1 यूहन्ना 2:17 - Garhwali

¹⁷ दुनियां अर वेकी बुरी इच्छा को नास ह्‍वे जाण, पर जु कुई परमेस्वर की इच्छा का मुताबिक चलदु वेको नास कभि नि होण।

गढवली नयो नियम

¹⁷ दुनिया अर वेकी सभि अभिलाषा, मिटै जंदींनि, पर जु पिता परमेश्वर की इच्छा का अनुसार चल्दो, उ सदनी बणयुं रालो।

1 यूहन्ना 2:17 Referans Kwoze

मत्ती 24:35

आसमान अर धरती को नास ह्‍वे जालु, मगर मेरी बुलिं बात कभि नि टळळि।”

रोमियों 12:2

अर सुणा, तुमतै ईं दुनियां का मुताबिक अपणु जीवन नि जीण चयेणु, पर पिता परमेस्वर का द्‍वारा तुम अपणा मन तैं नयू बणै के अपणा चाल-चलन तैं बदला। तब जैके तुम पिता परमेस्वर की मनसा तैं जाणि सकिल्या, कि कु जि बात वेतैं अच्छी लगदिन, अर कु जि बात छिन जु कि स्वीकार करण लैख छिन जौं मा कुछ भि गळत नि हो।

1 कुरिन्थि 7:31

अर जु कुई ईं दुनियां मा अपणु जीवन बसर करणु च वेतैं अपणु पूरु ध्यान दुनियां की चीजों की तरफा ना, बल्किन मा परमेस्वर की सेवा की तरफा लगौण चयेणु, किलैकि ईं दुनियां को नास होण वळु च।

1 पतरस 4:2

अर अब हम अपणा बच्यां जीवन तैं ईं दुनियां की इच्छा का मुताबिक ना, बल्किन मा परमेस्वर की मनसा का मुताबिक चला।

इब्रानी 10:36

मगर तुमतै सबर रखण की भौत जरुरत च, ताकि तुम परमेस्वर की मनसा तैं पूरु कैरिके करार का इनाम तैं पै सैका।

मरकुस 3:35

किलैकि जु लोग परमेस्वर का वचन तैं सुणदिन अर वेका मुताबिक चलदिन, वा ही मेरी माँ अर ऊ ही मेरा भै-बैंणा छिन।”

1 पतरस 1:5

अर तुमरा बिस्वास करण का खातिर ही परमेस्वर अपणी ताकत से तुमरि हिफाजत कनु च, ताकि न्याय को दिन जु कि परगट होण वळु च वेमा उ तुमतै बचै सैको।

1 थिस्सलुनीकी 4:3

अर परमेस्वर की मनसा इन्‍नि च की तुम पवित्र बणा, अर खुद तैं दुसरो का दगड़ा मा गळत सम्बन्ध रखण से बच्यां रा।

यूहन्ना 4:14

पर जु कुई भि मेरा दियां पाणि मा बटि प्यालु, वेतैं फिर सदनि तक तिस नि लगली, किलैकि जु पाणि मि वेतैं द्‍यूलु, उ वेमा बटि सदनि तक उछ्लण-कुदण वळु जीवन को एक छोया जन बणि जालु।”

मत्ती 7:21

“अर जु लोग मिकू, ‘हे प्रभु, हे प्रभु’ बोन्‍ना रौनदिन, ऊंमा बटि हरेक मनखि परमेस्वर का राज मा नि जै सकदु, बस उई जै सकदु जु स्वर्ग मा रौण वळा मेरा पिता परमेस्वर की मनसा पर चलदु।

याकूब 4:14

पर तुम त इन भि नि जणद्‍यां, कि भोळ तुमरा दगड़ा मा क्या होण वळु च। तुम त भाप की तरौं छाँ, जु थुड़ी देर तक दिखेन्दु अर फिर गैब ह्‍वे जान्दी।

यूहन्ना 6:58

अर या वा रुट्‍टी च, ज्वा स्वर्ग बटि अईं च। अर या वीं रुट्‍टी का जन नि च, जींतैं तुमरा पितरों न खै फिर भि मोरि गैनी, पर जु कुई स्वर्ग बटि अईं ईं रुट्‍टी तैं खालु उ सदनि ज्यून्दु रालु।”

मत्ती 21:31

यों दुईयों मा बटि कैन अपणा बुबा की इच्छा तैं पूरि कैरी?” ऊं लोगु न बोलि, “गुरुजी, बड़ा नौन न।” यीशु न ऊंकू बोलि, “मि तुम बटि सच्‍च बोन्‍नु छौं, कि चुंगी लेण वळा लोग अर वेश्याओं का जन दुसरा पापि लोग तुम से पैलि परमेस्वर का राज मा जाणा छिन।

1 थिस्सलुनीकी 5:18

अर हर दसा मा परमेस्वर को धन्यवाद द्‍या, किलैकि तुम यीशु मसीह का छाँ इलै परमेस्वर की मनसा या ही च।

कुलुसी 4:12

अर तुमरा इखो इपफ्रास भै भि जु कि यीशु मसीह को सेवक च, उ भि तुमकु सलाम बोन्‍नु च। अर उ मन लगै के तुम खुणि हमेसा प्रार्थना कनु रौन्दु, ताकि तुम हरेक बात मा सिद्ध ह्‍वे सैका अर यीशु मसीह पर पूरु बिस्वास कैरिके परमेस्वर की मनसा तैं पूरि कैरी सैका।

कुलुसी 1:9

इलै हे मेरा भै-बैंणो, जब बटि हमुन तुमरा बारा मा सुणी, त हम भि तुम लोगु खुणि प्रार्थना कना रौन्द्‍यां। अर हम इन प्रार्थना करद्‍यां, कि तुम लोग पूरा आत्मिक तरीके से परमेस्वर का ज्ञान मा अर वेकी मनसा तैं बिंगण मा भरपूर होन्दी जा।

यूहन्ना 7:17

अर अगर कुई परमेस्वर की मनसा पर चलण चान्दु, त उ यू जाणि जालु, कि यू उपदेस परमेस्वर की तरफा बटि च, या फिर मि अपणी तरफा बटि बोन्‍नु छौं।