1 यूहन्ना 1:6 - Garhwali

⁶ अर अगर जु हम इन दावा कैरा कि हम वेका दगड़ा मा साझेदार छां, अर फिर भि हम अन्धेरा मा चलणा रा, त हम झूठ्‍ठ छां अर सच्‍चै का मुताबिक नि चलद्‍यां।

गढवली नयो नियम

⁶ जु हम बुलला, कि पिता परमेश्वर का दगड़ा हमारी दगड़ी च, पर बुरै करद्यां, त हम झूठ बुल्दियां अर सचै का अनुसार नि ज्यूंदा।

1 यूहन्ना 1:6 Referans Kwoze

1 यूहन्ना 4:20

अर अगर कुई इन बुल्दु कि, “मि परमेस्वर से प्यार करदु,” मगर दुसरा लोगु से उ नफरत करदु हो, त ईं बात तैं जाणि ल्या कि इन्द्रयो मनखि झूठ्‍ठों च। किलैकि जौं लोगु तैं वेन अपणा समणि देखि, ऊं से उ प्यार नि कैरी सकणु च। अर जै परमेस्वर तैं वेन कभि नि देखि, त वेसे उ कनकै प्यार कैरी सकलु।

1 यूहन्ना 2:4

अर जु मनखि बुल्दु कि, “मि परमेस्वर तैं जाणि ग्यों,” अर फिर भि वेकी आज्ञाओं को पालन नि करदु, त समझि जा कि उ मनखि झूठ्‍ठु च अर वेमा कुई सच्‍चै नि च।

1 यूहन्ना 1:10

अर अगर जु हम बुल्द्‍यां कि हमुन पाप नि कैरी, त हमुन परमेस्वर तैं झूठ्‍ठु साबित कैरियाली, इन कैरिके हमुन वेका वचन तैं अपणा मन मा जगा नि दिनी।

यूहन्ना 8:12

फिर यीशु न लोगु कू बोलि, “दुनियां को उज्याळु मि छौं। अर जु कुई भि मेरा पिछनै चललु, उ अन्धेरा मा नि रालु, बल्किन मा उ जीवन का उज्याळा तैं पालु।”

यूहन्ना 12:35

तब यीशु न ऊंकू बोलि, “अब उज्याळु कुछ ही देर तक तुमरा बीच मा च। अर जबरि तक उज्याळु तुमरा दगड़ा मा च तबरि तक तुम उज्याळा मा हिटणा रा, कखि इन ना हो की अन्धेरु ऐके तुमतै घेरि द्‍यो किलैकि जु कुई अन्धेरा मा हिटदु, उ नि जणदु कि उ कख जाणु च।

याकूब 2:14

हे मेरा भै-बैंणो, अगर कुई बुल्दु कि, “मि बिस्वास करदु छौं,” पर वेका मुताबिक वु काम नि करदु, त क्या फैदा ह्‍वे? क्या इन्द्रयो बिस्वास वेतैं कभि छुटकारु दे सकदु च?

यूहन्ना 12:46

अर मि ईं दुनियां मा उज्याळु बणि के अयूं छौं। ताकि जु कुई भि मि पर बिस्वास कैरो, उ अन्धेरा मा नि रौ।

1 यूहन्ना 1:3

अर जैका बारा मा हम तुमतै बतौणा छां उ यीशु मसीह च जैतैं हमुन देखि अर सुणी च, ताकि तुम लोग भि हमरा दगड़ा मा साझेदार बणि जा। अर हमरि या साझेदारी पिता परमेस्वर का दगड़ा मा अर वेका पुत्र प्रभु यीशु मसीह का दगड़ा मा च।

यूहन्ना 11:10

पर अगर कुई राति चलदु त वेतैं उतेडु़ लगदु, किलैकि राति मा उज्याळु नि होन्दु।”

याकूब 2:18

पर इन ह्‍वे सकदु च कि, “एक मनखि बोलो कि मि बिस्वास करदु, अर दुसरो बोलो कि मि त भलै का काम करदु।” त इन्द्रया लोगु खुणि मि इन बुल्दु कि, “तू बिना काम कियां अपणु बिस्वास दिखौ, अर दुसरो अपणु बिस्वास भलै का काम कैरिके दिखालु।”

1 यूहन्ना 1:8

अर अगर हम इन बुल्द्‍यां कि, “हमरा भितर पाप नि च,” त हम खुद तैं धोखा दिणा छा अर हम मा सच्‍चै छैई नि च।

याकूब 2:16

अर तुम मा बटि कुई ऊंकू बोललु कि, “निस फिकर ह्‍वेके जा अर अच्छा कपड़ा पैरा, अर अच्छु खाणु खा,” पर जु चीज ऊंका सरील खुणि जरुरी छिन वु सब ऊंतैं नि देई त क्या फैदा ह्‍वे?

मत्ती 7:22

अर न्याय का दिन पर भौत सा लोग मिकू बुलला, ‘प्रभु, हे प्रभु, हमुन त तुमरा नौ से भविष्यबाणी कैरी छै, खबेसों तैं निकाळि छौ, अर तुमरा नौ से भौत सा चमत्कार भि करिनी, त क्या प्रभु तुमुन हमतै नि पछ्याणी।’

1 तीमुथियुस 4:2

अर यू सब ऊं झूठ्‍ठा ढोंगि लोगु का द्‍वारा होलु जौं तैं भलै अर बुरै को ज्ञान नि च, यों को मन लुअळ डामी के नास होयां का जन च।

यूहन्ना 8:55

फिर भि तुम त वेतैं नि जणद्‍यां, पर मि वेतैं जणदु छौं। अगर जु मि बुल्दु, कि मि वेतैं नि जणदु, त मि भि तुमरि तरौं झूठ्‍ठु ठैरलु। पर मि वेतैं जणदु छौं अर वेका ही वचनों का मुताबिक चलदु छौं।