्‍चा मन अर पूरा बिस्वास का दगड़ा मा पिता परमेस्वर का नजदीक ऐ जा, किलैकि हमतै पवित्र करण का खातिर हमरा दोषी जमीर पर यीशु मसीह का ल्वे तैं छिड़के गै, ताकि हम पर लग्यूं इळजाम दूर हो अर हम मन से पवित्र अर अपणा सरील तैं बपतिस्मा का पाणिळ ध्वेके शुद्ध ह्‍वे जा।

1 कुरिन्थि 4:4

किलैकि मेरु मन मितैं कैं भि बात मा दोषी नि ठैरान्दु, मगर फिर भि मि धरमी साबित नि होन्दु, किलैकि जु मेरी जाँच-पड़ताल करदु उ प्रभु ही च।

1 तीमुथियुस 2:8

अर मि यू चान्दु छौं, कि बैख हर जगा मा गुस्सा अर घपरोळ तैं छोड़ि के पवित्र दिल से अपणा हाथों तैं उठे के प्रार्थना कैरो।

रोमियों 14:22

अर ईं बात का बारा मा अब जु कुछ भि तुम लोग मणद्‍यां, वेतैं अपणा अर पिता परमेस्वर का बीच मा ही रखा। अर धन्य च वु मनखि जौं को मन ऊंतैं दोषी साबित नि करदु, जब कि उ मनखि उई काम करदु जु कि वेतैं अच्छा लगदिन।

इफिसुस 3:12

अर यीशु मसीह पर बिस्वास करण की वजै से ही हम लोग यकीन कैरिके, अर बिन डऽरयां पिता परमेस्वर का समणि ऐ-जै सकद्‍यां।

1 यूहन्ना 2:7

हे मेरा प्यारा दगड़्यों, मि तुमतै कुई नई आज्ञा नि देणु छौं, बल्किन मा वा ही आज्ञा देणु छौं ज्वा कि तुमतै पैलि बटि मिली छै, अर या आज्ञा पुरणि ही च, जिं का बारा मा तुमुन बिस्वास करण का बगत मा सुणी छौ।

1 यूहन्ना 3:2

हे मेरा प्यारा लोगु, अब हम परमेस्वर की औलाद छां, अर औण वळा बगत मा क्या जि होला वेका बारा मा परगट नि किये गै। मगर हम त बस इथगा ही जणद्‍यां, कि जब यीशु मसीह परगट होलु त हम भि वेका जन बणि जौला, किलैकि हम वेतैं ठिक उन्‍नि दिखुला जन उ छैई च।

1 यूहन्ना 3:20

अर जब हमरु जमीर हमतै गळत साबित करदु, त वे बगत हमतै इन पता चलदु कि पिता परमेस्वर हमरा मन की सोच से भौत बड़ु च, अर उ सब कुछ जणदु च।