1 यूहन्ना 3:13 - Garhwali

¹³ हे मेरा भै-बैंणो, अगर दुनियां का लोग तुम से नफरत करदिन, त ईं बात पर तुम ताजुब नि कैरा।

गढवली नयो नियम

¹³ हे विश्वासी भयों, जु ईं दुनिया का लोग तुम बट्टी बैर करदींनि त ताजुब नि कैरा।

1 यूहन्ना 3:13 Referans Kwoze

यूहन्ना 17:14

अर मिन तुमरो वचन ऊंतैं सुण्यालि, इलै दुनियां का लोगु न ऊं बटि बैर कैरी, किलैकि जन मि दुनियां को नि छौं, ठिक उन्‍नि ऊ भि दुनियां का नि छिन।

लूका 21:17

अर सब लोग तुम बटि नफरत करला, किलैकि तुम मेरा छाँ।

याकूब 4:4

हे बिस्वासघात करण वळा लोगु, क्या तुम नि जणद्‍यां, कि दुनियां की बुरी बातों से प्यार करण को मतलब, परमेस्वर बटि नफरत करण च? इलै जु कुई ईं दुनियां की बुरी बातों से प्यार करदु, उ खुद अफ तैं परमेस्वर को दुसमन बणै देन्दु।

2 तीमुथियुस 3:12

अर या बात सच्‍च च, कि जु लोग यीशु मसीह पर बिस्वास कैरिके परमेस्वर की भक्‍ति करण को जीवन जीण चनदिन, ऊं सभ्यों तैं भि सतयै जालु।

मरकुस 13:13

अर मेरा नौ का खातिर सब लोग तुम बटि नफरत करला, पर जु आखिरी तक सबर रखलु वेतैं ही बचयै जालु।

रोमियों 8:7

किलैकि शरीर पर मन लगौण को मतलब परमेस्वर का दगड़ा मा दुसमनी रखण च, अर मनखि को सरील ना त परमेस्वर का नियम-कानून का अधीन च अर नऽ त कभि ह्‍वे सकदु।

यूहन्ना 16:33

अर यों बातों तैं मिन तुम मा इलै बोलि, ताकि मि मा बणयूं रै के तुमतै शान्ति मिलु। ईं दुनियां मा त तुम पर मुसीबतों न औण, पर तुम हिम्मत रखा किलैकि ईं दुनियां तैं मिन जीतयाली।”

यूहन्ना 7:7

अर दुनियां का मनखि तुम बटि बैर नि रखी सकदिन, पर ऊ मि बटि बैर करदिन। किलैकि मि ऊंका बारा मा गवै देन्दु कि ऊंका काम बुरा छिन।

लूका 6:22

धन्य छाँ तुम किलैकि जब मनखि का पुत्र का बाना लोग तुम बटि नफरत करला, अर अपणा बीच मा बटि तुमरो तिरिस्कार करला। इख तक की ऊ तुमतै बदनाम करला, अर तुमरो नौ खराब कैरिके तुमतै दूर करला।

मत्ती 24:9

अर वे बगत लोग तुमतै दुख देणु खुणि पकड़वै द्‍याला, अर तुम मि पर बिस्वास करद्‍यां इलै सब जाति का लोग तुम बटि नफरत करला, इख तक की मरवै भि द्‍याला।

मत्ती 10:22

अर वु तुम से इलै नफरत करला, किलैकि तुम मेरा नौ पर बिस्वास करद्‍यां, पर जु मनखि आखिरी तक सबर रखलु वेतैं ही बचयै जालु।

खास चेलों 3:12

अर यू देखि के पतरस न ऊं लोगु कू बोलि, “हे इस्राएल का लोगु, तुम ये काम तैं देखि के किलै ताजुब कना छाँ? अर टक लगै के हमतै इन किलै दिखणा छाँ? तुम त इन दिखणा छाँ जन कि हम लोगु न ये मनखि तैं खुद की ताकत अर भक्‍ति की वजै से खूब कैरी हो।

यूहन्ना 16:2

किलैकि लोग तुमतै प्रार्थना भवन बटि निकाळि द्‍याला। इथगा ही ना, बल्किन इन बगत औणु वळु च, कि जु कुई भि तुमतै जान से मरलु उ इन समझालु, कि इन कैरिके उ परमेस्वर की ही सेवा कनु च।

यूहन्ना 3:7

अर तुम ईं बात पर ताजुब नि कैरा, कि मिन तुमकु इन बोलि कि, ‘तुमतै नई रीति बटि जनम लेण जरुरी च।’

दिब्य दरस 17:7

पर वे स्वर्गदूत न मिकू बोलि, “तू हैरान किलै होणी छैई? मि त्वेतै वीं जनानि का राज का बारा मा बतौलु, अर वे दैंत का राज का बारा मा भि बतौलु जैका सात मुण्ड़ अर दस सींग छिन।