1 यूहन्ना 2:11 - Garhwali

¹¹ मगर जु मनखि दुसरा लोगु से नफरत करदु, उ ईं बात तैं जाणि ल्यो कि वेका जीवन मा बुरै च, अर वु अन्धेरा मा चलणु च। अर वे मनखि तैं इन पता नि च कि उ जाणु कख च, किलैकि वे अन्धेर न वेका आंख्यों तैं बन्द कैरियाली।

गढवली नयो नियम

¹¹ पर जु कुई अपड़ा विश्वासी भैय बट्टी बैर रखदो, उ अन्धेरा मा जींणु च अर अन्धेरा मा चल्दो; अर नि जंणदु, कि कख जांणु च, किलैकि अन्धेरा ल वेका आंखा अंधा कैरेनी।

1 यूहन्ना 2:11 Referans Kwoze

यूहन्ना 12:35

तब यीशु न ऊंकू बोलि, “अब उज्याळु कुछ ही देर तक तुमरा बीच मा च। अर जबरि तक उज्याळु तुमरा दगड़ा मा च तबरि तक तुम उज्याळा मा हिटणा रा, कखि इन ना हो की अन्धेरु ऐके तुमतै घेरि द्‍यो किलैकि जु कुई अन्धेरा मा हिटदु, उ नि जणदु कि उ कख जाणु च।

तीतुस 3:3

अर मि त्वेतै यू सब इलै बतौणु छौं, किलैकि पैलि हम लोग भि मूरख छा अर बुलयूं नि मणदा छा, अर भक्टयां छा अर भौत सरी मन की इच्छा अर भोग-बिलास का गुलाम छा, अर एक-दुसरा से गळत बरतौ करण वळा अर जलन से भोर्यां छा, अर लोग हम बटि अर हम भि लोगु बटि नफरत करदा छा अर खार खान्दा छा।

दिब्य दरस 3:17

किलैकि तुम बुल्द्‍यां कि, मि सेठ छौं अर अपणी कोसिस से मिन भौत दौलत हासिल कैरियाली, अर अब मितैं कैं भि चीज कि जरुरत नि च, मगर तुम इन नि जणद्‍यां कि तुम लाचार, अर बदकिस्मत छाँ अर भौत गरीब, अन्धु अर नंगा छाँ।

1 यूहन्ना 1:6

अर अगर जु हम इन दावा कैरा कि हम वेका दगड़ा मा साझेदार छां, अर फिर भि हम अन्धेरा मा चलणा रा, त हम झूठ्‍ठ छां अर सच्‍चै का मुताबिक नि चलद्‍यां।

1 यूहन्ना 2:9

अर जु कुई इन दावा करदु कि मि उज्याळा मा छौ, मगर दुसरा लोगु बटि खार खान्दु हो, त इन्द्रयो मनखि इन समझि ल्यो कि अभि भि वेका जीवन मा अन्धेरु ही च।

2 कुरिन्थि 4:4

अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।

यूहन्ना 12:40

“वेन ऊंका आंख्यों तैं अन्धु अर मन तैं निठुर कैरियाली, ताकि वु आंख्यों बटि ना देखा अर ना ही मन बटि समझा। अगर ऊंन देखियाली अर समझियालि अर अपणा मन से पस्ताप कैरियाली, त कखि इन ना हो कि मि ऊंतैं खूब कैरी द्‍यूं।”

2 कुरिन्थि 3:14

मगर अभि भि ऊं लोगु का दिमाग सुनपट पोड़यां छिन, किलैकि ऊ परमेस्वर की मनसा तैं स्वीकार नि करण चनदिन। अर जब ऊ पुरणा कानून तैं पढदिन, त आज भि ऊंका बिंगण मा यू नि औन्दु कि परदा किलै डळै गै होलु। मगर यू सब ऊंका बिंगण मा तब औण जब वु यीशु मसीह पर बिस्वास करला।

2 पतरस 1:9

पर जैका पास यू सब गुण नि छिन य त वे मनखि तैं कम दिखेन्दु, य त उ अन्धु च। असल मा वु बिसरी गै कि उ अपणा पुरणा पापों से नहे के साफ ह्‍वे गै।

1 यूहन्ना 2:10

मगर जु मनखि सब लोगु से प्यार करदु हो, वेका जीवन मा उज्याळु च अर इन्द्रयो मनखि दुसरा लोगु खुणि पाप करण की वजा नि बणदु।

1 यूहन्ना 3:15

अर जु मनखि अपणा दुसरा लोगु से नफरत करदु, उ एक खूनि च। अर ईं बात का बारा मा तुम जणदा ही छाँ कि एक खूनि मनखि मा सदनि को जीवन नि ह्‍वे सकदु।

1 यूहन्ना 4:20

अर अगर कुई इन बुल्दु कि, “मि परमेस्वर से प्यार करदु,” मगर दुसरा लोगु से उ नफरत करदु हो, त ईं बात तैं जाणि ल्या कि इन्द्रयो मनखि झूठ्‍ठों च। किलैकि जौं लोगु तैं वेन अपणा समणि देखि, ऊं से उ प्यार नि कैरी सकणु च। अर जै परमेस्वर तैं वेन कभि नि देखि, त वेसे उ कनकै प्यार कैरी सकलु।