1 यूहन्ना 2:4 - Garhwali

⁴ अर जु मनखि बुल्दु कि, “मि परमेस्वर तैं जाणि ग्यों,” अर फिर भि वेकी आज्ञाओं को पालन नि करदु, त समझि जा कि उ मनखि झूठ्‍ठु च अर वेमा कुई सच्‍चै नि च।

गढवली नयो नियम

⁴ जु कुई यु बुल्दो, “मि पिता परमेश्वर तैं जांणि ग्यूं” पर वेकी आज्ञाओं तैं नि मणदो, त उ झूठो च; किलैकि उ पिता परमेश्वर का सचै का अनुसार नि ज्यून्दो।

1 यूहन्ना 2:4 Referans Kwoze

1 यूहन्ना 1:6

अर अगर जु हम इन दावा कैरा कि हम वेका दगड़ा मा साझेदार छां, अर फिर भि हम अन्धेरा मा चलणा रा, त हम झूठ्‍ठ छां अर सच्‍चै का मुताबिक नि चलद्‍यां।

तीतुस 1:16

अर यू लोग इन बुल्दिन कि, हम परमेस्वर तैं जणदा छां, पर ऊंका कामों का द्‍वारा इन पता चलि जान्दु कि ऊ परमेस्वर तैं नि जणदिन, किलैकि वु दुष्‍ट सभौ का, अर आज्ञा नि मनण वळा, अर कुई भि अच्छा काम करण का लैख नि छिन।

1 यूहन्ना 1:8

अर अगर हम इन बुल्द्‍यां कि, “हमरा भितर पाप नि च,” त हम खुद तैं धोखा दिणा छा अर हम मा सच्‍चै छैई नि च।

1 यूहन्ना 4:20

अर अगर कुई इन बुल्दु कि, “मि परमेस्वर से प्यार करदु,” मगर दुसरा लोगु से उ नफरत करदु हो, त ईं बात तैं जाणि ल्या कि इन्द्रयो मनखि झूठ्‍ठों च। किलैकि जौं लोगु तैं वेन अपणा समणि देखि, ऊं से उ प्यार नि कैरी सकणु च। अर जै परमेस्वर तैं वेन कभि नि देखि, त वेसे उ कनकै प्यार कैरी सकलु।

1 यूहन्ना 2:9

अर जु कुई इन दावा करदु कि मि उज्याळा मा छौ, मगर दुसरा लोगु बटि खार खान्दु हो, त इन्द्रयो मनखि इन समझि ल्यो कि अभि भि वेका जीवन मा अन्धेरु ही च।

1 यूहन्ना 1:10

अर अगर जु हम बुल्द्‍यां कि हमुन पाप नि कैरी, त हमुन परमेस्वर तैं झूठ्‍ठु साबित कैरियाली, इन कैरिके हमुन वेका वचन तैं अपणा मन मा जगा नि दिनी।

यूहन्ना 8:44

अर तुम अपणा बुबा शैतान की तरफा बटि छाँ अर वेकी मनसा तैं पूरि करण चान्दा छाँ। उ त पैलि बटि हत्यारू च अर सच्‍चै पर नि टिक्यूं रौन्दु, किलैकि सच्‍चै वेमा छैई नि च। अर जब उ झूठ्‍ठ बुल्दु, त अपणा ही सभौ बटि बुल्दु। किलैकि उ त झूठ्‍ठु च, बल्किन मा झूठ्‍ठों को बुबा च।

तीतुस 1:10

अर यू इलै जरुरी च, किलैकि भौत सा लोग छिन, जु आज्ञाओं तैं नि मणदिन अर बेमतलब की बात करदिन, धोखा देन्दिन, अर खास कैरिके यू ऊ यहूदी लोग छिन, जु इन सिखौन्दिन कि खतना का रिवाज तैं पूरा करण जरुरी च।

1 यूहन्ना 2:3

अर अगर जु हम वेकी आज्ञाओं को पालन करद्‍यां, त यां से इन पता चलदु कि हमुन पिता परमेस्वर तैं जाण्यालि।

1 यूहन्ना 3:6

अर जु कुई मसीह का दगड़ा मा बणयूं रौन्दु उ मनखि लगातार पाप नि करदु, पर जु मनखि पाप करण मा लग्यूं रौन्दु, वेन नऽ त यीशु मसीह तैं देखि अर ना ही वेतैं जणदु।

1 यूहन्ना 4:7

हे मेरा प्यारा भै-बैंणो हम सभ्यों तैं एक-दुसरा बटि प्यार करण चयेणु, किलैकि प्यार परमेस्वर की तरफा बटि च। अर हरेक उ मनखि जु एक-दुसरा बटि प्यार करदु, उ परमेस्वर की औलाद च, अर पिता परमेस्वर तैं जणदु च।