1 यूहन्ना 2:8 - Garhwali

⁸ मगर फिर भि मि तुम खुणि एक नई आज्ञा लिखणु छौं, ज्वा कि यीशु मसीह मा अर ठिक उन्‍नि तुम भि मा भि सच्‍चि साबित ह्‍वे, किलैकि अब अन्धेरु खतम होण लगि गै, अर सच्‍चै को उज्याळु चमकण लगि गै।

गढवली नयो नियम

⁸ फिर भि जु आज्ञा मि तुम कु लिखणु छौं व नई आज्ञा च किलैकि; जन यीशु ल ईं आज्ञा की सचै तैं जी, अर तुम भि यु तैं जींणा छा किलैकि अंधेरो मिटदी जांणु च अर सचो उज्यला अभि चमकण लगि गै।

1 यूहन्ना 2:8 Referans Kwoze

इफिसुस 5:8

अर या बात मि तुमकु इलै बोन्‍नु छौं, किलैकि पैलि तुम अन्धेरा मा छा, पर अब प्रभु यीशु का दगड़ा मा एक होण की वजै से तुम मा भि उज्याळु ऐ गै। इलै हे मेरा दगड़्यों, उज्याळे की औलाद होण की वजै से अपणा जीवन को गुजर-बसर उज्याळा मा कैरा।

रोमियों 13:12

अर जन रात खतम ह्‍वे जाण का बाद एक नयू दिन औन्दु, ठिक उन्‍नि मसीह को औण भि भौत नजदीक च। इलै अन्धेरा मा होण वळा बुरै का कामों तैं छोड़ि द्‍या, अर पिता परमेस्वर का उज्याळा मा चला, अर वेसे मिलण वळी हिम्मत तैं एक हथियार की तरौं इस्तेमाल कैरिके बुरै पर जीत हासिल कैरा।

यूहन्ना 13:34

इलै अब मि तुमतै एक नई आज्ञा देन्दु छौं, कि तुम एक-दुसरा बटि प्यार कैरा। अर जन मिन तुम बटि प्यार कैरी, उन्‍नि तुम भि एक-दुसरा बटि प्यार कैरा।

यूहन्ना 8:12

फिर यीशु न लोगु कू बोलि, “दुनियां को उज्याळु मि छौं। अर जु कुई भि मेरा पिछनै चललु, उ अन्धेरा मा नि रालु, बल्किन मा उ जीवन का उज्याळा तैं पालु।”

यूहन्ना 1:9

अर सच्‍चु उज्याळु जु हरेक मनखि तैं उज्याळु देन्दु, उ दुनियां मा औण वळु छौ।

यूहन्ना 12:46

अर मि ईं दुनियां मा उज्याळु बणि के अयूं छौं। ताकि जु कुई भि मि पर बिस्वास कैरो, उ अन्धेरा मा नि रौ।

1 यूहन्ना 4:21

इलै हमतै यीशु मसीह का द्‍वारा इन आज्ञा मिली च कि जु मनखि परमेस्वर से प्यार करदु, वेतैं सब लोगु बटि प्यार करण चयेणु।

1 यूहन्ना 4:11

हे मेरा प्यारा भै-बैंणो, जब पिता परमेस्वर हम लोगु से इथगा जादा प्यार कैरी सकदु च, त हम लोगु तैं भि एक-दुसरा से प्यार करण चयेणु।

2 तीमुथियुस 1:10

पर जब हमरु बचौण वळु यीशु मसीह ईं दुनियां मा ऐ, तब वेन परमेस्वर की किरपा हम पर परगट कैरी अर वेन ही मौत की ताकत को नास कैरी। अर जथगा भि लोगु न वेका शुभ समाचार तैं अपणा जीवन मा स्वीकार कैरी, वेन ऊं लोगु तैं परमेस्वर का दगड़ा मा सदनि को जीवन जीण को मौका दियाली।

2 कुरिन्थि 8:9

अर तुम हमरा प्रभु यीशु मसीह की महान किरपा का बारा मा जणदा ही छाँ, कि स्वर्ग मा वेका पास सब कुछ छौ मगर हम मनखियों तैं फैदा पौछाण का खातिर उ गरीब बणि गै, ताकि हम वेका द्‍वारा हर बात मा सेठ बणि जा।

खास चेलों 26:18

अर सुण, मि त्वेतै ऊं लोगु का पास इलै भेजणु छौं, ताकि तू ऊंका आंख्यों तैं खोली दे अर वु अन्धेरा से हटि के उज्याळा की तरफा, अर शैतान की ताकत से हटि के परमेस्वर की तरफा ऐ जा। अर तब ऊंका पाप माफ ह्‍वे जाला अर जु लोग मि पर बिस्वास कैरिके पवित्र बणयां छिन, ऊं लोगु मा ऊंतैं भि वारिस बणयै जौ।’

खास चेलों 17:30

अर पुरणा जमना मा लोग परमेस्वर का बारा मा सुनपट छा, पर परमेस्वर न यों सब बातों पर ध्यान कैरी। मगर आज का बगत मा उई परमेस्वर लोगु तैं आज्ञा देन्दु, कि सब लोग सच्‍चा मन से अपणा-अपणा पापों से पस्ताप कैरा।

लूका 1:79

ताकि जु कुई अन्धेरा अर मौत का छैल मा जीणा छिन, ऊंतैं उ उज्याळु द्‍यो, अर हमतै शान्ति का बाटा पर चललु।”

यूहन्ना 12:35

तब यीशु न ऊंकू बोलि, “अब उज्याळु कुछ ही देर तक तुमरा बीच मा च। अर जबरि तक उज्याळु तुमरा दगड़ा मा च तबरि तक तुम उज्याळा मा हिटणा रा, कखि इन ना हो की अन्धेरु ऐके तुमतै घेरि द्‍यो किलैकि जु कुई अन्धेरा मा हिटदु, उ नि जणदु कि उ कख जाणु च।

मत्ती 4:16

जु लोग अन्धेरा मा अपणा जीवन को गुजर-बसर कना छिन, ऊ एक बड़ा उज्याळा तैं दिखला, अर जु लोग आत्मिक मौत का बाटा मा छिन, ऊं पर एक उज्याळु चमकी।”

1 पतरस 1:21

अर यीशु मसीह ही च जैका द्‍वारा तुम पिता परमेस्वर पर बिस्वास करद्‍यां, जैन वेतैं मुरदो मा बटि ज्यून्द कैरी अर पिता परमेस्वर न ही वेतैं आदर-सम्मान दिनी। इलै तुमरि आस अर बिस्वास पिता परमेस्वर पर ही बणयूं रौ।

1 यूहन्ना 3:23

अर या ही त पिता परमेस्वर की आज्ञा च, कि हम वेका पुत्र प्रभु यीशु मसीह पर बिस्वास कैरा। अर ज्वा आज्ञा खुद वेन देई वेका मुताबिक हम एक-दुसरा बटि प्यार कैरा।