1 यूहन्ना 2:19 - Garhwali

¹⁹ असल मा यू लोग हमरा बीच मा बटि ही निकळि के ही ऐनी, मगर वु हमरा अपणा लोग नि छिन किलैकि अगर जु वु हमरा अपणा लोग होन्दा त वु हम दगड़ा मा रौन्दा। मगर ऊंन त हमतै छोड़याली, अर ऊंको इन करण से यू साबित ह्‍वे गै, कि ऊ हमरा अपणा लोग नि छिन।

गढवली नयो नियम

¹⁹ उ लोग जु अब मसीह को विरोध करदींनि, उ निकली त हम ही बट्टी छिनी, पर हमारा दगड़िया नि छिनी, किलैकि जु उ हमारा दगड़िया हुंदा, त हम दगड़ी रौंदा, पर ऊंल हम तैं छोड़ दींनि किलैकि उ हमारा झुंड का हिस्सा नि छा।

1 यूहन्ना 2:19 Referans Kwoze

खास चेलों 20:30

इख तक कि, तुम लोगु मा बटि ही कुछ लोग इन निकळळा, जु कि अपणी गळत शिक्षा देके, बिस्वासी लोगु तैं भि अपणा दगड़ा मा कैरी द्‍याला।

1 कुरिन्थि 11:19

फिर तुमरा बीच मा दल को होण भि जरुरी च, ताकि इन पता चलि जौ कि कु-कु छिन जु कि खरै से चलणा छिन।

यहूदा 1:19

अर यू वु लोग छिन जु की दुसरा तैं अपणी बातों का द्‍वारा एक-दुसरा का खिलाप मा कैरी देन्दिन, यू लोग सरील का मुताबिक चलदिन जौं मा पवित्र आत्मा नि च।

लूका 8:13

अर जु बीज ढुंग्याण जमीन पर पोड़ीनी, ऊ वु लोग छिन जु वचन तैं सुणी के खुशी से स्वीकार करदिन, अर कुछ बगत तक ऊ बिस्वास त करदिन, पर बिस्वास मा जड़ नि पकड़ण की वजै से जब अजमैस ऊंका जीवन मा औन्दिन, त ऊ बिस्वास करण छोड़ि देन्दिन।

मत्ती 24:24

“किलैकि झूठ्‍ठा मसीह अर झूठ्‍ठा रैबर्या ऐ जाला, अर बड़ा-बड़ा चिन्‍न अर चमत्कार का काम कैरिके दिखाला, इख तक कि जु लोग चुण्यां छिन ऊंतैं भि भरमै द्‍याला।

खास चेलों 15:24

दगड़्यों, हमुन सुणी कि हमरा इख बटि कुछ लोगु न ऐके तुमतै अपणी बातों का द्‍वारा भरमै, अर तुमरा मनों तैं बड़ी उळझण मा डालियेली। पर सुणा, हम तुमतै बतै देन्द्‍यां कि हमुन ऊं लोगु तैं इन्द्रयो कुई भि आदेस नि दे छौ।

मरकुस 13:22

किलैकि झूठ्‍ठा मसीह अर झूठ्‍ठा रैबर्या ऐ जाला, अर इन ह्‍वे सकदु कि चुण्यां लोगु तैं भरमौण खुणि ऊ बड़ा-बड़ा चिन्‍न अर चमत्कार का काम कैरिके दिखाला।

2 तीमुथियुस 2:19

तभि भि जु लोग परमेस्वर पर बिस्वास करदिन, वु परमेस्वर का द्‍वारा बणयां घौर की मजबूत बुनियाद का जन छिन। अर ऊंका बिस्वास को नास कभि नि होलु, बल्किन मा वु घौर की मजबूत बुनियाद का जन सदनि टिक्यां राला। इलै परमेस्वर का वचन मा इन लिख्यूं च कि, “जु प्रभु का लोग छिन, ऊंतैं उ पछ्याणदु च,” अर जु इन बुल्दा छिन कि, “हम त परमेस्वर का छां, वु लोग बुरै बटि दूर रा।”

इब्रानी 10:39

हे मेरा दगड़्यों, हम पिछनै हटि के नास होण वळा लोगु मा बटि नि छां। इलै जबरि तक हमतै पूरि तरौं से बचयै नि जौ तब तक हम बिस्वास मा बणयां रौला।

2 तीमुथियुस 2:10

अर जौं लोगु तैं परमेस्वर न चुण्यूं च, ऊंतैं भि यीशु मसीह का द्‍वारा छुटकारा मिललु। अर जिं जगा मा परमेस्वर का दगड़ा सदनि को आदर-सम्मान मिलदु, वीं जगा पर वु लोग भि जीवन ज्याला। इलै मि ऊं खुणि यू दुख उठाणु छौं।

रोमियों 9:6

हे मेरा भै-बैंणो, मि तुमतै इन बतौण चान्दु कि भौत सा इस्राएली लोग इन छिन जु कि पिता परमेस्वर का दण्ड से बचि नि सकिनी, त यां को मतलब यू नि च कि पिता परमेस्वर को वचन रद्‍द ह्‍वे गै, किलैकि इस्राएली लोगु का पीढ़ी मा जनम लेण वळा सब लोग सच्‍चा इस्राएली नि छिन।

यूहन्ना 4:14

पर जु कुई भि मेरा दियां पाणि मा बटि प्यालु, वेतैं फिर सदनि तक तिस नि लगली, किलैकि जु पाणि मि वेतैं द्‍यूलु, उ वेमा बटि सदनि तक उछ्लण-कुदण वळु जीवन को एक छोया जन बणि जालु।”

यहूदा 1:1

हे मेरा भै-बैंणो मि यहूदा छौं, अर मि यीशु मसीह को सेवक अर याकूब को भै छौं। मि या चिठ्‍ठी तुम लोगु खुणि लिखणु छौं जौं तैं पिता परमेस्वर न बुलै, किलैकि पिता परमेस्वर तुम लोगु से भौत प्यार करदु। अर वेन तुम सभ्यों तैं यीशु मसीह की हिफाजत मा रख्युं च।

2 तीमुथियुस 3:9

पर अब यू लोग कभि अगनै नि जै सकदिन कि लोगु तैं अपणी बातों मा फंसा। किलैकि जन यन्‍नेस अर यम्ब्रेस की मूरखता को पता चलि गै छौ, ठिक उन्‍नि गळत शिक्षा तैं देण वळा लोगु की मूरखता भि सभ्यों का समणि परगट ह्‍वे जालि।

यूहन्ना 15:2

अर ज्वा फौंकि मि मा च अर अगर वीं पर फल नि लगदिन त वींतैं उ काटी देन्दु, अर ज्वा फळदि च वींतैं उ छाँटदु च, ताकि वे पर और भि जादा फल लगा।

2 यूहन्ना 1:7

किलैकि ईं दुनियां मा भौत सा धोखा देण वळा लोग निकळि के ऐ गैनी। अर वु ईं बात तैं स्वीकार नि करदिन, कि यीशु मसीह एक मनखि का रुप मा ईं दुनियां मा ऐ। अर यू उई च जु कि धोखा देण वळु, अर यीशु मसीह को दुसमन च।